ಧರ್ಮಶಾಲಾ: ಭಾರತದ ಆತಿಥ್ಯದಲ್ಲಿ ನಡೆಯುತ್ತಿರುವ ಏಕ ದಿನ ವಿಶ್ವ ಕಪ್ನಲ್ಲಿ (ICC World Cup 2023) ಮತ್ತೊಂದು ಅನಿರೀಕ್ಷಿತ ಫಲಿತಾಂಶ ಮೂಡಿ ಬಂದಿದೆ. ಮೊದಲೆರಡು ಪಂದ್ಯಗಳಲ್ಲಿ ಅಬ್ಬರಿಸಿ ಬೊಬ್ಬಿರಿದಿದ್ದ ದಕ್ಷಿಣ ಆಫ್ರಿಕಾ ಬಳಗ, ಅರ್ಹತಾ ಸುತ್ತಿನ ಮೂಲಕ ಪ್ರವೇಶ ಪಡೆದಿರುವ ನೆದರ್ಲ್ಯಾಂಡ್ಸ್ ತಂಡದ ವಿರುದ್ಧ 38 ರನ್ಗಳಿಂದ ಹೀನಾಯವಾಗಿ ಸೋಲು ಕಂಡಿದೆ. ಈ ಮೂಲಕ ಹಾಲಿ ಆವೃತ್ತಿಯ ತನ್ನ ಮೊದಲ ವಿಜಯವನ್ನು ದಾಖಲಿಸಿದೆ ಡಚ್ಚರ ಪಡೆ. ಇದು ವಿಶ್ವ ಕಪ್ 202ರ ಎರಡನೇ ಆಘಾತಕಾರಿ ಫಲಿತಾಂಶವಾಗಿದೆ. ನವದೆಹಲಿಯಲ್ಲಿ ನಡೆದಿದ್ದ ಹಾಲಿ ಚಾಂಪಿಯನ್ ಇಂಗ್ಲೆಂಡ್ ತಂಡವನ್ನು ಅಫಘಾನಿಸ್ತಾನ ತಂಡ 69 ರನ್ಗಳಿಂದ ಸೋಲಿಸಿ ಸಂಭ್ರಮಿಸಿತ್ತು.
🏏 NETHERLANDS DEFEAT THE PROTEAS
— Proteas Men (@ProteasMenCSA) October 17, 2023
🇿🇦 David Miller (43) fought hard but it was not to be as the Netherlands earned a victory over the Proteas 🏏
Not the result we had hoped for but we will comeback stronger on Saturday 💪 🇿🇦#CWC23 #SAvNED #BePartOfIt pic.twitter.com/iJijVaeRvr
ಧರ್ಮಶಾಲಾದ ಹಿಮಾಚಲ ಪ್ರದೇಶ ಕ್ರಿಕೆಟ್ ಸಂಸ್ಥೆಯ ಸ್ಟೇಡಿಯಮ್ನಲ್ಲಿ ಆಯೋಜನೆಗೊಂಡಿದ್ದ ಪಂದ್ಯಕ್ಕೆ ಆರಂಭದಲ್ಲಿಯೇ ಮಳೆಯ ಅಡಚಣೆ ಉಂಟಾಯಿತು. ಹೀಗಾಗಿ 43 ಇನಿಂಗ್ಸ್ಗಳ ಪಂದ್ಯವನ್ನು ಆಯೋಜಿಸಲಾಯಿತು. ಅಂತೆಯೇ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ನೆದರ್ಲೆಂಡ್ಸ್ ತಂಡ ನಿಗದಿತ ಓವರ್ಗಳಲ್ಲಿ ವಿಕೆಟ್ ನಷ್ಟಕ್ಕೆ 245 ರನ್ ಬಾರಿಸಿತು. ಪ್ರತಿಯಾಗಿ ಆಡಿದ ಹರಿಣಗಳ ಬಳಗ 42.5 ಓವರ್ಗಳಲ್ಲಿ 207 ರನ್ ಬಾರಿಸಿ ಆಲ್ಔಟ್ ಆಗಿ ಸೋಲೊಪ್ಪಿಕೊಂಡಿತು.
ಪಂದ್ಯದಲ್ಲಿ ನೆದರ್ಲ್ಯಾಂಡ್ಸ್ ತಂಡ ಪರಿಪೂರ್ಣ ಕ್ರಿಕೆಟ್ ಆಡಿತು. ಇನಿಂಗ್ಸ್ ಆರಂಭದಲ್ಲಿ ನಿಧಾನಗತಿಯಲ್ಲಿ ಬ್ಯಾಟ್ ಮಾಡಿದರೂ ಕೊನೇ 9 ಓವರ್ಗಳಲ್ಲಿ 109 ರನ್ ಬಾರಿಸುವ ಮೂಲಕ ದಕ್ಷಿಣ ಆಫ್ರಿಕಾ ತಂಡಕ್ಕೆ ಸ್ಪರ್ಧಾತ್ಮಕ ಗುರಿಯನ್ನು ಒಡ್ಡಿತು. ಆ ಮೊತ್ತವನ್ನು ಬಳಿಕ ಬೌಲಿಂಗ್ನಲ್ಲಿಯೂ ಸ್ಮರಣೀಯ ಪ್ರದರ್ಶನ ನೀಡಿ ಗೆಲುವು ತನ್ನದಾಗಿಸಿಕೊಂಡಿತು.
ಈ ಸುದ್ದಿಗಳನ್ನೂ ಓದಿ
Shikhar Dhawan : ಡೈವೋರ್ಸ್ ಬಳಿಕ ಮಗನೊಂದಿಗೆ ವಿಡಿಯೊ ಕಾಲ್ ಮಾಡಿ ಭಾವುಕರಾದ ಧವನ್
Ind vs Pak : ಸೋತರೂ ಬಿಡದ ಹುಂಬತನ; ಭಾರತ ವಿರುದ್ಧವೇ ದೂರು ನೀಡಿದ ಪಾಕಿಸ್ತಾನ
Rohit Sharma : ಬಾಂಗ್ಲಾ ವಿರುದ್ಧ ಪಂದ್ಯದಲ್ಲಿ ಬೌಲಿಂಗ್ ಮಾಡ್ತಾರಾ ರೋಹಿತ್?
ಅತ್ತ ದಕ್ಷಿಣ ಆಫ್ರಿಕಾ ತಂಡ ಮೊದಲೆರಡು ಪಂದ್ಯಗಳಲ್ಲಿ ಅದ್ಧೂರಿ ಪ್ರದರ್ಶನ ನೀಡಿತ್ತು. ಶ್ರೀಲಂಕಾ ವಿರುದ್ಧ ತನ್ನ ಮೊದಲ ಪಂದ್ಯದಲ್ಲಿ 102 ರನ್ಗಳ ವಿಜಯ ದಾಖಲಿಸಿದ್ದರೆ, ಬಲಿಷ್ಠ ಆಸ್ಟ್ರೇಲಿಯಾ ವಿರುದ್ಧವಂತೂ 132 ರನ್ಗಳ ಬೃಹತ್ ವಿಜಯವನ್ನು ತನ್ನದಾಗಿಸಿಕೊಂಡಿತ್ತು. ಆದರೀಗ ಏಕಾಏಕಿ ಕುಸಿತ ಕಂಡು ದುರ್ಬಲ ತಂಡವೊಂದರ ವಿರುದ್ಧ ಸೋಲು ಕಂಡಿತ್ತು.
ಎಡ್ವರ್ಡ್ಸ್ ಭರ್ಜರಿ ಬ್ಯಾಟಿಂಗ್
ಬ್ಯಾಟಿಂಗ್ ಆರಂಭಿಸಿದ ನೆದರ್ಲ್ಯಾಂಡ್ಸ್ ತಂಡ ಉತ್ತಮ ಆರಂಭವೇನೂ ಪಡೆಯಲಿಲ್ಲ. 22ಕ್ಕೆ ಮೊದಲ ವಿಕೆಟ್ ಕಳೆದುಕೊಂಡರೆ 82 ರನ್ ಗಳಿಸುವಷ್ಟರಲ್ಲಿ 5 ವಿಕೆಟ್ ನಷ್ಟ ಮಾಡಿಕೊಂಡಿತು. ಆದರೆ ಏಳನೇ ವಿಕೆಟ್ಗೆ ಆಟಕ್ಕಿಳಿದ ನಾಯಕ ಸ್ಕಾಟ್ ಎಡ್ವರ್ಡ್ಸ್ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. 10 ಫೋರ್, 1 ಸಿಕ್ಸರ್ ಸಮೇತ 69 ಎಸೆತಗಳಲ್ಲಿ 78 ರನ್ ಗಳಿಸಿದರು. ಅದೇ ರೀತಿ ವ್ಯಾನ್ಡೆರ್ ಮರ್ವ್ 19 ಎಸೆತಕ್ಕೆ 29 ರನ್ ಬಾರಿಸಿದರೆ, ಆರ್ಯನ್ ದತ್ 9 ಎಸೆತಕ್ಕೆ 23 ರನ್ ಬಾರಿಸಿದರು. ಕೊನೇ 9 ಓವರ್ಗಳಲ್ಲಿ 100ಕ್ಕೂ ಅಧಿಕ ರನ್ ಸೋರಿಕೆ ಮಾಡಿದ ದಕ್ಷಿಣ ಆಫ್ರಿಕಾ ತಂಡದ ಬೌಲರ್ಗಳು ಅದಕ್ಕೆ ಬೆಲೆ ತೆತ್ತರು.
ದುರ್ಬಲ ಬ್ಯಾಟಿಂಗ್
ಗುರಿ ಬೆನ್ನಟ್ಟಲು ಆರಂಭಿಸಿದ ದಕ್ಷಿಣ ಆಫ್ರಿಕಾ ತಂಡವನ್ನು ನೆದರ್ಲ್ಯಾಂಡ್ಸ್ ಬೌಲರ್ಗಳು ತಮ್ಮ ನಿಖರ ದಾಳಿಯ ಮೂಲಕ ಕಟ್ಟಿ ಹಾಕಿದರು. ತೆಂಬಾ ಬವುಮಾ (16 ರನ್), ಕ್ವಿಂಟನ್ ಡಿ ಕಾಕ್ (20ರನ್), ರಸ್ಸೀ ಡಸ್ಸೆನ್ (4 ರನ್), ಏಡೆನ್ ಮಾರ್ಕ್ರಮ್ (1 ರನ್) ಔಟಾಗುವ ಮೂಲಕ ದಕ್ಷಿಣ ಆಫ್ರಿಕಾ ತಂಡಕ್ಕೆ ಹಿನ್ನಡೆ ಉಂಟಾಯಿತು. ಬಳಿಕ ಕ್ಯಾಸೆನ್ (28) ಹಾಗೂ ಡೇವಿಡ್ ಮಿಲ್ಲರ್ (43) ಸ್ವಲ್ಪ ಹೊತ್ತು ಕ್ರಿಸ್ ಕಾಯ್ದುಕೊಂಡರು. ಜತೆಗೆ ಗೆರಾಲ್ಡ್ ಕೊಕೊಯೆಡ್ಜಿ 22 ರನ್ ಕೊಡುಗೆ ಕೊಟ್ಟರು. ಆದರೆ, ಸತತವಾಗಿ ವಿಕೆಟ್ ನಷ್ಟ ಮಾಡಿಕೊಂಡ ಹರಿಣಗಳ ಪಡೆಗೆ ಗೆಲವು ಅಸಾಧ್ಯವೆನಿಸಿತು. ಏತನ್ಮಧ್ಯೆ ಕೇಶವ್ ಮಹಾರಾಜ್ ಕೊನೇ ಹಂತದಲ್ಲಿ 40 ರನ್ ಬಾರಿಸಿ ಸೋಲಿನ ಅಂತರವನ್ನು ಕಡಿಮೆ ಮಾಡಿತು.
ನೆರ್ದಲ್ಯಾಂಡ್ಸ್ ಪರ ಲೋಗೊನ್ ವ್ಯಾನ್ ಬೀಕ್ 60 ರನ್ ಗಳಿಗೆ 3 ವಿಕೆಟ್ ಪಡೆದರೆ, ಮೀಕೆರೆನ್, ವ್ಯಾನ್ಡೆರ್ ಮರ್ವ್ ಹಾಗೂ ಬಾಸ್ ಡೀ ಲೀಡ್ ತಲಾ ಎರಡು ವಿಕೆಟ್ ಪಡೆದು ಮಿಂಚಿದರು.