ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2024) ನ ಹದಿನಾರನೇ ಆವೃತ್ತಿಯು ಮಾರ್ಚ್ 31 ರಂದು ಅಹಮದಾಬಾದ್ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಆರಂಭವಾಗಲಿದೆ. ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ (GT) ಮತ್ತು ನಾಲ್ಕು ಬಾರಿಯ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ (CSK) ನಡುವೆ ಮೊದಲ ಹಣಾಹಣಿ ನಡೆಯಲಿದೆ. ಈ ಲೀಗ್ ವಿಶ್ವ ಕ್ರಿಕೆಟ್ಬ ಅತ್ಯಂತ ಜನಪ್ರಿಯ ಕ್ರಿಕೆಟ್ ಟೂರ್ನಿಗಳಲ್ಲಿ ಒಂದಾಗಿದೆ. ಐಪಿಎಲ್ ಇತಿಹಾಸದಲ್ಲಿ, ಕೆಲವು ಬ್ಯಾಟರ್ಗಳು ಹಲವಾರು ವರ್ಷಗಳಿಂದ ಸ್ಥಿರ ಪ್ರದರ್ಶನ ನೀಡುತ್ತಿದ್ದಾರೆ. ಅವರ ಉಳಿದವರಿಗಿಂತ ಬೆಸ್ಟ್ ಎಂಬುದನ್ನು ಸಾಬೀತು ಮಾಡಿದ್ದಾರೆ. ಅಂಥ ಐದು ಬ್ಯಾಟರ್ಗಳ ವಿವರ ಇಲ್ಲಿದೆ
ವಿರಾಟ್ ಕೊಹ್ಲಿ
2013 ರಿಂದ 2021 ರವರೆಗೆ ಬೆಂಗಳೂರು ಫ್ರಾಂಚೈಸಿಯನ್ನು ಮುನ್ನಡೆಸಿದ ಭಾರತದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಲೀ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ವಿರಾಟ್ 229 ಇನ್ನಿಂಗ್ಸ್ಗಳಲ್ಲಿ 37.24 ಸರಾಸರಿ ಮತ್ತು 130.02 ಸ್ಟ್ರೈಕ್ ರೇಟ್ನೊಂದಿಗೆ 7263 ರನ್ ಗಳಿಸಿದ್ದಾರೆ. ಅವರು ಲೀಗ್ನಲ್ಲಿ ಈವರೆಗೆ 7 ಶತಕ ಮತ್ತು 50 ಅರ್ಧಶತಕಗಳನ್ನು ಗಳಿಸಿದ್ದಾರೆ. ಈ ಪೈಕಿ 2016ರ ಆವೃತ್ತಿಯಲ್ಲಿ 973 ರನ್ ಬಾರಿಸಿದ್ದರು. ಐಪಿಎಲ್ 2023 ರ 70 ನೇ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ (ಜಿಟಿ) ವಿರುದ್ಧ ಶತಕ ಗಳಿಸುವ ಮೂಲಕ, ಅವರು ಕ್ರಿಸ್ ಗೇಲ್ ಅವರ ಆರು ಶತಕಗಳ ಸಂಖ್ಯೆಯನ್ನು ಮೀರಿಸಿದ್ದಾರೆ. ಕೊಹ್ಲಿ ಈಗ ಲೀಗ್ ಇತಿಹಾಸದಲ್ಲಿ ಅತಿ ಹೆಚ್ಚು ಶತಕಗಳನ್ನು (7) ಗಳಿಸಿದ್ದಾರೆ.
ಶಿಖರ್ ಧವನ್
ಐಪಿಎಲ್ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ಬ್ಯಾಟರ್ಗಳ ಪಟ್ಟಿಯಲ್ಲಿ ಭಾರತದ ಆರಂಭಿಕ ಬ್ಯಾಟ್ಸ್ಮನ್ ಶಿಖರ್ ಧವನ್ ಎರಡನೇ ಸ್ಥಾನದಲ್ಲಿದ್ದಾರೆ. ಅವರು 35.38 ಸರಾಸರಿ ಮತ್ತು 127.17 ಸ್ಟ್ರೈಕ್ ರೇಟ್ನೊಂದಿಗೆ 6617 ರನ್ ಗಳಿಸಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್ ಪರ ಕಳೆದ ಎರಡು-ಮೂರು ಋತುಗಳಲ್ಲಿ ಅವರು ನಿರ್ಣಾಯಕರಾಗಿದ್ದರು. ಇದಕ್ಕೂ ಮುನ್ನ ಡೇವಿಡ್ ವಾರ್ನರ್ ಅವರೊಂದಿಗೆ ಸನ್ರೈಸರ್ಸ್ ಹೈದರಾಬಾದ್ ಪರ ಆರಂಭಿಕರಾಗಿ ಆಡಿದ್ದರು.
ಡೇವಿಡ್ ವಾರ್ನರ್
ಸನ್ರೈಸರ್ಸ್ ಹೈದರಾಬಾದ್ನ ಮಾಜಿ ನಾಯಕ ಡೇವಿಡ್ ವಾರ್ನರ್ ಐಪಿಎಲ್ನ ವಿದೇಶಿ ಆಟಗಾರರಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಮತ್ತು ಒಟ್ಟಾರೆ ದಾಖಲೆಯಲ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. ಅವರು ಹಿಂದಿನ 2022 ರ ಆವೃತ್ತಿಯಲ್ಲಿ ರೋಹಿತ್ ಶರ್ಮಾ ಅವರ 5879 ರನ್ಗಳ ದಾಖಲೆಯನ್ನು ಹಿಂದಿಕ್ಕಿದರು. ಅವರು 176 ಇನ್ನಿಂಗ್ಸ್ಗಳಲ್ಲಿ 41.53 ಸರಾಸರಿಯಲ್ಲಿ 6397 ರನ್ ಗಳಿಸಿದ್ದಾರೆ ಮತ್ತು ಸ್ಟ್ರೈಕ್ ರೇಟ್ 139.91 ಆಗಿದೆ. ಲೀಗ್ನಲ್ಲಿ ಅವರು ಈವರೆಗೆ 4 ಶತಕಗಳು ಮತ್ತು 61 ಅರ್ಧಶತಕಗಳನ್ನು ಬಾರಿಸಿದ್ದಾರೆ. ಐಪಿಎಲ್ನ 2022ರ ಮೊದಲಾರ್ಧದಲ್ಲಿ ವಾರ್ನರ್ ಉತ್ತಮ ಅಭಿಯಾನ ಮಾಡಲಿಲ್ಲ. ಬಳಿಕ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ ಮೆಗಾ ಹರಾಜಿನಲ್ಲಿ 6.25 ಕೋಟಿ ರೂ.ಗೆ ಖರೀದಿಸಿತು. ವಾರ್ನರ್ 2015, 2017 ಮತ್ತು 2019 ರ ಮೂರು ವಿಭಿನ್ನ ಋತುಗಳಲ್ಲಿ ಐಪಿಎಲ್ ಆರೆಂಜ್ ಕ್ಯಾಪ್ ಗೆದ್ದಿದ್ದಾರೆ.
ರೋಹಿತ್ ಶರ್ಮಾ
ನಾಯಕನಾಗಿ 5 ಐಪಿಎಲ್ ಟ್ರೋಫಿಗಳನ್ನು ಗೆದ್ದಿರುವ ರೋಹಿತ್ ಶರ್ಮಾ ಬ್ಯಾಟರ್ ಆಗಿಯೂ ಉತ್ತಮ ಗಳಿಕೆ ಹೊಂದಿದ್ದಾರೆ. ಐಪಿಎಲ್ನಲ್ಲಿ ಆಡಿದ 238 ಇನ್ನಿಂಗ್ಸ್ಗಳಲ್ಲಿ 29.57 ಸರಾಸರಿ ಮತ್ತು 130.04 ಸ್ಟ್ರೈಕ್ ರೇಟ್ನಲ್ಲಿ 6211 ರನ್ ಗಳಿಸಿದ್ದಾರೆ. ಇದರಲ್ಲಿ 1 ಶತಕ ಮತ್ತು 42 ಅರ್ಧಶತಕಗಳು ಸೇರಿವೆ. ಅವರ ಗರಿಷ್ಠ ಸ್ಕೋರ್ 109* ಆಗಿದೆ. ಅವರು 2019 ರಿಂದ ಮುಂಬೈ ಇಂಡಿಯನ್ಸ್ ಪರ ಓಪನಿಂಗ್ ಮಾಡುತ್ತಿದ್ದಾರೆ .
ಇದನ್ನೂ ಓದಿ : IPL 2024 : ಅಂತಾರಾಷ್ಟ್ರೀಯ ಕ್ರಿಕೆಟ್ ನಿವೃತ್ತಿ ಬಳಿಕ ಐಪಿಎಲ್ನಲ್ಲಿ ಮಿಂಚಿದ ಆಟಗಾರರು ಇವರು
ಸುರೇಶ್ ರೈನಾ
ಮಿಸ್ಟರ್ ಐಪಿಎಲ್ ಎಂದು ಪ್ರೀತಿಯಿಂದ ಕರೆಯಲ್ಪಡುವ ಸುರೇಶ್ ರೈನಾ ಪಂದ್ಯಾವಳಿಯ ಆರಂಭದಿಂದಲೂ ಅದ್ಭುತ ಪ್ರದರ್ಶನ ನೀಡುವ ಮೂಲಕ ಹೆಸರಿಗೆ ನ್ಯಾಯ ಒದಗಿಸಿದ್ದಾರೆ. ಅವರು 200 ಇನ್ನಿಂಗ್ಸ್ಗಳಲ್ಲಿ 32.51 ಸರಾಸರಿ ಮತ್ತು 136.73 ಸ್ಟ್ರೈಕ್ ರೇಟ್ನೊಂದಿಗೆ 5528 ರನ್ಗಳೊಂದಿಗೆ ನಾಲ್ಕನೇ ಅತಿ ಹೆಚ್ಚು ರನ್ ಗಳಿಸಿದವರಾಗಿದ್ದಾರೆ. ಐಪಿಎಲ್ನಲ್ಲಿ ಅವರ ಉತ್ತಮ ದಾಖಲೆಯ ಹೊರತಾಗಿಯೂ, ಅವರು ಐಪಿಎಲ್ 2022 ರ ಮೆಗಾ ಹರಾಜಿನಲ್ಲಿ ಮಾರಾಟವಾಗದೆ ಉಳಿದರು.
- ವಿರಾಟ್ ಕೊಹ್ಲಿ 229 ಇನಿಂಗ್ಸ್, 7263 ರನ್, 37.24 ಸರಾಸರಿ, 130.0 2 ಸ್ಟ್ರೈಕ್ರೇಟ್ 7 ಶತಕ, 50 ಅರ್ಧ ಶತಕ
- ಶಿಖರ್ ಧವನ್ 216 ಇನಿಂಗ್ಸ್, 6617 ರನ್, 35.38 ಸರಾಸರಿ, 127.17 ಸ್ಟ್ರೈಕ್ರೇಟ್ 2ಶತಕ, 50 ಅರ್ಧ ಶತಕ
- ಡೇವಿಡ್ ವಾರ್ನರ್ 176 ಇನಿಂಗ್ಸ್, 6397 ರನ್, 41.53 ಸರಾಸರಿ, 139.91ಸ್ಟ್ರೈಕ್ರೇಟ್ 4 ಶತಕ, 61 ಅರ್ಧ ಶತಕ
- ರೋಹಿತ್ ಶರ್ಮಾ 238 ಇನಿಂಗ್ಸ್, 6211 ರನ್, 29.57 ಸರಾಸರಿ, 130.04ಸ್ಟ್ರೈಕ್ರೇಟ್ 1 ಶತಕ, 42 ಅರ್ಧ ಶತಕ
- ಸುರೇಶ್ ರೈನಾ 200 ಇನಿಂಗ್ಸ್, 5528 ರನ್, 32.51 ಸರಾಸರಿ, 136.73ಸ್ಟ್ರೈಕ್ರೇಟ್ 1ಶತಕ, 39 ಅರ್ಧ ಶತಕ