ಲಂಡನ್: ಅರ್ಜೆಂಟೀನಾ ಫುಟ್ಬಾಲ್ ತಂಡದ ನಾಯಕ ಲಿಯೋನೆಲ್ ಮೆಸ್ಸಿ(Lionel Messi) ಅವರು ಮೈದಾನದಲ್ಲಿ ಶಾಂತಿಯಿಂದ ವ‌ರ್ತಿಸುತ್ತಾರೆ. ಆಟಗಾರನಾಗಿ ಅಥವಾ ನಾಯಕನಾಗೇ ಇರಲಿ ಮೈದಾನದ ಒಳಗೂ ಮತ್ತು ಹೊರಗೂ ಶಾಂತಚಿತ್ತ ಅವರ ಮುಖ್ಯ ಗುಣ. ಎಂತಹ ಸನ್ನಿವೇಶವಿದ್ದರೂ ಮೆಸ್ಸಿ ಅವರು ತಾಳ್ಮೆ ಕಳೆದುಕೊಳ್ಳುವುದು ವಿರಳ. ಆದರೆ ಬುಧವಾರ ನಡೆದ ಲೀಗ್ಸ್ ಕಪ್ ರೌಂಡ್ 32(Leagues Cup round-of-32 ) ಪಂದ್ಯದಲ್ಲಿ ಒರ್ಲ್ಯಾಂಡೊ ಸಿಟಿ(Orlando footballer) ಆಟಗಾರನ ವಿರುದ್ಧ ಮೆಸ್ಸಿ “ಆ್ಯಂಗ್ರಿಮ್ಯಾನ್‌’ ಆಗಿ ಬದಲಾಗಿದ್ದರು.(Lionel Messi Verbal Fight) ಈ ಘಟನೆಯ ವಿಡಿಯೊ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(viral video) ಆಗುತ್ತಿದೆ.
ಮೆಸ್ಸಿ ಅವರು ಪ್ಯಾರಿಸ್‌ ಸೇಂಟ್‌ ಜರ್ಮೈನ್‌ (ಪಿಎಸ್‌ಜಿ) ಕ್ಲಬ್ ತೊರೆದ ಬಳಿಕ ಇದೀಗ ಅಮೆರಿಕದ ಇಂಟರ್‌ ಮಿಯಾಮಿ(inter miami) ಕ್ಲಬ್ ಸೇರಿ ಪಂದ್ಯಗಳನ್ನು ಆಡುತ್ತಿದ್ದಾರೆ. ಈ ಕ್ಲಬ್ ಪರ ಪದಾರ್ಪಣ ಪಂದ್ಯದಲ್ಲೇ ಗೋಲು ಬಾರಿಸಿ ತಂಡಕ್ಕೆ ಗೆಲುವು ತಂದು ಕೊಟ್ಟಿದ್ದ ಮೆಸ್ಸಿ ಬುಧವಾರ ನಡೆದ ಒರ್ಲ್ಯಾಂಡೊ ಸಿಟಿ ವಿರುದ್ಧದ ಪಂದ್ಯದಲ್ಲಿಯೂ ಎರಡು ಗೋಲ್ ಬಾರಿಸಿ ಮಿಂಚಿದ್ದರು. ಇವರ ಗೋಲಿನ ನೆರವಿನಿಂದ ಇಂಟರ್‌ ಮಿಯಾಮಿ ತಂಡ 3-1 ಗೋಲುಗಳಿಂದ ಗೆಲುವು ಸಾಧಿಸಿತ್ತು. ಆದರೆ, ಪಂದ್ಯದ ನಡುವೆ ಹತಾಶರಾಗಿದ್ದ ಮೆಸ್ಸಿ ಪಂದ್ಯ ಮುಗಿದ ಬಳಿಕ ಒರ್ಲ್ಯಾಂಡೊ ತಂಡದ ಆಟಗಾರನ ಜತೆ ಕಿರಿಕ್ ಮಾಡಿದ್ದಾರೆ. ಈ ವಿಡಿಯೊ ಶನಿವಾರ ಎಲ್ಲಡೆ ಹರಿದಾಡಿದೆ.
ಇದನ್ನೂ ಓದಿ Lionel Messi: 808 ಮೇಕೆಗಳನ್ನು ಬಳಸಿ ಮೆಸ್ಸಿ ಭಾವಚಿತ್ರ; ವಿಡಿಯೊ ವೈರಲ್
ಒರ್ಲ್ಯಾಂಡೊ ಸಿಟಿಯ ಆಟಗಾರ ಅರೌಜೊ ಅವರೊಂದಿಗೆ ಮೆಸ್ಸಿ ಜಗಳವಾಡಿದ್ದಾರೆ. ಮೆಸ್ಸಿ ಸಿಟ್ಟಿನಿಂದ ಅವರನ್ನು ತಮ್ಮ ಭುಜದಿಂದ ತಲ್ಲಿದ್ದಾರೆ ಮತ್ತು ಕೈ ಎತ್ತಿ ಏನೋ ವಾರ್ನಿಂಗ್ ಕೂಡ ನೀಡಿದ್ದು ವಿಡಿಯೊದಲ್ಲಿ ಸೆರೆಯಾಗಿದೆ. ಮೂಲಗಳ ಪ್ರಕಾರ ಅರ್ಧ ಸಮಯದಲ್ಲಿ ಆಟ ನಡೆಯುತ್ತಿರುವಾಗ, ಮೈದಾನದಲ್ಲಿ ಅರೌಜೊ ಅವರ ವರ್ತನೆಯಿಂದ ಮೆಸ್ಸಿ ಬೇಸರಗೊಂಡಿದ್ದರು. ಜತೆಗೆ ವಾಗ್ವಾದವನ್ನು ನಡೆಸಿದ್ದರು. ಆದರೆ ಅಂಪೈರ್ ಮಧ್ಯ ಪ್ರವೇಶಿಸಿ ಪರಿಸ್ಥಿತಿಯನ್ನು ತಿಳಿಸಿಗೊಳಿಸಿದ್ದರು. ಇದೇ ಸಿಟ್ಟನ್ನು ಮೆಸ್ಸಿ ಪಂದ್ಯದ ಬಳಿಕ ತೀರಿಸಿಕೊಂಡಿದ್ದಾರೆ ಎನ್ನಲಾಗಿದೆ.