ಪಾರ್ಲ್: ಪ್ರವಾಸಿ ಭಾರತ ತಂಡ ದಕ್ಷಿಣ ಆಫ್ರಿಕಾ(South Africa vs India, 3rd ODI) ವಿರುದ್ಧದ ಮೂರನೇ ಹಾಗೂ ಅಂತಿಮ ಪಂದ್ಯದಲ್ಲಿ ಭಾರತ ತಂಡ ಭರ್ಜರಿ ಗೆಲುವು ಸಾಧಿಸಿ ಸರಣಿ ಜಯ ಕಂಡಿದೆ. ಈ ಪಂದ್ಯದಲ್ಲಿ ನಾಯಕ ಕೆ.ಎಲ್ ರಾಹುಲ್(KL Rahul) ಮತ್ತು ಕೇಶವ್ ಮಹಾರಾಜ್(Keshav Maharaj) ‘ರಾಮ್ ಸಿಯಾ ರಾಮ್'(‘Ram Siya Ram’) ಹಾಡಿನ ಕುರಿತು ಸಂಭಾಷಣೆ ನಡೆಸಿದ ವಿಡಿಯೊ ವೈರಲ್(Viral Video) ಆಗಿದೆ.
ವಿಯಾನ್ ಮುಲ್ಡರ್ ವಿಕಟ್ ಪತನದ ಬಳಿಕ ಬ್ಯಾಟಿಂಗ್ ನಡೆಸಲು ಕೇಶವ್ ಮಹಾರಾಜ್ ಅವರು ಕ್ರೀಸ್ಗಿಳಿದರು. ಇದೇ ವೇಳೆ ಸ್ಟೇಡಿಯಂನಲ್ಲಿ ‘ರಾಮ್ ಸಿಯಾ ರಾಮ್’ ಹಾಡನ್ನು ಜೋರಾಗಿ ಹಾಕಲಾಯಿತು. ಈ ವೇಳೆ ಕೀಪಿಂಗ್ ನಡೆಸುತ್ತಿದ್ದ ಕೆ.ಎಲ್ ರಾಹುಲ್ ಅವರು ಕೇಶವ್ ಮಹಾರಾಜ್ ಬಳಿ ನೀವು ಪ್ರತಿ ಬಾರಿ ಬ್ಯಾಟಿಂಗ್ ನಡೆಸಲು ಬಂದಾಗ ಈ ಹಾಡನ್ನು ಹಾಕಲಾಗುತ್ತದೆ ಅಲ್ಲವೇ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ಮಹಾರಾಜ್ ಹೌದು ಎಂದು ಕೇಳಿದ್ದಾರೆ. ಇದೇ ವೇಳೆ ರಾಹುಲ್ ನಗುತ್ತಲೇ ಗುಡ್ ಎಂದಿದ್ದಾರೆ. ಉಭಯ ಆಟಗಾರರ ಈ ಸಂಭಾಷಣೆ ಸ್ಟಂಪ್-ಮೈಕ್ನಲ್ಲಿ ರೆಕಾರ್ಡ್ ಆಗಿದೆ. ಈ ವಿಡಿಯೊ ವೈರಲ್ ಆಗಿದೆ.
“Keshav Bhai ..Everytime they play this song (Ram Siya Ram) when you come to crease” – KL Rahul pic.twitter.com/iriL7NzEv3
— Yo Yo Funny Singh (@moronhumor) December 21, 2023
ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನ ವಿರುದ್ಧ ಗೆದ್ದ ಬಳಿಕ ಕೇಶವ್ ಮಹಾರಾಜ್ ಅವರು “ಜೈ ಶ್ರೀ ಹನುಮಾನ್‌” (Jai Shree Hanuman) ಎಂದು ಪೋಸ್ಟ್‌ ಹಾಕಿದ್ದರು. ಇದು ಭಾರತೀಯರ ಮನಗೆದ್ದಿತ್ತು. ಭಾರತ ಮೂಲದವರಾದ ಕೇಶವ್ ಮಹಾರಾಜ್ ಅವರು ಹನುಮಂತನ ಭಕ್ತರಾಗಿದ್ದಾರೆ.
ಪಂದ್ಯ ಗೆದ್ದ ಭಾರತ
ಪಾರ್ಲ್‌ನಲ್ಲಿರುವ ಬೋಲ್ಯಾಂಡ್ ಪಾರ್ಕ್ನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತ ಭರ್ತಿ 50 ಓವರ್ ಆಡಿ 8 ವಿಕೆಟ್ ನಷ್ಟಕ್ಕೆ 297 ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ಆರಂಭಿಕ ಹಂತದಲ್ಲಿ ಉತ್ತಮ ಆಟವಾಡುವ ಮೂಲಕ ಗೆಲ್ಲುವ ವಿಶ್ವಾಸದಲ್ಲಿದ್ದರು. ಆದರೆ ಆ ಬಳಿಕ ಭಾರತದ ಬೌಲಿಂಗ್ ದಾಳಿಯನ್ನು ಎದುರಿಸಲು ಮಂಕಾಗಿ 45.5 ಓವರ್ಗಳಲ್ಲಿ 218 ರನ್ಗಳಿಗೆ ಎಲ್ಲ ವಿಕೆಟ್ಗಳನ್ನು ಕಳೆದುಕೊಂಡು ತವರಿನಲ್ಲಿ ಸರಣಿ ಸೋಲಿನ ಕಹಿ ಅನುಭವಿಸಿತು.
ಇದನ್ನೂ ಓದಿ KL Rahul: ವಿರಾಟ್ ಕೊಹ್ಲಿಯ ದಾಖಲೆ ಸರಿಗಟ್ಟಿದ ಕನ್ನಡಿಗ ಕೆ.ಎಲ್ ರಾಹುಲ್
Indian captain to win an ODI series in South Africa:
— CricTracker (@Cricketracker) December 21, 2023
𝐕𝐢𝐫𝐚𝐭 𝐊𝐨𝐡𝐥𝐢
𝐊𝐋 𝐑𝐚𝐡𝐮𝐥
𝐄𝐍𝐃 𝐎𝐅 𝐓𝐇𝐄 𝐋𝐈𝐒𝐓. pic.twitter.com/BwHaewqw1D
ಕೊಹ್ಲಿ ದಾಖಲೆ ಸರಿಗಟ್ಟಿದ ರಾಹುಲ್
ಸರಣಿ ಗೆಲುವಿನ ಮೂಲಕ ರಾಹುಲ್ ಅವರು ಕೊಹ್ಲಿ ಬಳಿಕ ದಕ್ಷಿಣ ಆಫ್ರಿಕಾ ನೆಲದಲ್ಲಿ ಸರಣಿ ಗೆದ್ದ ಎರಡನೇ ಭಾರತೀಯ ನಾಯಕ ಎನಿಸಿಕೊಂಡರು. ಧೋನಿ, ರೋಹಿತ್ ಸೇರಿ ಯಾರಿಂದಲ್ಲೂ ಕೂಡ ದಕ್ಷಿಣ ಆಫ್ರಿಕಾದಲ್ಲಿ ಏಕದಿನ ಸರಣಿ ಗೆಲ್ಲಲು ಸಾಧ್ಯವಾಗಿರಲಿಲ್ಲ. 2018ರಲ್ಲಿ ಕೊಹ್ಲಿ ನಾಯಕತ್ವದಲ್ಲಿ 6 ಪಂದ್ಯಗಳ ಸರಣಿಯಲ್ಲಿ ಭಾರತ 5-1 ಅಂತರದಿಂದ ಗೆದ್ದು ಬೀಗಿತ್ತು, ಇದು ಭಾರತ ತಂಡ ದಕ್ಷಿಣ ಆಫ್ರಿಕಾದಲ್ಲಿ ಗೆದ್ದ ಮೊತ್ತ ಮೊದಲ ಏಕದಿನ ಸರಣಿಯಾಗಿತ್ತು. ಇದೀಗ 5 ವರ್ಷಗಳ ಬಳಿಕ ರಾಹುಲ್ ಸಾರಥ್ಯದಲ್ಲಿ ಭಾರತ ತಂಡ ಸರಣಿ ಗೆದ್ದಿದೆ. ಈ ಮೂಲಕ ದಕ್ಷಿಣ ಆಫ್ರಿಕಾ ನೆಲದಲ್ಲಿ ಸರಣಿ ಗೆದ್ದಿದ್ದ ಕೊಹ್ಲಿ ನಾಯಕತ್ವದ ದಾಖಲೆಯನ್ನು ರಾಹುಲ್ ಸರಿಗಟ್ಟಿದ್ದಾರೆ.