ಚೆನ್ನೈ: ವಿಶ್ವ ಕ್ರಿಕೆಟ್ನಲ್ಲಿ ಹೊಸ ಹೊಸ ಬ್ಯಾಟಿಂಗ್ ಶಾಟ್ಗಳು ಪರಿಚಯ ಆಗುತ್ತಲೇ ಇವೆ. ಇದರಲ್ಲಿ ಮಹೇಂದ್ರ ಸಿಂಗ್ ಧೋನಿ(MS Dhoni) ಪರಿಚಯಿಸಿದ ‘ಹೆಲಿಕಾಪ್ಟರ್ ಶಾಟ್’(helicopter shot) ಕೂಡ ಒಂದು. ಅನೇಕರು ಈ ಶಾಟ್ ಹೊಡೆಯಲು ಪ್ರಯತ್ನಿಸಿದರೂ ಸಫಲರಾಗಿದ್ದು ಮಾತ್ರ ಕೆಲವರಷ್ಟೇ. ಆದರೂ ಧೋನಿಯ ರೇಂಜ್ಗೆ ಈ ಶಾಟ್ ಪರಿಪೂರ್ಣವಾಗಿ ಯಾರಿಂದಲೂ ಹೊಡೆಯಲು ಸಾಧ್ಯವಿಲ್ಲ. ಧೋನಿ ಈ ಶಾಟ್ ಹೊಡೆಯುವುದನ್ನು ನೋಡುವುದೇ ಕಣ್ಣಿಗೆ ಹಿತ. ಇದೀಗ 17ನೇ ಆವೃತ್ತಿಯ ಐಪಿಎಲ್ನಲ್ಲಿಯೂ ಧೋನಿ ತಮ್ಮ ನೆಚ್ಚಿನ ಹೆಲಿಕಾಪ್ಟರ್ ಶಾಟ್(MS Dhoni helicopter shot) ಹೊಡೆಯಲು ಸಕಲ ಸಿದ್ಧತೆ ನಡೆಸಿದ್ದಾರೆ. ಬುಧವಾರ ನಡೆದ ನೆಟ್‌ ಪ್ರ್ಯಾಕ್ಟೀಸ್ನಲ್ಲಿ ಧೋನಿ ಹಲವು ಹೆಲಿಕಾಪ್ಟರ್ ಶಾಟ್ ಹೊಡೆದಿದ್ದಾರೆ. ಈ ವಿಡಿಯೊ ವೈರಲ್ ಆಗಿದೆ.
MS Dhoni with a helicopter shot in the practice session.
— Mufaddal Vohra (@mufaddal_vohra) March 19, 2024
– MSD is preparing hard for the IPL.pic.twitter.com/6YDYRK8QQy
ಧೋನಿ ಅವರು ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಬೌಲಿಂಗ್ ಕೋಚ್ ಆಗಿರುವ ಡ್ವೇನ್ ಬ್ರಾವೊ ಅವರ ಎಸೆತಕ್ಕೆ ತಮ್ಮ ನೆಚ್ಚಿನ ಹೆಲಿಕಾಪ್ಟರ್ ಶಾಟ್ ಮೂಲಕ ಸಿಕ್ಸರ್ ಬಾರಿಸಿದರು. ಸಿಕ್ಸರ್ ಬಾರಿಸಿದ ತಕ್ಷಣ ಧೋನಿ ಸಂಭ್ರಮಾಚರಿಸಿದರೆ, ಅತ್ತ ಬ್ರಾವೊ ಸಿಕ್ಸರ್ ಚಚ್ಚಿಸಿಕೊಂಡ ಆಘಾತದಲ್ಲಿ ತಲೆ ಮೇಲೆ ಕೈ ಹೊತ್ತುಕೊಂಡಿದ್ದಾರೆ. ಈ ಎಲ್ಲ ದೃಶ್ಯವನ್ನು ವಿಡಿಯೊದಲ್ಲಿ ಕಾಣಬಹುದಾಗಿದೆ.
ಇದನ್ನೂ ಓದಿ IPL 2024: ದೇಶದ 50 ನಗರಗಳಲ್ಲಿ ಐಪಿಎಲ್ ಫ್ಯಾನ್‌ ಪಾರ್ಕ್‌; ಕರ್ನಾಟಕ ಇದೆಯೇ?
Thala Dhoni's celebration after hitting a six against DJ Bravo 🤣💛@MSDhoni #MSDhoni #IPL2024 pic.twitter.com/Yn8vTdn5Mx
— DHONI Era™ 🤩 (@TheDhoniEra) March 20, 2024
ಧೋನಿ ಅವರು ಇಂದು ನಡೆದ ನೆಟ್‌ ಪ್ರ್ಯಾಕ್ಟೀಸ್ನಲ್ಲಿ ಹೆಚ್ಚಾಗಿ ಹೆಲಿಕಾಪ್ಟರ್ ಶಾಟ್ ಹೊಡೆತಗಳ ಅಭ್ಯಾಸವನ್ನೇ ಮಾಡಿದರು. ಅವರ ಅಭ್ಯಾಸವನ್ನು ಗಮನಿಸುವಾಗ ಈ ಬಾರಿಯ ಐಪಿಎಲ್ನಲ್ಲಿ ಅವರ ಬ್ಯಾಟ್ನಿಂದ ಹಲವು ಹೆಲಿಕಾಪ್ಟರ್ ಹಾರಾಟವಾಗುವ ಸಾಧ್ಯತೆಯೊಂದು ಕಂಡುಬಂದಿದೆ.
Thala helicopter shot 😎🔥#MSDhoni𓃵 pic.twitter.com/HNkOmIboTg
— P A V A N (@Pavantweets0) March 15, 2024
ಎಂ.ಎಸ್.ಧೋನಿ, ಕ್ಯಾಪ್ಟನ್‌ ಕೂಲ್‌, ಮಾಹಿ, ತಾಲಾ… ಎಂದೆಲ್ಲ ಪ್ರೀತಿಯಿಂದ ಕರೆಸಿಕೊಳ್ಳುವ ಮಹೇಂದ್ರ ಸಿಂಗ್ ಧೋನಿ ಎಂದರೆ ಅಭಿಮಾನಿಗಳಿಗೊಂದು ಎಮೋಷನ್ (ಭಾವನೆ). ಅವರು ಅಪಾರ ಸಂಖ್ಯೆಯ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಧೋನಿ(MS Dhoni) ಕೂಡ ತಮ್ಮ ಅಭಿಮಾನಿಗಳ ಮೇಲೆ ಹೆಚ್ಚಿನ ಪ್ರೀತಿ ತೋರುತ್ತಾರೆ. ಅಭಿಮಾನಿಗಳ ಒತ್ತಾಸೆಯಕ್ಕೆ ಮಣಿದು ತಮ್ಮ ಐಪಿಎಲ್ ನಿವೃತ್ತಿಯನ್ನು ಕೂಡ ಮುಂದೂಡಿದ್ದರು. ಈ ಬಾರಿ ನಿವೃತ್ತಿಯಾಗುವುದು ಖಚಿತ.
ಹಾಲಿ ಚಾಂಪಿಯನ್ ಆಗಿರುವ ಚೆನ್ನೈ(chennai super kings) ತಂಡ ಆರ್ಸಿಬಿ ವಿರುದ್ಧ ಮಾರ್ಚ್ 22ರಂದು ನಡೆಯುವ ಉದ್ಘಾಟನ ಪಂದ್ಯವನ್ನಾಡುವ ಮೂಲಕ ತನ್ನ ಅಭಿಯಾನ ಆರಂಭಿಸಲಿದೆ.
Thala Latest One 😘#MSDhoni𓃵 pic.twitter.com/HHDsC3D1H9
— 🌋 𝕋𝕙𝕒𝕝𝕒𝕡𝕒𝕥𝕙𝕪 𝕄𝕊 🔥🐐 (@TVK_offcl) March 20, 2024
ಕಳೆದ ಬಾರಿಯ ಐಪಿಎಲ್ ಟೂರ್ನಿಯುದ್ದಕ್ಕೂ ಧೋನಿ ಕಾಲಿನ ಗಾಯಕ್ಕೆ ತುತ್ತಾಗಿದ್ದರೂ ಆಡಿದ್ದರು. ನೋವು ನಿವಾರಕ ಪ್ಲಾಸರ್ಗಳನ್ನು ಧರಿಸಿ ಆಡಿದ್ದರು. ಟೂರ್ನಿ ಮುಗಿದ ಬಳಿಕ ಮುಂಬೈನ ಖಾಸಗಿ ಆಸ್ಪತ್ರೆಯೊಂದರಲ್ಲಿ ತಮ್ಮ ಮೊಣಕಾಲು ಶಸ್ತ್ರ ಚಿಕಿತ್ಸೆಗೆ ಒಳಗಾಗಿದ್ದರು. ಸದ್ಯ ಉತ್ತಮ ಫಿಟ್ನೆಸ್ ಹೊಂದಿರುವ ಧೋನಿ ಉದ್ದನೆಯ ಕೂದಲು ಕೂಡ ಬಿಟ್ಟಿದ್ದು ಕ್ರಿಕೆಟ್ಗೆ ಪದಾರ್ಪಣೆ ಮಾಡುವಾಗ ಇದ್ದ ಲುಕ್ನಲ್ಲಿ ತಮ್ಮ ಕೊನೆಯ ಐಪಿಎಲ್ ಆಡಲು ಸಿದ್ಧರಾಗಿ ನಿಂತಿದ್ದಾರೆ.