ದೋಹಾ : ಮೊರಾಕ್ಕೊ ತಂಡದ ನಾಗಾಲೋಟಕ್ಕೆ ಬ್ರೇಕ್ ಕೊಟ್ಟ ಫ್ರಾನ್ಸ್ ತಂಡ ಫಿಫಾ ವಿಶ್ವ ಕಪ್ನ ಹಾಲಿ ಆವೃತ್ತಿಯಲ್ಲಿ ಫೈನಲ್ಗೇರಿದೆ. ಈ ಮೂಲಕ ಸತತ ಎರಡನೇ ಬಾರಿ ವಿಶ್ವ ಕಪ್ನ ಫೈನಲ್ ಹಂತಕ್ಕೇರಿದ ಸಾಧನೆ ಮಾಡಿತು.
ಬುಧವಾರ ಇಲ್ಲಿನ ಅಲ್ ಬಯಾತ್ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಮೊರಾಕ್ಕೊ ತಂಡವನ್ನು 2-0 ಗೋಲ್ಗಳಿಂದ ಮಣಿಸಿದ ಫ್ರಾನ್ಸ್ ಬಳಗ ಪ್ರಶಸ್ತಿ ಸುತ್ತಿಗೇರಿತು. ಫ್ರಾನ್ಸ್ ಪಾಲಿಗೆ ಇದು ಆರನೇ ಬಾರಿ ಫೈನಲ್ಗೇರಿದ ಸಾಧನೆಯಾಗಿದೆ.
ಫ್ರಾನ್ಸ್ ಪರ ಥಿಯೋ ಹೆಂಡ್ರಿಕ್ಸ್ (5ನೇ ನಿಮಿಷ) ಹಾಗೂ ರಂಡಾಲ್ ಕೊಲೊ ಮುನಾಯಿ (79 ನೇ ನಿಮಿಷ) ಎರಡು ಗೋಲ್ಗಳನ್ನು ಬಾರಿಸಿದರು. ಬಲಿಷ್ಠ ತಂಡಗಳಿಗೆ ಮಣ್ಣು ಮುಕ್ಕಿಸಿದ್ದ ಮೊರಾಕ್ಕೊ ತಂಡ ಸೆಮಿ ಫೈನಲ್ ಹಣಾಹಣಿಯಲ್ಲಿ ಸೋಲು ಅನುಭವಿಸಿತು.
ಅದಾಗಲೇ ಫೈನಲ್ ಪ್ರವೇಶಿಸಿರುವ ಅರ್ಜೆಂಟೀನಾ ತಂಡವನ್ನು ಫ್ರಾನ್ಸ್ ತಂಡ ಪ್ರಶಸ್ತಿ ಸುತ್ತಿನಲ್ಲಿ ಎದುರಿಸಲಿದೆ.
ಇದನ್ನೂ ಓದಿ | Fifa World Cup | ಭಾನುವಾರ ನಡೆಯಲಿರುವ ಫಿಫಾ ವಿಶ್ವ ಕಪ್ ಫೈನಲ್ ನನ್ನ ಅಂತಿಮ ಪಂದ್ಯ; ಮೆಸ್ಸಿ ಮಾತು