ಬೆಂಗಳೂರು: 17ನೇ ಆವೃತ್ತಿಯ ಐಪಿಎಲ್ನಲ್ಲಿ(IPL 2024 Points Table) ಎಲ್ಲ 10 ತಂಡಗಳು ಕೂಡ ಒಂದು ಸುತ್ತಿನ ಪಂದ್ಯವನ್ನು ಆಡಿ ಮುಗಿಸಿದೆ. 5 ತಂಡಗಳು ಗೆಲುವು ಮತ್ತು 5 ತಂಡಗಳು ಸೋಲು ಕಂಡಿವೆ. ಸದ್ಯ ಅಂಕಪಟ್ಟಿಯಲ್ಲಿ ಯಾವ ತಂಡ ಯಾವ ಸ್ಥಾನದಲ್ಲಿದೆ ಎನ್ನುವ ಮಾಹಿತಿ ಇಂತಿದೆ.
ಅಂಕಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ರಾಜಸ್ಥಾನ್ ರಾಯಲ್ಸ್ | 1 | 1 | 0 | 2(+1.000) |
| ಚೆನ್ನೈ ಸೂಪರ್ ಕಿಂಗ್ಸ್ | 1 | 1 | 0 | 2 (+0.779) |
| ಪಂಜಾಬ್ ಕಿಂಗ್ಸ್ | 1 | 1 | 0 | 2 (+0.455) |
| ಗುಜರಾತ್ ಟೈಟಾನ್ಸ್ | 1 | 1 | 0 | 2 (+0.300) |
| ಕೋಲ್ಕತ್ತಾ ನೈಟ್ ರೈಡರ್ಸ್ | 1 | 1 | 0 | 2(+0.200) |
| ಸನ್ರೈಸರ್ಸ್ ಹೈದರಾಬಾದ್ | 1 | 0 | 1 | 0 (-0.200) |
| ಮುಂಬೈ ಇಂಡಿಯನ್ಸ್ | 1 | 0 | 1 | 0 (-0.300) |
| ಡೆಲ್ಲಿ ಕ್ಯಾಪಿಟಲ್ಸ್ | 1 | 0 | 1 | 0 (-0.455) |
| ಆರ್ಸಿಬಿ | 1 | 0 | 1 | 0 (-0.779) |
| ಲಕ್ನೋ ಸೂಪರ್ ಜೈಂಟ್ಸ್ | 1 | 0 | 1 | 0 (-1.000) |
ಗುಜರಾತ್ಗೆ 6 ರನ್ ಗೆಲುವು
ಭಾನುವಾರ ನಡೆದ ದ್ವಿತೀಯ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್(Mumbai Indians) ವಿರುದ್ಧ ಗುಜರಾತ್ ಟೈಟಾನ್ಸ್(Gujarat Titans) 6 ರನ್ಗಳ ಗೆಲುವು ಸಾಧಿಸಿ ಅಂಕಪಟ್ಟಿಯಲ್ಲಿ ಖಾತೆ ತೆರೆದಿದೆ. ವಿಶ್ವದ ಅತಿ ದೊಡ್ಡ ಕ್ರಿಕೆಟ್ ಸ್ಟೇಡಿಯಂ ಅಹಮದಾಬಾದ್ನ ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಗುಜರಾತ್, ಜಸ್ಪ್ರೀತ್ ಬುಮ್ರಾ ಘಾತಕದಾಳಿಗೆ ತಡೆಯೊಡ್ಡುವಲ್ಲಿ ವಿಫಲವಾಗಿ 6 ವಿಕೆಟ್ಗೆ 168 ರನ್ಗಳ ಸಾಧಾರಣ ಮೊತ್ತ ಬಾರಿಸಿತು. ಜವಾಬಿತ್ತ ಮುಂಬೈ ಇಂಡಿಯನ್ಸ್(MI vs GT) ಭರ್ತಿ 20 ಓವರ್ ಆಡಿ 9 ವಿಕೆಟ್ ಕಳೆದುಕೊಂಡು 162 ರನ್ ಮಾತ್ರ ಗಳಿಸಿ ಸೋಲೊಪ್ಪಿಕೊಂಡಿತು. ಗುಜರಾತ್ ಗೆಲುವಿನೊಂದಿಗೆ ಹಾಲಿ ಆವೃತ್ತಿಯಲ್ಲಿ ನಡೆದ ಎಲ್ಲ 5 ಪಂದ್ಯಗಳಲ್ಲಿಯೂ ತವರಿನ ತಂಡವೇ ಗೆಲುವು ಸಾಧಿಸಿದಂತಾಯಿತು.
ಇದನ್ನೂ ಓದಿ IPL 2024: ರಣಜಿ ಆಡಲು ಅಸಡ್ಡೆ ತೋರಿದ್ದ ಶ್ರೇಯಸ್,ಇಶಾನ್ ಐಪಿಎಲ್ನಲ್ಲಿ ಡಕೌಟ್; ಫುಲ್ ಟ್ರೋಲ್
#TATAIPL 2024 is well and truly underway! 🙌
— IndianPremierLeague (@IPL) March 24, 2024
How did your favourite team’s first game of the season go? 🤔
🥳 or 😢? pic.twitter.com/0cq82lGcO2
ರಾಜಸ್ಥಾನ್ಗೆ ಗೆಲುವು
ದಿನದ ಮೊದಲ ಐಪಿಎಲ್(IPL 2024) ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್(RR vs LSG) ಕನ್ನಡಿಗ ಕೆ.ಎಲ್ ರಾಹುಲ್ ಸಾರಥ್ಯದ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ 20 ರನ್ಗಳ ಸೂಪರ್ ಗೆಲುವು ಸಾಧಿಸಿತು. ಇಲ್ಲಿನ ಸವಾಯ್ ಮಾನ್ಸಿಂಗ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಭಾನುವಾರದ ಡಬಲ್ ಹೆಡರ್ನ ಮೊದಲ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ನಡೆಸಿದ ರಾಜಸ್ಥಾನ್, ನಾಯಕ ಸಂಜು ಸ್ಯಾಮ್ಸನ್ ಅವರ ಆಕರ್ಷಕ ಅರ್ಧಶತಕ ನೆರವಿನಿಂದ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ಗೆ 193 ರನ್ಗಳ ಭರ್ಜರಿ ಮೊತ್ತ ಪೇರಿಸಿತು. ಈ ಸವಾಲನ್ನು ಲಕ್ನೋ ದಿಟ್ಟ ರೀತಿಯಿಂದ ಬೆನ್ನಟ್ಟಿಕೊಂಡು ಹೋದರೂ ಕೂಡ ಅಂತಿಮವಾಗಿ 6 ವಿಕೆಟ್ಗೆ 173 ರನ್ ಮಾತ್ರ ಗಳಿಸಲಷ್ಟೇ ಶಕ್ತವಾಗಿ ಶರಣಾಯಿತು.