ಹೈದರಾಬಾದ್: ಈಗಾಗಕೇ ಆಡಿದ ಮೊದಲ ಪಂದ್ಯದಲ್ಲಿ ಸೋಲು ಕಂಡಿರುವ ಸನ್ರೈಸರ್ಸ್ ಹೈದರಾಬಾದ್MI vs SRH) ಮತ್ತು ಮುಂಬೈ ಇಂಡಿಯನ್ಸ್(Mumbai Indians) ಗೆಲುವಿನ ಹಳಿ ಏರಲು ನಾಳೆ ನಡೆಯುವ ಐಪಿಎಲ್ನ(IPL 2024) 8ನೇ ಪಂದ್ಯದಲ್ಲಿ ಕಣಕ್ಕಿಳಿಯಲಿದೆ. ಪಂದ್ಯದಲ್ಲಿ ಒಂದು ತಂಡಕ್ಕೆ ಸೋಲು ಖಚಿತ. ಯಾರೇ ಸೋತರು ಸತತ 2 ಸೋಲಿಗೆ ತುತ್ತಾಗುತ್ತಾರೆ. ಈ ತಂಡ ಯಾವುದು ಎನ್ನುವುದು ಪಂದ್ಯದ ಕುತೂಹಲ.
ಸಿಡಿಯಬೇಕಿದೆ ಇಶಾನ್ ಕಿಶನ್
ಮುಂಬೈ ಮೇಲ್ನೋಟಕ್ಕೆ ಹೈದರಾಬಾದ್‌ಗಿಂತ(Sunrisers Hyderabad) ಬಲಿಷ್ಠ ತಂಡ ಎಂಬುದರಲ್ಲಿ ಎರಡು ಮಾತಿಲ್ಲ. ಬ್ಯಾಟಿಂಗ್‌ನಲ್ಲಿ ರೋಹಿತ್ ಶರ್ಮ, ನೂತನ ನಾಯಕ ಹಾರ್ದಿಕ್ ಪಾಂಡ್ಯ ಬೌಲಿಂಗ್‌ನಲ್ಲಿ ಜಸ್ಪ್ರೀತ್ ಬುಮ್ರಾ, ಇಶಾನ್ ಕಿಶನ್, ಟಿಮ್ ಡೇವಿಡ್, ಪಿಯೂಷ್ ಚಾವ್ಲಾ, ಜೆರಾಲ್ಡ್ ಕೋಟ್ಜಿ ಅವರೆಲ್ಲ ಮುಂಬೈ ತಂಡದ ಶಕ್ತಿಯಾಗಿದ್ದಾರೆ. ಆದರೆ ಇವರೆಲ್ಲ ಸಂಘಟಿತ ಪ್ರದರ್ಶನ ತೋರಬೇಕಿದೆ. ಕಳೆದ ಪಂದ್ಯದಲ್ಲಿ ಮಿಂಚಿದ್ದು ಮಾತ್ರ ರೋಹಿತ್ ಶರ್ಮ ಅಮತ್ತು ಜಸ್ಪ್ರೀತ್ ಬುಮ್ರಾ ಮಾತ್ರ. ರಣಜಿ ಆಡಲು ಅಸಡ್ಡೆ ತೋರಿದ ಇಶಾನ್ ಹಿಂದಿನ ಐಪಿಎಲ್‌ನಲ್ಲಿ ತೋರಿದ ಚಾರ್ಮ್ ತೋರುವಲ್ಲಿ ವಿಫಲರಾಗಿದ್ದಾರೆ. ಕಳೆದ ಪಂದ್ಯದಲ್ಲಿ ಅವರದ್ದು ಶೂನ್ಯ ಸಂಪಾದನೆ. ಈ ಪಂದ್ಯದಲ್ಲಿ ಸಿಡಿದು ನಿಲ್ಲುವ ಅನಿವಾರ್ಯ ಇವರ ಮೇಲಿದೆ.
ಮುಂಬೈ ಪಾಳಯದಲ್ಲಿ ಸೂರ್ಯಕುಮಾರ್ ಯಾದವ್ ಅವರ ಅನುಪಸ್ಥಿತಿ ಎದು ಕಾಣುತ್ತಿದೆ. ಮಧ್ಯಮ ಕ್ರಮಾಂಕದಲ್ಲಿ ಸಿಡಿದು ನಿಲ್ಲುವ ಸೂರ್ಯ ಕಳೆದ ಪಂದ್ಯದಲ್ಲಿ ಇರುತ್ತಿದ್ದರೆ ಮುಂಬೈಗೆ ಗೆಲುವು ಖಚಿತವಾಗಿರುತ್ತಿತ್ತು. ಸದ್ಯ ಸೂರ್ಯಕುಮಾರ್ ಬಿಸಿಸಿಐ ಕಡೆಯಿಂದ ಇನ್ನೂ ಫಿಟ್ನೆಸ್ ಕ್ಲೀಯರೆನ್ಸ್ ಪಡೆದಿಲ್ಲ. ಹೀಗಾಗಿ ಅವರ ಆಗಮನ ಇನ್ನೂ ತಡವಾಗುವ ಸಾಧ್ಯತೆ ಇದೆ.
Inspecting his weapon 😎#MumbaiMeriJaan #MumbaiIndians | @BrevisDewald pic.twitter.com/8n4I6JcV6z
— Mumbai Indians (@mipaltan) March 26, 2024
ಇದನ್ನೂ ಓದಿ IPL 2024 Points Table: ಆರ್ಸಿಬಿ ಗೆಲುವಿನ ಬಳಿಕ ಅಂಕಪಟ್ಟಿ ಹೇಗಿದೆ?
ಪ್ರಯೋಗ ಸಲ್ಲದು
ಹಿಂದಿನ ಪಂದ್ಯದಲ್ಲಿ ಹಲವು ಪ್ರಯೋಗ ಮಾಡಿ ಕೈ ಸುಟ್ಟುಕೊಂಡ ನಾಯಕ ಹಾರ್ದಿಕ್ ಪಾಂಡ್ಯ ಈ ಪಂದ್ಯದಲ್ಲಿ ಯಾವುದೇ ಪ್ರಯೋಗಕ್ಕೆ ಮುಂದಾಗಬಾರದು. ಇನಿಂಗ್ಸ್ನ ಮೊದಲ ಓವರನ್ನು ಅನುಭವಿ ಜಸ್ಪ್ರೀತ್ ಬುಮ್ರಾಗೆ ನೀಡಬೇಕು.
ಕಳೆದ ಕೆಕೆಆರ್ ಪರ ದೊಡ್ಡ ಮೊತ್ತದ ಹೋರಾಟದಲ್ಲಿ ಅಸಾಮಾನ್ಯ ಬ್ಯಾಟಿಂಗ್ ಪ್ರದರ್ಶನ ತೋರುವ ಮೂಲಕ ತಂಡವನ್ನು ಗೆಲುವಿನಂಚಿನವರೆಗೆ ತಂದಿದ್ದ ಹಾರ್ಡ್ ಹಿಟ್ಟರ್ ಹೆನ್ರಿಚ್ ಕ್ಲಾಸೆನ್ ಮೇಲೆ ಈ ಪಂದ್ಯದಲ್ಲಿಯೂ ತಂಡ ಹೆಚ್ಚು ಭರವಸೆ ಇರಿಸಿದೆ. ಭುವನೇಶ್ವರ್ ಕುಮಾರ್ ಕಳೆದ ಪಂದ್ಯದಲ್ಲಿ ಆರಂಭಿಕ 2 ಓವರ್ ಉತ್ತಮ ದಾಳಿ ಸಂಘಟಿಸಿ ಆ ಬಳಿಕದ 2 ಓವರ್ನಲ್ಲಿ ದುಬಾರಿ ರನ್ ನೀಡಿದ್ದರು. ಹೀಗಾಗಿ ಈ ಪಂದ್ಯದಲ್ಲಿ ಸ್ಥಿರ ಬೌಲಿಂಗ್ ಕಾಯ್ದುಕೊಳ್ಳುವ ಅಗತ್ಯವಿದೆ. ಉಳಿದಂತೆ ಆರಂಭಿಕ ಸ್ಥಾನದಲ್ಲಿ ಲೋಪವಿಲ್ಲ. ಕನ್ನಡಿಗ ಮಯಾಂಕ್ ಅಗರ್ವಾಲ್ ಮತ್ತು ಅಭಿಷೇಕ್ ಶರ್ಮ ಉತ್ತಮ ಆರಂಭ ಒದಗಿಸುವಲ್ಲಿ ಸಮರ್ಥರಿದ್ದಾರೆ. ಐಡೆನ್ ಮಾರ್ಕ್ರಮ್ ಬ್ಯಾಟಿಂಗ್ ಫಾರ್ಮ್ ಕಂಡುಕೊಳ್ಳಬೇಕಿದೆ. 20 ಕೋಟಿ ಪಡೆದ ನಾಯಕ ಕಮಿನ್ಸ್ ಈ ಸಂಭಾವನೆಗೆ ತಕ್ಕ ಪ್ರದರ್ಶನ ತೋರಬೇಕಿದೆ.
Mana Risers Nitish & Glenn went head-to-head in a Run-a-3 challenge 🏃🏏
— SunRisers Hyderabad (@SunRisers) March 26, 2024
Who do you think clinched victory? Stay tuned for the video! 👀 pic.twitter.com/FO2ztSOLYO
ಮುಖಾಮುಖಿ
ಸನ್ರೈಸರ್ಸ್ ಹೈದರಾಬಾದ್(Sunrisers Hyderabad) ಮತ್ತು ಮುಂಬೈ ಇಂಡಿಯನ್ಸ್ ಇದುವರೆಗಿನ ಐಪಿಎಲ್ ಟೂರ್ನಿಗಳಲ್ಲಿ ಒಟ್ಟು 21 ಬಾರಿ ಮುಖಾಮುಖಿಯಾಗಿವೆ. ಈ ಪೈಕಿ ಮುಂಬಯಿ ಇಂಡಿಯನ್ಸ್ 12 ಪಂದ್ಯಗಳನ್ನು ಗೆದ್ದರೆ, ಹೈದರಾಬಾದ್ 9 ಪಂದ್ಯಗಳನ್ನು ಗೆದ್ದಿದೆ. ಕಳೆದ ಆವೃತ್ತಿಯಲ್ಲಿ ಆಡಿದ ಎರಡೂ ಪಂದ್ಯಗಳನ್ನು ಕೂಡ ಮುಂಬೈ ಗೆದ್ದಿತ್ತು. ಆದರೆ, ಈ ಬಾರಿ ಹೈದರಾಬಾದ್ ಪಡೆ ಬಲಿಷ್ಠವಾಗಿದೆ. ಜತೆಗೆ ತವರಿನ ಪಂದ್ಯ ಕೂಡ ಆಗಿದೆ. ಹೀಗಾಗಿ ತವರಿನ ಲಾಭ ಇದ್ದೇ ಇದೆ.
Watching Klaasen spread the Holi cheers with 𝙛𝙡𝙮𝙞𝙣𝙜 𝙘𝙤𝙡𝙤𝙪𝙧𝙨 🎨🤩
— SunRisers Hyderabad (@SunRisers) March 25, 2024
Have a happy & safe Holi, #OrangeArmy 🧡 pic.twitter.com/uR5VOiRbPr
ಸಂಭಾವ್ಯ ತಂಡ
ಹೈದರಾಬಾದ್: ಮಯಾಂಕ್ ಅಗರ್ವಾಲ್, ರಾಹುಲ್ ತ್ರಿಪಾಠಿ, ಐಡೆನ್ ಮಾರ್ಕ್ರಾಮ್, ಹೆನ್ರಿಚ್ ಕ್ಲಾಸೆನ್ (ವಿಕೆಟ್ ಕೀಪರ್), ಅಬ್ದುಲ್ ಸಮದ್, ಶಹಬಾಜ್ ಅಹ್ಮದ್, ಮಾರ್ಕೊ ಜಾನ್ಸೆನ್, ಪ್ಯಾಟ್ ಕಮಿನ್ಸ್ (ನಾಯಕ), ಭುವನೇಶ್ವರ್ ಕುಮಾರ್, ಮಯಾಂಕ್ ಮಾರ್ಕಾಂಡೆ, ಟಿ ನಟರಾಜನ್.
ಮುಂಬೈ ಇಂಡಿಯನ್ಸ್: ರೋಹಿತ್ ಶರ್ಮಾ, ಇಶಾನ್ ಕಿಶನ್ (ವಿಕೆಟ್ ಕೀಪರ್), ತಿಲಕ್ ವರ್ಮಾ, ನಮನ್ ಧೀರ್, ಹಾರ್ದಿಕ್ ಪಾಂಡ್ಯ (ನಾಯಕ), ಟಿಮ್ ಡೇವಿಡ್, ಶಮ್ಸ್ ಮುಲಾನಿ, ಪಿಯೂಷ್ ಚಾವ್ಲಾ, ಜೆರಾಲ್ಡ್ ಕೋಟ್ಜಿ, ಜಸ್ಪ್ರೀತ್ ಬುಮ್ರಾ, ಲ್ಯೂಕ್ ವುಡ್