ಲಖನೌ: ಐಪಿಎಲ್ನ 37ನೇ (IPL 2023) ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ಲಕ್ನೋ ಸೂಪರ್ ಜೈಂಟ್ಸ್ ತಂಡದ 56 ರನ್ಗಳ ಗೆಲುವಿನಲ್ಲಿ ಗೆಲುವಿನಲ್ಲಿ ಆಲ್ರೌಂಡರ್ ಮಾರ್ಕಸ್ ಸ್ಟೋಯ್ನಿಸ್ ಪ್ರಮುಖ ಪಾತ್ರ ವಹಿಸಿದ್ದರು. ಆಸ್ಟ್ರೇಲಿಯಾದ ಆಲ್ರೌಂಡರ್ 40 ಎಸೆತಗಳಲ್ಲಿ 6 ಬೌಂಡರಿ ಮತ್ತು 5 ಸಿಕ್ಸರ್ಗಳೊಂದಿಗೆ 72 ರನ್ ಗಳಿಸಿದ್ದರು. ಇದರೊಂದಿಗೆ ಲಕ್ನೊ ತಂಡ 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 257 ರನ್ ಬಾರಿಸಿತ್ತು. ಇದು ಐಪಿಎಲ್ ಇತಿಹಾಸದಲ್ಲಿ ಎರಡನೇ ಅತಿ ಹೆಚ್ಚು ಮೊತ್ತ. ಆದರೆ ಪಂದ್ಯ ಮುಗಿದ ಬಳಿಕ ಗೆಲುವಿನ ರೂವಾರಿ ಮಾರ್ಕಸ್ ಸ್ಟೋಯ್ನಿಸ್ ತಮ್ಮ ಎಡ ತೋರುಬೆರಳಿಗೆ ಪೆಟ್ಟಾದ ಕಾರಣ ಸ್ಕ್ಯಾನ್ಗೆ ಒಳಗಾಗುವುದಾಗಿ ಹೇಳಿದ್ದಾರೆ. ಒಂದು ವೇಳೆ ಅವರ ಗಾಯ ಗಂಭೀರವಾಗಿದ್ದರೆ ಎಲ್ಎಸ್ಜಿ ತಂಡಕ್ಕೆ ಟೂರ್ನಿಯಲ್ಲಿ ದೊಡ್ಡ ಹಿನ್ನಡೆ ಉಂಟಾಗಲಿದೆ.
ಎಲ್ಎಸ್ಜಿ ತಂಡದ ಮುಂದಿನ ಪಂದ್ಯಕ್ಕೆ ಸ್ಟೊಯ್ನಿಸ್ ಲಭ್ಯತೆ ಇನ್ನೂ ಖಚಿತವಾಗಿಲ್ಲ. ಕೈ ಬೆರಳಿನ ಸ್ಕ್ಯಾನ್ ವರದಿ ಬಂದ ಬಳಿಕ ಇದು ಸ್ಪಷ್ಟವಾಗಲಿದೆ. ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ನಾಯಕ ಶಿಖರ್ ಧವನ್ ಅವರ ಅಮೂಲ್ಯ ವಿಕೆಟ್ ಅನ್ನು ಸ್ಟೋಯ್ನಿಸ್ ಕಬಳಿಸಿದ್ದರು. ಅಥರ್ವ ಟೈಡೆ ಹೊಡೆದ ಚೆಂಡನ್ನು ತಡೆಯಲು ಪ್ರಯತ್ನಿಸುವಾಗ ಅವರ ಎಡ ತೋರುಬೆರಳಿಗೆ ಪೆಟ್ಟಾಗಿತ್ತು. ಹೀಗಾಗಿ 1.5 ಓವರ್ ಎಸೆದು ಪೆವಿಲಿಯನ್ಗೆ ಮರಳಿದ್ದರು.
“ಬೆರಳಿಗೆ ಹೆಚ್ಚು ಗಾಯಗಳೇನೂ ಆಗಿಲ್ಲ. ನೋವು ಕೂಡ ಇಲ್ಲ. ಇನ್ನೀಗ ಸ್ಕ್ಯಾನ್ ಮಾಡಿಸಿಕೊಂಡ ಬಳಿಕ ಮುಂದಿನ ನಿರ್ಧಾರ ಕೈಗೊಳ್ಳುವೆ ಎಂದು ಸ್ಟೊಯ್ನಿಸ್ ಪಂದ್ಯದ ಬಳಿಕ ಹೇಳಿದರು.
ಆಯುಷ್ ಬದೋನಿ(24 ಎಸೆತಗಳಲ್ಲಿ 43 ರನ್) ಅವರೊಂದಿಗೆ ಮೂರನೇ ವಿಕೆಟ್ಗೆ ಸ್ಟೋಯ್ನಿಸ್ 47 ಎಸೆತಗಳಲ್ಲಿ 89 ರನ್ ಬಾರಿಸಿದ್ದರು. ಈ ಜೋಡಿಯು ಎಲ್ಎಸ್ಜಿ ತಂಡಕ್ಕೆ ದಾಖಲೆಯ ಮೊತ್ತ ಪೇರಿಸಲು ನೆರವಾಗಿತ್ತು. ಸಾಮಾನ್ಯವಾಗಿ, ಸ್ಟೋಯ್ನಿಸ್ ಕೆಳ ಕ್ರಮಾಂಕದಲ್ಲಿ ಬ್ಯಾಟ್ ಮಾಡುತ್ತಾರೆ. ಆದರೆ ಪಿಬಿಕೆಎಸ್ ವಿರುದ್ಧ ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಿದ್ದರು.
ಇದನ್ನೂ ಓದಿ : IPL 2023 : ಪಂಜಾಬ್ ವಿರುದ್ಧ ದೊಡ್ಡ ಅಂತರದ ಗೆಲುವು ಸಾಧಿಸಿದರೂ ರಾಹುಲ್ಗೆ ಆಗಿಲ್ಲ ಸಮಾಧಾನ
“ಸ್ವಲ್ಪ ಕೆಳಕ್ರಮಾಂಕದಲ್ಲಿ ಬ್ಯಾಟ್ ಮಾಡುವುದು ನನ್ನ ಜವಾಬ್ದಾರಿಯಾಗಿದೆ. ಆದರೆ ಯಾವುದೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡುವುದು ಕೂಡ ನನಗೆ ಇಷ್ಟ. ಅದೇ ರೀತಿ ಮೊದಲ ಓವರ್, ಕೊನೇ ಓವರ್ ಸೇರಿದಂತೆ ಎಲ್ಲಿ ಬೇಕಾದರೂ ಬೌಲಿಂಗ್ ಮಾಡಬಲ್ಲೆ. ತಂಡಕ್ಕೆ ಏನು ಬೇಕೋ ಅದನ್ನು ಮಾಡುವುದಕ್ಕೆ ಸಂತಸವಾಗುತ್ತದೆ ಎಂದು ಸ್ಟೊಯ್ನಿಸ್ ಹೇಳಿದ್ದಾರೆ.
ಮೊದಲ ದಿನ ನೆಟ್ಸ್ನಲ್ಲಿ ಸ್ವಿಂಗ್ ಬೌಲಿಂಗ್ ಮಾಡುತ್ತಿದ್ದೆ. ಇದರಿಂದ ಬೌಲಿಂಗ್ ಕೋಚ್ ನನ್ನ ಬಳಿಯಿಂದ ಮೊದಲ ಓವರ್ ಹಾಕಿಸುವ ತೀರ್ಮಾನ ಕೈಗೊಂಡರು. ಸಾಮಾನ್ಯವಾಗಿ ನನ್ನ ತವರು ಮೈದಾನದ ಪಿಚ್ನಲ್ಲಿ ಚೆನ್ನಾಗಿ ಬೌಲಿಂಗ್ ಮಾಡಲು ಇಚ್ಛಿಸುತ್ತೇನೆ. ಆದರೆ, ಫ್ಲ್ಯಾಟ್ ಪಿಚ್ನಲ್ಲಿ ಬ್ಯಾಟ್ ಮಾಡುವುದಕ್ಕೆ ಯಾರಿಗೂ ಇಷ್ಟ ಇರುವುದಿಲ್ಲ ಸ್ಟೊಯ್ನಿಸ್ ಹೇಳಿದ್ದಾರೆ.