ಬೆಂಗಳೂರು: ಕ್ರಿಕೆಟ್ ಪ್ರಿಯರ 17ನೇ ಆವೃತ್ತಿಯ ಐಪಿಎಲ್(IPL 2024) ಟೂರ್ನಿ ಇನ್ನೇನು ಕೆಲವೇ ದಿನಗಳಲ್ಲಿ ಆರಂಭಗೊಳ್ಳಲಿದೆ. ಮಾರ್ಚ್ 22ರಿಂದ ಟೂರ್ನಿಗೆ ಚಾಲನೆ ಸಿಗಲಿದೆ. ಈ ಬಾರಿ ಲೋಕಸಭಾ ಚುನಾವಣೆ ಇರುವುದರಿಂದ ಟೂರ್ನಿಯಲ್ಲಿ 2 ಹಂತದಲ್ಲಿ ನಡೆಸಲಾಗುತ್ತದೆ. ಮೊದಲ ಹಂತದ ಪಂದ್ಯಗಳ ವೇಳಾಪಟ್ಟಿ ಈಗಾಗಲೇ ಪ್ರಕಟಗೊಂಡಿದೆ. ಉದ್ಘಾಟನ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್(CSK) ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು(RCB) ಮುಖಾಮುಖಿಯಾಗಲಿದೆ. ಇದೀಗ ಟೂರ್ನಿಯ ಪ್ರಸಾರಕರಾದ ಸ್ಟಾರ್ ಸ್ಪೋರ್ಟ್(Star Sports) ಪ್ರೋಮೊವನ್ನು ಬಿಡುಗಡೆ ಮಾಡಿದೆ.
ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ ಬಿಡುಗಡೆ ಮಾಡಿರುವ ಐಪಿಎಲ್ 17ನೇ ಆವೃತ್ತಿಯ ಪ್ರೋಮೊದಲ್ಲಿ ರಿಷಭ್ ಪಂತ್(Rishabh Pant) ಶ್ರೇಯಸ್ ಅಯ್ಯರ್(Shreyas Iyer), ಕೆ.ಎಲ್ ರಾಹುಲ್(KL Rahul) ಮತ್ತು ಹಾರ್ದಿಕ್ ಪಾಂಡ್ಯ(Hardik Pandya) ಕಾಣಿಸಿಕೊಂಡಿದ್ದಾರೆ. ಆದರೆ, ಸ್ಟಾರ್ ಆಟಗಾರರಾದ ವಿರಾಟ್ ಕೊಹ್ಲಿ, ಮಹೇಂದ್ರ ಸಿಂಗ್ ಧೋನಿ, ರೋಹಿತ್ ಶರ್ಮ ಅವರಂತಹ ಆಟಗಾರರನ್ನು ಆಯ್ಕೆ ಮಾಡದ್ದು ಅಚ್ಚರಿ ಉಂಟುಮಾಡಿದೆ.
ಅಂಪೈರ್ಗೆ ಬೈದ ರಾಹುಲ್
ಲಕ್ನೋ ತಂಡದ ನಾಯಕ, ಕನ್ನಡಿಗ ಕೆ.ಎಲ್ ರಾಹುಲ್ (KL Rahul) ಅವರು ಈ ಪ್ರೋಮೊದಲ್ಲಿ ಅತ್ಯಂತ ಭಿನ್ನವಾಗಿ ಕಾಣಿಸಿಕೊಂಡಿದ್ದಾರೆ. ಕನ್ನಡದಲ್ಲಿಯೇ ರಗಡ್ ಆಗಿ ಮಾತನಾಡಿದ್ದು, ಅಂಪೈರ್ ವಿರುದ್ಧ ಸಿಡಿದಿದ್ದಾರೆ. ರಾಹುಲ್ ಗೆಳೆಯರೊಂದಿಗೆ ಆರ್ಸಿಬಿ ಮ್ಯಾಚ್ ನೋಡುತ್ತಿರುತ್ತಾರೆ. ಈ ವೇಳೆ ಆರ್ಸಿಬಿ ಬ್ಯಾಟರ್ ಸಿಕ್ಸರ್ ಬಾರಿಸಿದರೂ ಫೀಲ್ಡ್ ಅಂಪೈರ್ ಔಟೆಂದು ತೀರ್ಪು ನೀಡುತ್ತಾರೆ. ಇದನ್ನು ಗಮನಿಸಿದ ರಾಹುಲ್, ‘ಯಾರೋ ಇವ್ನು, ಅಂಪೈರ್ ಅಂತೆ ಅಂಪೈರ್, ಅದು ಔಟಿಲ್ಲ ಮಾರಾಯ, ಹುಚ್ಚಾನಾ ನೀನು, ಇವನನ್ನು ಹಿಡ್ಕೊಂಡು ಯಾರಾದರೂ ಚಚ್ಚಿಹಾಕಿ’ ಎಂದಿದ್ದಾರೆ. ಈ ವಿಡಿಯೊ ವೈರಲ್ ಆಗಿದೆ.
ಇದನ್ನೂ ಓದಿ IPL 2024: ಅಭ್ಯಾಸ ಆರಂಭಿಸಿದ ಹಾಲಿ ಚಾಂಪಿಯನ್ ಸಿಎಸ್ಕೆ; ಆರ್ಸಿಬಿ ಮೊದಲ ಎದುರಾಳಿ
Jab saath mil kar Star Sports par dekhenge #TataIPL 2024, tab Gajab IPL ka #AjabRangDikhega! 🤩
— Star Sports (@StarSportsIndia) March 3, 2024
IPL starts on MARCH 22 on Star Sports
The real magic of #IPL2024 is unleashed when you watch it together on the big screen – Because it's always #BetterTogether! 🫂🤌
Don't miss… pic.twitter.com/h7wran9DRY
ಕಾರು ಅಪಘಾತದಿಂದ ಚೇತರಿಕೆ ಕಂಡು ಕ್ರಿಕೆಟ್ಗೆ ಕಮ್ಬ್ಯಾಕ್ ಮಾಡಲು ಸಿದ್ಧರಾಗಿರುವ ರಿಷಭ್ ಪಂತ್ ಅವರು ಪ್ರೋಮೊದ ಆರಂಭದಲ್ಲಿ ಕಾಣಿಸುತ್ತಾರೆ. ಪಂಜಾಬಿ ಶೈಲಿಯಲ್ಲಿ ಕಾಣಿಸಿಕೊಂಡ ಅವರು ಡಾಬಾವೊಂದಕ್ಕೆ ಡಾನ್ಗಳ ರೀತಿಯಲ್ಲಿ ಪಂದ್ಯ ನೋಡಲು ಬರುತ್ತಾರೆ. ಈ ವೇಳೆ ಡಾಬಾದಲ್ಲಿದ್ದವರು ಪಂತ್ ಕಂಡು ಓಡಿ ಪಕ್ಕಕ್ಕೆ ಸರಿಯುತ್ತಾರೆ. ಟಿವಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಚಾಂಪಿಯನ್ ಆದಾಗ ಧೋನಿ ಅವರು ಜಡೇಜಾ ಅವರನ್ನು ಹೆಗಲ ಮೇಲೆ ಹೊತ್ತುಕೊಂಡ ದೃಶ್ಯವನ್ನು ತೋರಿಸಲಾಗುತ್ತದೆ. ಈ ವೇಳೆ ಪಂತ್ ಕಣ್ಣೀರು ಹಾಕುತ್ತಾರೆ. ಪ್ರಾದೇಶಿಕ ಭಾಷೆಗಳಿಗೆ ಅನುಗುಣವಾಗಿ 4 ಮಂದಿ ಆಟಗಾರರನ್ನು ನಾಲ್ಕು ಬಾಷೆಗಳಿಗೆ ಅನ್ವಯವಾಗುವಂತೆ ಈ ಪ್ರೋಮೊದಲ್ಲಿ ತೋರಿಸಲಾಗಿದೆ.