ಮುಂಬೈ: ಯುವ ವಿಕೆಟ್ ಕೀಪರ್ ಬ್ಯಾಟರ್ ಇಶಾನ್ ಕಿಶನ್ (Ishan Kishan) ಅವರು ರಣಜಿ ಟ್ರೋಫಿಯಿಂದ ಹೊರಗುಳಿದು ವಿವಾದಕ್ಕೆ ಕಾರಣವಾಗಿದ್ದರು. ಇದೇ ಕಾರಣಕ್ಕೆ ಅವರು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಒಪ್ಪಂದದಿಂದ ವಂಚಿತರಾಗಿದ್ದಾರೆ. ಇದೀಗ ಅವರಿಗೆ ತಪ್ಪಿನ ಅರಿವಾಗಿದ್ದು. ತನ್ನ ನಿಯಂತ್ರಣಕ್ಕೆ ಮೀರಿದ ಕೆಲವು ಅಂಶಗಳು ಈ ಪರಿಸ್ಥಿತಿಗೆ ಕಾರಣವಾಗಿವೆ ಎಂದು ಇಶಾನ್ ಕಿಶನ್ ಒಪ್ಪಿಕೊಂಡಿದ್ದಾರೆ.
Still thinking about this shot from Ishan Kishan.pic.twitter.com/zqjGJi7XK3
— R A T N I S H (@LoyalSachinFan) April 12, 2024
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2024 ಕ್ಕೆ ಮುಂಚಿತವಾಗಿ ಇಶಾನ್ ಕಿಶನ್ ಟೀಕೆಗಳನ್ನು ಎದುರಿಬೇಕಾಯಿತು. ಮಂಡಳಿಯ ಎಚ್ಚರಿಕೆಗಳ ಹೊರತಾಗಿಯೂ ರಣಜಿ ಟ್ರೋಫಿಯ ಅನುಪಸ್ಥಿತಿಯಿಂದಾಗಿ ಅವರು ತಮ್ಮ ಬಿಸಿಸಿಐ ಕೇಂದ್ರ ಒಪ್ಪಂದವನ್ನು ಕಳೆದುಕೊಂಡರು. ಎಡಗೈ ಬ್ಯಾಟ್ಸ್ಮನ್ ದೇಶೀಯ ರೆಡ್-ಬಾಲ್ ಪಂದ್ಯಾವಳಿಯಲ್ಲಿ ಭಾಗವಹಿಸುವುದಕ್ಕಿಂತ ಐಪಿಎಲ್ ಸಿದ್ಧತೆಗೆ ಆದ್ಯತೆ ನೀಡಿದ್ದು ಈ ಸಮಸ್ಯೆಗೆ ಕಾರಣ,
ಜಾರ್ಖಂಡ್ ಮೂಲದ ಕ್ರಿಕೆಟಿಗ ಐಪಿಎಲ್ 2024 ಋತುವಿನಲ್ಲಿ ಮುಂಬೈ ಇಂಡಿಯನ್ಸ್ ಪರ ಪುನರಾಗಮನ ಮಾಡಿದರು. ಪ್ರಸ್ತುತ ನಡೆಯುತ್ತಿರುವ ಪಂದ್ಯಾವಳಿಯಲ್ಲಿ ತಂಡವು ಸತತ ಮೂರು ಸೋಲುಗಳನ್ನು ಸಹಿಸಿಕೊಂಡಿತ್ತು. ಮುಂಬೈ ತಂಡ ಆ ಬಳಿಕ ಎರಡು ಗೆಲುವುಗಳನ್ನು ಕಂಡಿದೆ. ಈ ಪುನರುಜ್ಜೀವನದಲ್ಲಿ ಕಿಶನ್ ಪ್ರಮುಖ ಪಾತ್ರ ವಹಿಸಿದ್ದಾರೆ.
ಅನೇಕ ವಿಷಯಗಳು ಆಟಗಾರರ ಕೈಯಲ್ಲಿಲ್ಲ – ಇಶಾನ್ ಕಿಶನ್
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಮುಂಬೈ ಇಂಡಿಯನ್ಸ್ ಗೆಲುವಿನ ನಂತರ, ಇಶಾನ್ ಕಿಶನ್ ಕ್ರಿಕೆಟ್ನಿಂದ ವಿರಾಮದ ಪಡೆದ ವಿಚಾರಗಳ ಕುರಿತ ಪ್ರಶ್ನೆಗಳಿಗೆ ಉತ್ತರಿಸಿದರು. ಬಾಹ್ಯ ಅಂಶಗಳು ಹೆಚ್ಚಾಗಿ ಆಟಗಾರರ ನಿರ್ಧಾರಗಳ ಮೇಲೆ ಪ್ರಭಾವ ಬೀರುತ್ತವೆ ಎಂದು ಅವರು ಒತ್ತಿ ಹೇಳಿದರು.
ನಾನು ಅಭ್ಯಾಸ ಮಾಡಬೇಕಾಗಿತ್ತು. ಆದರೆ ನಾನು ಆಟದಿಂದ ವಿರಾಮ ತೆಗೆದುಕೊಂಡಾಗ ಜನರು ಸಾಕಷ್ಟು ಮಾತನಾಡುತ್ತಿದ್ದರು. ಸೋಷಿಯಲ್ ಮೀಡಿಯಾದಲ್ಲಿ ಅನೇಕ ವಿಷಯಗಳು ಹರಿದಾಡಿದವು. ಆದರೆ ಅನೇಕ ವಿಷಯಗಳು ಆಟಗಾರರ ಕೈಯಲ್ಲಿಲ್ಲ ಎಂಬುದನ್ನು ನೀವು ಅರಿತುಕೊಳ್ಳಬೇಕು, “ಎಂದು ಕಿಶನ್ ಉತ್ತರ ನೀಡಿದ್ದಾರೆ.
ಇದನ್ನೂ ಓದಿ: Jasprit Bumrah: ಭಾರತ ತೊರೆದು ಕೆನಡಾದಲ್ಲಿ ನೆಲೆಸಲು ಹೊರಟಿದ್ದ ಬುಮ್ರಾರನ್ನು ತಡೆದಿದ್ದು ಯಾರು?
ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ 197 ರನ್ಗಳ ಗುರಿ ಬೆನ್ನಟ್ಟಿದ ಮುಂಬೈ ಇಂಡಿಯನ್ಸ್ ಪರ ಆರಂಭಿಕ ಆಟಗಾರರಾದ ಕಿಶನ್ ಮತ್ತು ರೋಹಿತ್ ಶರ್ಮಾ ಉತ್ತಮ ಆರಂಭವನ್ನು ನೀಡಿದರು. ನಾಲ್ಕು ಓವರ್ಗಳಲ್ಲಿ 32/0 ಬಂತು. ನಂತರ ಕಿಶನ್ ಆರ್ಸಿಬಿಯ ಮೊಹಮ್ಮದ್ ಸಿರಾಜ್ ಅವರನ್ನು ಎದುರಿಸಿದರು, ಮುಂದಿನ ಓವರ್ನಲ್ಲಿ ಎರಡು ಸಿಕ್ಸರ್ ಮತ್ತು ಒಂದು ಬೌಂಡರಿ ಬಾರಿಸಿದರು. ರೋಹಿತ್ ಐದನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿ ಮುಂಬೈ ತಂಡದ ರನ್ ವೇಗವನ್ನು ಹೆಚ್ಚಿಸಿದ್ದರು.
ಕಿಶನ್ 34 ಎಸೆತಗಳಲ್ಲಿ 7 ಬೌಂಡರಿ ಮತ್ತು 5 ಸಿಕ್ಸರ್ ಸೇರಿದಂತೆ 69 ರನ್ ಗಳಿಸಿದರು. 25 ವರ್ಷದ ಬ್ಯಾಟ್ಸ್ಮನ್ ಆರ್ಸಿಬಿ ವಿರುದ್ಧ ಮುಂಬೈ ಇಂಡಿಯನ್ಸ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಆರ್ಸಿಬಿ ವಿರುದ್ಧ 27 ಎಸೆತಗಳು ಬಾಕಿ ಇರುವಾಗಲೇ ಮುಂಬಯಿ ಗೆದ್ದಿತು.
ಸಮಯವನ್ನು ಸರಿಯಾಗಿ ಬಳಸಿಕೊಳ್ಳಬಹುದು – ಇಶಾನ್ ಕಿಶನ್
ಪರಿಣಾಮಕಾರಿ ಸಮಯದ ನಿರ್ವಹಣೆ ಮತ್ತು ಸಕಾರಾತ್ಮಕ ಮನಸ್ಥಿತಿಯನ್ನು ಬೆಳೆಸುವ ಮಹತ್ವವನ್ನು ಇಶಾನ್ ಕಿಶನ್ ಪಂದ್ಯದ ಬಳಿಕ ಒತ್ತಿಹೇಳಿದರು. ಆಟಗಾರನಾಗಿ ತಮ್ಮ ವಿಕಾಸದ ಬಗ್ಗೆ ವಿವರಿಸಿದರು. ತಾಳ್ಮೆ ಮತ್ತು ಕಾರ್ಯತಂತ್ರದ ಚಿಂತನೆಯ ಅಗತ್ಯವನ್ನು ಒತ್ತಿ ಹೇಳಿದರು.
“ನೀವು ಮಾಡಬಹುದಾದ ಏಕೈಕ ವಿಷಯವೆಂದರೆ ಸಮಯವನ್ನು ಸರಿಯಾಗಿ ಬಳಸಿಕೊಳ್ಳುವುದು. ಸಮಯದೊಂದಿಗೆ 20 ಓವರ್ಗಳ ಆಡವೂ ದೊಡ್ಡದು ಎಂದು ನಾನು ಕಲಿತಿದ್ದೇನೆ. ನೀವು ನಿಮ್ಮ ಸಮಯವನ್ನು ತೆಗೆದುಕೊಳ್ಳಬಹುದು ಮತ್ತು ನೀವು ಮುಂದುವರಿಯಬಹುದು ಎಂಬ ಸೂತ್ರವನ್ನು ಪಾಲಸುತ್ತೇನೆ ಎಂದು ಹೇಳಿದರು.
ನಾವು ಪಂದ್ಯಗಳನ್ನು ಸೋತಿದ್ದರೂ, ನಾವು ಒಂದು ತಂಡವಾಗಿ ಒಟ್ಟಾಗಿ ಕೆಲಸ ಮಾಡಲು ಬಯಸುತ್ತೇವೆ. ನಾನು ಪ್ರದರ್ಶನ ನೀಡದಿದ್ದರೂ ಮತ್ತು ಬೇರೊಬ್ಬರು ಪ್ರದರ್ಶನ ನೀಡುತ್ತಿಲ್ಲ ಎಂದು ನನಗೆ ತಿಳಿದಿದ್ದರೆ ನಾನು ಅವರೊಂದಿಗೆ ಮಾತನಾಡುತ್ತೇನೆ. ಅವರು ಏನು ಯೋಚಿಸುತ್ತಿದ್ದಾರೆಂದು ನಾನು ತಿಳಿಯಲು ಬಯಸುತ್ತೇನೆ. ಆದ್ದರಿಂದ ಈ ವಿಷಯಗಳನ್ನು ಆಟದಿಂದ ವಿರಾಮ ತೆಗೆದುಕೊಂಡ ಸಮಯದಲ್ಲಿ ಕಲಿತಿದ್ದೇನೆ ಎಂದು ಕಿಶನ್ ಹೇಳಿದರು.
ಮುಂಬೈ ಇಂಡಿಯನ್ಸ್ ತಂಡವನ್ನು ಪರ ಕಿಶನ್ 5 ಪಂದ್ಯಗಳಲ್ಲಿ 161 ರನ್ ಗಳಿಸಿದ್ದಾರೆ. ವಿಕೆಟ್ ಕೀಪರ್-ಬ್ಯಾಟರ್ ಮುಂಬರುವ ಪಂದ್ಯಗಳಲ್ಲಿ ತಮ್ಮ ಬ್ಯಾಟಿಂಗ್ ಫಾರ್ಮ್ ಅನ್ನು ಕಾಪಾಡಿಕೊಳ್ಳುವ ಗುರಿ ಹೊಂದಿದ್ದಾರೆ. ಅವರನ್ನು 2024 ರ ಟಿ 20 ವಿಶ್ವಕಪ್ ಗೆ ಸಂಭಾವ್ಯ ಆಯ್ಕೆಯಾಗಲಿದ್ದಾರೆ.