ಅಹಮದಾಬಾದ್: ಪುರುಷರ ಏಕದಿನ ವಿಶ್ವಕಪ್ನ (ICC World Cup 2023) ಆರಂಭಿಕ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ನ ಬ್ಯಾಟಿಂಗ್ ಜೋಡಿ ಡೆವೊನ್ ಕಾನ್ವೇ ಮತ್ತು ರಚಿನ್ ರವೀಂದ್ರ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಮ್ನಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಕ್ರಮವಾಗಿ 2023ರ ಆವೃತ್ತಿಯ ಮೊದಲ ಮತ್ತು ಎರಡನೇ ಶತಕಗಳನ್ನು ಬಾರಿಸಿದರು. ಕಾನ್ವೇ ಕೇವಲ 83 ಎಸೆತಗಳಲ್ಲಿ ಶತಕ ಬಾರಿಸುವ ಮೂಲಕ ಕಿವೀಸ್ ತಂಡಕ್ಕೆ 283 ರನ್ಗಳ ಗುರಿ ಬೆನ್ನಟ್ಟುವಲ್ಲಿ ಯಶಸ್ವಿಯಾದರು. ಅವರು 121 ಎಸೆತಗಳಲ್ಲಿ 152 ರನ್ ಬಾರಿಸಿ ಅಜೇಯರಾಗಿ ಉಳಿದರು. ಅಂತೆಯೇ ರಚಿನ್ ರವೀಂದ್ರ 96 ಎಸೆತಗಳ 123 ರನ್ಗಳ ನ್ನು ಬಾರಿಸಿ ಮಿಂಚಿದರು. ಈ ಮೂಲಕ ಅವರಿಬ್ಬರು ವಿಶ್ವ ಕಪ್ನ ತಮ್ಮ ಚೊಚ್ಚಲ ಪಂದ್ಯಗಳಲ್ಲಿ ಶತಕ ಬಾರಿಸಿದ ಎಲೈಟ್ ಆಟಗಾರರ ಪಟ್ಟಿಗೆ ಸೇರ್ಪಡೆಗೊಂಡಿದ್ದಾರೆ.
🔸Career-best individual scores
— ICC Cricket World Cup (@cricketworldcup) October 5, 2023
🔸An unbeaten 273-run stand
Rachin Ravindra and Devon Conway were in top form in the #CWC23 opener 🔥#ENGvNZ pic.twitter.com/7i8kxaoPiM
ಇದು ಏಕ ದಿನ ಕ್ರಿಕೆಟ್ ಸ್ವರೂಪದಲ್ಲಿ ಎಡಗೈ ಬ್ಯಾಟರ್ ಕಾನ್ವೆ ಅವರ ಐದನೇ ಶತಕವಾಗಿದ್ದರೆ, ರವೀಂದ್ರ 31 ಪಂದ್ಯಗಳಲ್ಲಿ ನಾಲ್ಕನೇ ಬಾರಿ ಮೂರಂಕಿ ಮೊತ್ತ ದಾಟಿದ್ದಾರೆ. ಈ ಜೋಡಿಯು ಇಂಗ್ಲೆಂಡ್ ತಂಡ ನೀಡಿದ್ದ 283 ರನ್ಗಳ ಸವಾಲನ್ನು ಮೀರುವಲ್ಲಿ ಎರಡನೇ ವಿಕೆಟ್ಗೆ 273 ರನ್ಗಳ ಜತೆಯಾಟವನ್ನು ನೀಡಿದೆ. ಈ ಇಬ್ಬರು ಆಟಗಾರರು ಚೊಚ್ಚಲ ವಿಶ್ವಕಪ್ ಪಂದ್ಯದಲ್ಲಿ ಶತಕದ ಸಾಧನೆ ಮಾಡಿದ ಕ್ರಮವಾಗಿ 15 ಮತ್ತು 16 ನೇ ಬ್ಯಾಟರ್ಗಳು ಎನಿಸಿಕೊಂಡರು. ಕಾನ್ವೆ ಅವರ 152 ರನ್ಗಳಲ್ಲಿ 19 ಫೋರ್ ಹಾಗೂ 3 ಸಿಕ್ಸರ್ ಸೇರಿಕೊಂಡಿದ್ದರೆ, ರಚಿನ್ ಅವರ 123 ರನ್ಗಳಲ್ಲಿ 11 ಫೋರ್ಗಳು ಹಾಗೂ 5 ಅಮೋಘ ಸಿಕ್ಸರ್ಗಳು ಸೇರಿಕೊಂಡಿವೆ.
ಇದನ್ನೂ ಓದಿ : ICC World Cup 2023 : ಮೊದಲ ಪಂದ್ಯದಲ್ಲಿಯೇ ಅಬ್ಬರಿಸಿದ ನ್ಯೂಜಿಲ್ಯಾಂಡ್; ಇಂಗ್ಲೆಂಡ್ ವಿರುದ್ಧ ಭರ್ಜರಿ ಜಯ
ಅಮೀಸ್ ಮೊದಲ ಶತಕದಾರಿ
ಇಂಗ್ಲೆಂಡ್ನ ಡೆನ್ನಿಸ್ ಅಮಿಸ್ ಈ ಸಾಧಕರ ಪಟ್ಟಿಯಲ್ಲಿ ಚೊಚ್ಚಲ ವಿಶ್ವಕಪ್ನಲ್ಲಿ ಶತಕ ಗಳಿಸಿದ ಮೊದಲ ಬ್ಯಾಟರ್ ಆಗಿದ್ದಾರೆ. 1975ರಲ್ಲಿ ಭಾರತ ವಿರುದ್ಧದ ಉದ್ಘಾಟನಾ ವಿಶ್ವಕಪ್ ಪಂದ್ಯದಲ್ಲಿ ಅಮಿಸ್ ಈ ಮೈಲಿಗಲ್ಲನ್ನು ಸಾಧಿಸಿ ಐತಿಹಾಸಿಕ ಸಾಧನೆ ಮಾಡಿದ್ದರು. ಜಿಂಬಾಬ್ವೆಯ ಆಂಡಿ ಫ್ಲವರ್ ತಮ್ಮ ಚೊಚ್ಚಲ ವಿಶ್ವಕಪ್ ಶತಕವನ್ನು ಗಳಿಸುವ ಮೂಲಕ ಕ್ರಿಕೆಟ್ ಇತಿಹಾಸದಲ್ಲಿ ತಮ್ಮ ಹೆಸರನ್ನು ದಾಖಲು ಮಾಡಿದ್ದರು. 1992 ರಲ್ಲಿ ಏಕದಿನ ಚೊಚ್ಚಲ ಪಂದ್ಯದಲ್ಲಿ ಈ ಗಮನಾರ್ಹ ಸಾಧನೆಯನ್ನು ಮಾಡಿದ್ದರು.
ಚೊಚ್ಚಲ ವಿಶ್ವ ಕಪ್ನಲ್ಲಿ ಶತಕ ಬಾರಿಸಿದ ಸಾಧಕರ ಪಟ್ಟಿ ಇಂತಿದೆ
- 137 ಡೆನ್ನಿಸ್ ಅಮಿಸ್, ಇಂಗ್ಲೆಂಡ್, ಭಾರತ ವಿರುದ್ಧ – 1975
- 171* ಗ್ಲೆನ್ ಟರ್ನರ್, ನ್ಯೂಜಿಲೆಂಡ್- ವಿರುದ್ಧ ಪೂರ್ವ ಆಫ್ರಿಕಾ – 1975
- 102 ಅಲನ್ ಲ್ಯಾಂಬ್, ಇಂಗ್ಲೆಂಡ್- ವಿರುದ್ಧ ನ್ಯೂಜಿಲೆಂಡ್, 1983
- 110 ಟ್ರೆವರ್ ಚಾಪೆಲ್, ಆಸ್ಟ್ರೇಲಿಯಾ- ವಿರುದ್ಧ ಭಾರತ – 1983
- 110 ಜೆಫ್ ಮಾರ್ಷ್, ಆಸ್ಟ್ರೇಲಿಯಾ- ವಿರುದ್ಧ ಭಾರತ – 1987
- 115* ಆಂಡಿ ಫ್ಲವರ್, ಜಿಂಬಾಬ್ವೆ- ವಿರುದ್ಧ ಶ್ರೀಲಂಕಾ – 1992
- 101 ನಾಥನ್ ಆಸ್ಟಲ್, ನ್ಯೂಜಿಲೆಂಡ್- ವಿರುದ್ಧ ಇಂಗ್ಲೆಂಡ್ – 1996
- 188* ಗ್ಯಾರಿ ಕರ್ಸ್ಟನ್, ದಕ್ಷಿಣ ಆಫ್ರಿಕಾ- ವಿರುದ್ಧ ಯುನೈಟೆಡ್ ಅರಬ್ ಎಮಿರೇಟ್ಸ್ – 1996
- 141 ಸ್ಕಾಟ್ ಸ್ಟೈರಿಸ್ಟ್, ನ್ಯೂಜಿಲೆಂಡ್- ವಿರುದ್ಧ ಶ್ರೀಲಂಕಾ – 2003
- 172* ಕ್ರೇಗ್ ವಿಶಾರ್ಟ್, ಜಿಂಬಾಬ್ವೆ- ವಿರುದ್ಧ ನಮೀಬಿಯಾ – 2003
- 143* ಆಂಡ್ರ್ಯೂ ಸೈಮಂಡ್ಸ್, ಆಸ್ಟ್ರೇಲಿಯಾ- ವಿರುದ್ಧ ಪಾಕಿಸ್ತಾನ – 2003
- 115* ಜೆರೆಮಿ ಬ್ರೇ, ಐರ್ಲೆಂಡ್- ವಿರುದ್ಧ ಜಿಂಬಾಬ್ವೆ – 2007
- 100* ವಿರಾಟ್ ಕೊಹ್ಲಿ, ಭಾರತ- ವಿರುದ್ಧ ಬಾಂಗ್ಲಾದೇಶ – 2011
- 135 ಆ್ಯರೋನ್ ಫಿಂಚ್, ಆಸ್ಟ್ರೇಲಿಯಾ- ವಿರುದ್ಧ ಇಂಗ್ಲೆಂಡ್ 2015
- 100* (ಬ್ಯಾಟಿಂಗ್) ಡೆವೊನ್ ಕಾನ್ವೇ, ನ್ಯೂಜಿಲೆಂಡ್- ವಿರುದ್ಧ ಇಂಗ್ಲೆಂಡ್ – 2023
- 100* ರಚಿನ್ ರವೀಂದ್ರ, ನ್ಯೂಜಿಲೆಂಡ್- ವಿರುದ್ಧ ಇಂಗ್ಲೆಂಡ್ – 2023
ನ್ಯೂಜಿಲ್ಯಾಂಡ್ಗೆ ಜಯ
ಡವೋನ್ ಕಾನ್ವೆ (ಅಜೇಯ 152 ರನ್) ಹಾಗೂ ಯುವ ಆಲ್ರೌಂಡರ್ ರಚಿನ್ ರವೀಂದ್ರ (ಅಜೇಯ 123) ಜೋಡಿಯ ದಾಖಲೆಯ 273 ರನ್ಗಳ ಜತೆಯಾಟದಿಂದ ಮಿಂಚಿದ ನ್ಯೂಜಿಲ್ಯಾಂಡ್ ತಂಡ ವಿಶ್ವ ಕಪ್ 2023ರ ಮೊದಲ (ICC World Cup 2023) ಪಂದ್ಯದಲ್ಲಿ ಕಳೆದ ಆವೃತ್ತಿಯ ಚಾಂಪಿಯನ್ ಇಂಗ್ಲೆಂಡ್ ವಿರುದ್ಧ 9 ವಿಕೆಟ್ಗಳ ಸುಲಭ ವಿಜಯ ದಾಖಲಿಸಿದೆ. ಈ ಮೂಲಕ ಕಳೆದ ಆವೃತ್ತಿಯ ಫೈನಲ್ ಪಂದ್ಯದ ವಿವಾದಾತ್ಮಕ ಸೋಲಿಗೆ ಪ್ರತ್ಯುತ್ತ ಕೊಟ್ಟಿದೆ. ಈ ಪಂದ್ಯದೊಂದಿಗೆ ಭಾರತದ ಆತಿಥ್ಯದಲ್ಲಿ ನಡೆಯುತ್ತಿರುವ ವಿಶ್ವ ಕಪ್ಗೆ ಭರ್ಜರಿ ಆರಂಭ ದೊರಕಿದೆ. ಜತೆಗೆ ದೊಡ್ಡ ಮೊತ್ತದ ಸ್ಕೋರ್ಗಳ ಪಂದ್ಯಗಳು ನಡೆಯುವ ಎಲ್ಲ ಸೂಚನೆಗಳು ಲಭಿಸಿವೆ.
ಇಲ್ಲಿನ ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ಆಯೋಜನೆಗೊಂಡಿದ್ದ ಪಂದ್ಯದಲ್ಲಿ ಟಾಸ್ ಗೆದ್ದ ನ್ಯೂಜಿಲ್ಯಾಂಡ್ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಎದುರಾಳಿ ಇಂಗ್ಲೆಂಡ್ ತಂಡವನ್ನು 9 ವಿಕೆಟ್ಗೆ 282 ರನ್ಗಳಿಗೆ ಕಟ್ಟಿ ಹಾಕಿತು. ಸ್ಪರ್ಧಾತ್ಮಕ ಮೊತ್ತಕ್ಕೆ ಪ್ರತಿಯಾಗಿ ಆಡಿದ ನ್ಯೂಜಿಲ್ಯಾಂಡ್ ಬಳಗ ಇನ್ನೂ 82 ಎಸೆತಗಳು ಬಾಕಿ ಇರುವಂತೆಯೇ ಕೇವಲ ಒಂದು ವಿಕೆಟ್ ಕಳೆದುಕೊಂಡು 283 ರನ್ ಬಾರಿಸಿ ಜಯ ಶಾಲಿಯಾಯಿತು.