ಕತಾರ್: ಅರ್ಜೆಂಟೀನಾ ತಂಡದ ಸ್ಟಾರ್ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ(Lionel Messi) ಅವರ ಖ್ಯಾತಿ ವಿಶ್ವಾದ್ಯಂತ ಇದೆ. ಆದರೆ ಅವರ ಬಗ್ಗೆ ತಿಳಿಯದ ಅನೇಕ ವಿಷಯಗಳಿವೆ. ಮೆಸ್ಸಿ ಕಾಲಿನ ಬೆಲೆ ತಿಳಿದರೆ ಇದೀಗ ಎಲ್ಲರೂ ಒಮ್ಮೆ ದಿಗ್ಭ್ರಮೆ ಆಗುವುದರಲ್ಲಿ ಅನುಮಾನವಿಲ್ಲ. ಹೌದು ಫುಟ್ಬಾಲ್ ಜಗತ್ತಿನಲ್ಲಿ ಅತ್ಯಂತ ದುಬಾರಿ ಪಾದವೆಂದರೆ ಅದು ಲಿಯೋನೆಲ್ ಮೆಸ್ಸಿ ಅವರದ್ದು. ಮೆಸ್ಸಿಯ ಎಡ ಪಾದದ ಪ್ರಸ್ತುತ ಬೆಲೆ 750 ಮಿಲಿಯನ್ ಯುರೋಗಳು. ಭಾರತೀಯ ರೂಪಾಯಿಗಳಲ್ಲಿ ಇದು ಸುಮಾರು 6,140 ಸಾವಿರ ಕೋಟಿ ಆಗುತ್ತದೆ.
ಇತ್ತೀಚಿನ ದಿನಗಳಲ್ಲಿ ಫುಟ್ಬಾಲ್ ಆಟದಲ್ಲಿ ಗಾಯದ ಸಮಸ್ಯೆ ಹೆಚ್ಚಾಗಿದೆ. ಆದ್ದರಿಂದ ಫುಟ್ಬಾಲ್ ಆಟಗಾರರು ತಮ್ಮ ಪಾದಗಳಿಗೆ ಚಿಕಿತ್ಸೆಗಾಗಿ ವಿಮೆ ಮಾಡಿಸುತ್ತಾರೆ. ಆ ವಿಮೆಯಲ್ಲಿ ಮೆಸ್ಸಿ ಪಾದದ ಮೌಲ್ಯ 6 ಸಾವಿರ ಕೋಟಿ ಮೌಲ್ಯದ್ದಾಗಿದ್ದು ಅತ್ಯಂತ ದುಬಾರಿಯಾಗಿದೆ.
23ರಂದು ಸೌದಿ ಅರೇಬಿಯಾ ವಿರುದ್ಧದ ಪಂದ್ಯದೊಂದಿಗೆ ಲಿಯೋನೆಲ್ ಮೆಸ್ಸಿ ನೇತೃತ್ವದ ಅರ್ಜೆಂಟೀನಾ ತಂಡ ವಿಶ್ವ ಕಪ್ ಅಭಿಯಾನ ಆರಂಭಿಸಲಿದೆ. ಮೆಸ್ಸಿ ಈಗಾಗಲೇ ಕತಾರ್ ವಿಶ್ವ ಕಪ್ ಬಳಿಕ ನಿವೃತ್ತಿ ಹೇಳುವುದಾಗಿ ತಿಳಿಸಿದ್ದಾರೆ. ಈ ನಿಟ್ಟಿನಲ್ಲಿ ವಿಶ್ವಾದ್ಯಂತ ಮೆಸ್ಸಿ ಆಟವನ್ನು ನೋಡಲು ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಹೀಗಾಗಿ ಅರ್ಜೆಂಟೀನಾ ತಂಡದ ಮೇಲೆ ಸಾಕಷ್ಟು ನಿರೀಕ್ಷೆಗಳಿವೆ.
ಇದನ್ನೂ ಓದಿ | Fifa World Cup 2022 | ಫಿಫಾ ಫುಟ್ಬಾಲ್-2022 ವಿಶ್ವ ಕಪ್ನ ಟಾಪ್ 5 ಆಟಗಾರರು