ಬೆಂಗಳೂರು: ಐಪಿಎಲ್ 2024ರ ಹರಾಜಿನಲ್ಲಿ ಯಾವುದೇ ಫ್ರಾಂಚೈಸಿಯ ಗಮನ ಸೆಳೆಯಲು ವಿಫಲಗೊಂಡಿರುವ ಕನ್ನಡಿಗ ಕರುಣ್ ನಾಯರ್ (Karun Nair) ಇದೀಗ ಕೌಂಟಿ ಚಾಂಪಿಯನ್ಷಿಪ್ನಲ್ಲಿ ಆಡಲು ಮುಂದಾಗಿದ್ದಾರೆ. ಅವರು ಏಪ್ರಿಲ್ನಲ್ಲಿ ಕೌಂಟಿಯಲ್ಲಿ ನಾರ್ಥಾಂಪ್ಟನ್ಶೈರ್ ತಂಡದ ಪರವಾಗಿ ಆಡಲಿದ್ದಾರೆ.
ಕಳೆದ ವರ್ಷ ಕೌಂಟಿ ಕ್ಲಬ್ ಪರ ಆಡಿದ ನಾಯರ್ ಮೂರು ಇನ್ನಿಂಗ್ಸ್ಗಳಲ್ಲಿ 249 ರನ್ ಗಳಿಸಿದ್ದರು. ಐಪಿಎಲ್ ಹರಾಜಿನಲ್ಲಿ ಯಾವುದಾದರೂ ತಂಡ ಸೇರಿದ್ದರೆ ಕೌಂಟಿಗೆ ಅವರು ಲಭ್ಯವಾಗುತ್ತಿರಲಿಲ್ಲ. ಆದರೆ ಯಾವುದೇ ತಂಡಕ್ಕೆ ಮಾರಾಟವಾಗದ ನಂತರ ನಾಯರ್ ಚಾಂಪಿಯನ್ಷಿಪ್ ಋತುವಿನ ಮೊದಲ ಏಳು ಪಂದ್ಯಗಳಿಗೆ ಲಭ್ಯರಾಗಿದ್ದಾರೆ.
Back for more. 💪
— Northamptonshire CCC (@NorthantsCCC) January 23, 2024
We're delighted to confirm Karun Nair will return to Northamptonshire for the start of our 2024 @CountyChamp campaign. 🏵️
"I was really happy with my form last season and hopefully I can get going right away and put big runs on the board."
Read more 👉… pic.twitter.com/Au7SuKhVKY
ಕರುಣ್ ನಾಯರ್ ನಮ್ಮ ತಂಡಕ್ಕಾಗಿ ಕೆಲವೊಂದು ಅಸಮಾನ್ಯ ರನ್ಗಳನ್ನು ಬಾರಿಸಿದ್ದಾರೆ. ಅವರ ಶಾಂತತೆ, ಅವರ ಮನೋಧರ್ಮ ಮತ್ತು ದೊಡ್ಡ ಮೊತ್ತ ಬಾರಿಸುವ ಅವರ ಅಭಿಷಾಳೆ ಅದ್ಭುತವಾಗಿತ್ತು ಎಂದು ತಂಡ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ. ಅವರನ್ನು ಮತ್ತೆ ನಮ್ಮ ಬಳಗಕ್ಕೆ ಸೇರಿಸಲು ನಾವು ಸಂತೋಷಪಡುತ್ತೇವೆ. ಈ ಋತುವಿನಲ್ಲಿ ಅವರು ಮತ್ತೆ ನಮಗೆ ಉತ್ತಮ ಆಸ್ತಿಯಾಗುತ್ತಾರೆ ಎಂದು ನನಗೆ ಖಾತ್ರಿಯಿದೆ ಎಂದು ನಾರ್ಥಾಂಟ್ಸ್ ಮುಖ್ಯ ಕೋಚ್ ಇಎಸ್ಪಿಎನ್ ಕ್ರಿಕ್ಇನ್ಫೋಗೆ ತಿಳಿಸಿದ್ದಾರೆ.
ಕೌಂಟಿ ಚಾಂಪಿಯನ್ಶಿಪ್ಗೆ ಮರಳುವ ಬಗ್ಗೆ ನಾಯರ್ ತಮ್ಮ ಉತ್ಸಾಹ ವ್ಯಕ್ತಪಡಿಸಿದ್ದರು. ತಂಡಕ್ಕಾಗಿ ಪಂದ್ಯಗಳನ್ನು ಗೆಲ್ಲುವ ಭರವಸೆ ವ್ಯಕ್ತಪಡಿಸಿದ್ದರು.
ಇದನ್ನೂ ಓದಿ : Ind vs Eng : ಭಾರತವನ್ನು ಸೋಲಿಸಲು ಇಂಗ್ಲೆಂಡ್ ತಂಡಕ್ಕೆ ಸಾಧ್ಯವೇ ಇಲ್ಲ ಎಂದ ಆರ್ಸಿಬಿ ಕೋಚ್
ಕೌಂಟಿ ಚಾಂಪಿಯನ್ಶಿಪ್ ಕ್ರಿಕೆಟ್ನ ಮತ್ತೊಂದು ಅವಧಿಗಾಗಿ ನಾರ್ಥಾಂಪ್ಟನ್ಶೈರ್ಗೆ ಮರಳಲು ನಾನು ರೋಮಾಂಚನಗೊಂಡಿದ್ದೇನೆ. ಪಂದ್ಯಗಳನ್ನು ಗೆಲ್ಲುವುದು ಮತ್ತು ಬಡ್ತಿ ಪಡೆಯುವುದು ನಮ್ಮ ಗುರಿಯಾಗಿದೆ ಮತ್ತು ಬ್ಯಾಟ್ನೊಂದಿಗೆ ತಂಡಕ್ಕೆ ಗೆಲುವುಗಳನ್ನು ನೀಡಲು ನಾನು ಉತ್ಸುಕನಾಗಿದ್ದೇನೆ “ಎಂದು ನಾಯರ್ ಇಎಸ್ಪಿಎನ್ ಕ್ರಿಕ್ಇನ್ಫೋಗೆ ಹೇಳಿದ್ದಾರೆ.
ನಾಯರ್ ಮೇ ವರೆಗೆ ನಾರ್ಥಾಂಟ್ಸ್ ಪರ ಲಭ್ಯವಿರುತ್ತಾರೆ ಮತ್ತು ನಂತರ ಅವರ ಬದಲಿಗೆ ಸಹ ಆಟಗಾರ ಪೃಥ್ವಿ ಶಾ ಅವರು ಐಪಿಎಲ್ 2024 ಮುಗಿದ ನಂತರ ತಂಡವನ್ನು ಸೇರಿಕೊಳ್ಳಲಿದ್ದಾರೆ.