Mohammed Shami: ಒಂದೇ ಪಂದ್ಯದಲ್ಲಿ ಹಲವು ದಾಖಲೆ ಬರೆದ ಮೊಹಮ್ಮದ್​ ಶಮಿ

ಮುಂಬಯಿ: ಟೀಮ್​ ಇಂಡಿಯಾದ ಸ್ಟಾರ್​ ಅನುಭವಿ ವೇಗಿ ಮೊಹಮ್ಮದ್​ ಶಮ್ಮಿ ಅವರು, ಪಂದ್ಯದಿಂದ ಪಂದ್ಯಕ್ಕೆ ತಮ್ಮ ಘಾತಕ ಬೌಲಿಂಗ್​ ದಾಳಿ ಮೂಲಕ ವಿಕೆಟ್​ ಕಿತ್ತು ದಾಖಲೆ ಮೇಲೆ ದಾಖಲೆ ಬರೆಯುತ್ತಿದ್ದಾರೆ. ಗುರುವಾರ ವಾಂಖೆಡೆ ಕ್ರಿಕೆಟ್​ ಸ್ಟೇಡಿಯಂನಲ್ಲಿ ನಡೆದ ಲಂಕಾ ವಿರುದ್ಧದ ಪಂದ್ಯದಲ್ಲಿಯೂ 5 ವಿಕೆಟ್​ ಕಿತ್ತು ಹಲವು ದಾಖಲೆಗಳನ್ನು ತಮ್ಮ ಹೆಸರಿಗೆ ಬರೆದಿದ್ದಾರೆ.

ಲಂಕಾ ವಿರುದ್ಧದ ಪಂದ್ಯದಲ್ಲಿ 5 ಓವರ್​ ಬೌಲಿಂಗ್​ ಮಾಡಿದ ಮೊಹಮ್ಮದ್​ ಶಮಿ ಕೇವಲ 18 ನೀಡಿ 5 ವಿಕೆಟ್​ ಉಡಾಯಿಸಿದರು. ಇದರಲ್ಲಿ ಒಂದು ಮೇಡನ್​ ಕೂಡ ಒಳಗೊಂಡಿತ್ತು. ಈ ವಿಕೆಟ್​ ಸಾಧನೆಗಾಗಿ ಅವರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ಶಮಿ ನಿರ್ಮಿಸಿದ ದಾಖಲೆಗಳ ಪಟ್ಟಿ ಹೀಗಿದೆ

See more

ಭಾರತ ಪರ ವಿಶ್ವಕಪ್​ಕಪ್​ನಲ್ಲಿ ಅತ್ಯಧಿಕ ವಿಕಟ್​

33 ವರ್ಷದ ಶಮಿ ಅವರು ಲಂಕಾ ವಿರುದ್ಧ 5 ವಿಕೆಟ್​ ಕೀಳುವ ಮೂಲಕ ಭಾರತ ಪರ ವಿಶ್ವಕಪ್​ನಲ್ಲಿ ಅತ್ಯಧಿಕ ವಿಕಟ್​ ಕಿತ್ತ ಮೊದಲ ಬೌಲರ್​ ಎಂಬ ಹಿರಿಮೆಗೆ ಪಾತ್ರರಾದರು. ಇದಕ್ಕೂ ಮುನ್ನ ಈ ದಾಖಲೆ ಜಂಟಿಯಾಗಿ ಜಹೀರ್​ ಖಾನ್​ ಮತ್ತು ಜಾವಗಲ್​ ಶ್ರೀನಾಥ್​ ಅವರ ಹೆಸರಿನಲ್ಲಿತ್ತು. ಜಹೀರ್​ ಮತ್ತು ಶ್ರೀನಾಥ್​ ತಲಾ 44 ವಿಕೆಟ್​ ಪಡೆದಿದ್ದರು. ಆದರೆ ಈಗ ಶಮಿ 45* ವಿಕೆಟ್​ ಪಡೆಯುವ ಮೂಲಕ ಈ ದಾಖಲೆಯನ್ನು ಮುರಿದಿದ್ದಾರೆ. 33 ವಿಕೆಟ್​ ಪಡೆದಿರುವ ಜಸ್​ಪ್ರೀತ್​ ಬುಮ್ರಾ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಇವರಿಗೂ ಜಹೀರ್​ ಮತ್ತು ಶ್ರೀನಾಥ್​ ದಾಖಲೆ ಮುರಿಯುವ ಅವಕಾಶವಿದೆ. ಈ ದಾಖಲೆ ಮುರಿಯಲು ಬುಮ್ರಾಗೆ ಇನ್ನು 12 ವಿಕೆಟ್​ ಬೇಕಿದೆ.

ಇದನ್ನೂ ಓದಿ World Cup Points Table: ಮತ್ತೆ ಅಗ್ರಸ್ಥಾನಕ್ಕೇರಿದ ಭಾರತ

ಮೊಹಮ್ಮದ್ ಶಮಿ: 45 ವಿಕೆಟ್

ಜಹೀರ್ ಖಾನ್: 44 ವಿಕೆಟ್

ಜಾವಗಲ್ ಶ್ರೀನಾಥ್: 44 ವಿಕೆಟ್

ಜಸ್​ಪ್ರೀತ್​ ಬುಮ್ರಾ: 33 ವಿಕೆಟ್

ಅನಿಲ್ ಕುಂಬ್ಳೆ: 31 ವಿಕೆಟ್

ಒಂದೇ ಆವೃತ್ತಿಯಲ್ಲಿ 4 ಪ್ಲಸ್ ವಿಕೆಟ್ ಸಾಧನೆ

ವಿಶ್ವಕಪ್ ಟೂರ್ನಿಯ ಆವೃತ್ತಿಯೊಂದರಲ್ಲಿ ಗರಿಷ್ಠ 4 ಪ್ಲಸ್ ವಿಕೆಟ್ ಗೊಂಚಲು ಪಡೆದ ಸಾಧಕರ ಪಟ್ಟಿಯಲ್ಲಿ ಮೊಹಮ್ಮದ್ ಶಮಿ 3ನೇ ಸ್ಥಾನಕ್ಕೇರಿದರು. 2019ರ ವಿಶ್ವಕಪ್ ಟೂರ್ನಿಯಲ್ಲಿ ಶಮಿ 3 ಬಾರಿ 4 ಪ್ಲಸ್ ವಿಕೆಟ್ ಕಬಳಿಸಿದ್ದರು. ಈ ಬಾರಿ 3 ಬಾರಿ 4 ಪ್ಲಸ್ ವಿಕೆಟ್ ಸಾಧನೆ ಮಾಡಿದ್ದಾರೆ. ಈ ಸಾಧಕರ ಪಟ್ಟಿಯಲ್ಲಿ ಪಾಕಿಸ್ತಾನದ ಮಾಜಿ ಆಟಗಾರ ಶಾಹೀದ್​ ಅಫ್ರಿದಿ ಮೊದಲ ಸ್ಥಾನದಲ್ಲಿದ್ದಾರೆ. ಅವರು ಶಾಹಿದ್ ಆಫ್ರಿದಿ(2011) 4 ಬಾರಿ ಈ ಸಾಧನೆ ಮಾಡಿದ್ದಾರೆ.

ಇದನ್ನೂ ಓದಿ IND vs SL: ಜಹೀರ್​ ಖಾನ್​,ಜಾವಗಲ್ ಶ್ರೀನಾಥ್ ದಾಖಲೆ ಮುರಿದ ಮೊಹಮ್ಮದ್​ ಶಮಿ

ಶಾಹಿದ್ ಆಫ್ರಿದಿ(2011) 4 ಬಾರಿ

ಮಿಚೆಲ್ ಸ್ಟಾರ್ಕ್(2019) 4 ಬಾರಿ

ಮೊಹಮ್ಮದ್ ಶಮಿ(2019) 3 ಬಾರಿ

ಆ್ಯಡಂ ಜಂಪಾ(2023) 3 ಬಾರಿ

ಮೊಹಮ್ಮದ್ ಶಮಿ(2023) 3 ಬಾರಿ

ಏಕದಿನದಲ್ಲಿ ಭಾರತದ ಪರ ಗರಿಷ್ಠ 5 ವಿಕೆಟ್ ಸಾಧನೆ

ಏಕದಿನ ಕ್ರಿಕೆಟ್‌ನಲ್ಲಿ ಭಾರತದ ಪರ ಗರಿಷ್ಠ 5 ವಿಕೆಟ್ ಸಾಧನೆ ಮಾಡಿದ ಸಾಧಕರ ಪಟ್ಟಿಯಲ್ಲಿ ಶಮಿ ಮೊದಲ ಸ್ಥಾನಕ್ಕೇರಿದ್ದಾರೆ. ಇದಕ್ಕೂ ಮುನ್ನ ಈ ದಾಖಲೆ ಮಾಜಿ ಆಟಗಾರ ಜಾವಗಲ್ ಶ್ರೀನಾಥ್ ಅವರ ಹೆಸರಿನಲ್ಲಿತ್ತು. ಅವರು 3 ಬಾರಿ ಸಾಧನೆ ಮಾಡಿದ್ದು. ಇದೀಗ ಶಮಿ ನಾಲ್ಕು ಬಾರಿ ಈ ಸಾಧನೆ ಮಾಡಿ ಮೊದಲ ಸ್ಥಾನ ಪಡೆದಿದ್ದಾರೆ.

ಮೊಹಮ್ಮದ್ ಶಮಿ: 4 ಬಾರಿ

ಜಾವಗಲ್ ಶ್ರೀನಾಥ್: 3 ಬಾರಿ

ಹರ್ಭಜನ್ ಸಿಂಗ್: 3 ಬಾರಿ