ಕರಾಚಿ: ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿಗೆ(Virat Kohli) ಪಾಕಿಸ್ತಾನದಲ್ಲಿಯೂ ಅಪಾರ ಸಂಖ್ಯೆಯ ಅಭಿಮಾನಿಗಳಿದ್ದಾರೆ. ಪಾಕಿಸ್ತಾನ ವಿರುದ್ಧ ಭಾರತ ಪಂದ್ಯ ಇದ್ದಾಗಲೂ ಪಾಕ್ನ ಅಭಿಮಾನಿಗಳು ಕೊಹ್ಲಿಗೆ ಬೆಂಬಲಿಸುತ್ತಾರೆ. ಆದರೆ ಪಾಕಿಸ್ತಾನದಲ್ಲಿ ಗೂಗಲ್ ಸರ್ಚ್ನಲ್ಲಿ(Google’s Top Trending Search) ಅವರ ಹೆಸರು ಕಾಣದೇ ಇರುವುದು ಅಚ್ಚರಿ ತಂದಿದೆ. ಜತೆಗೆ ಬಾಬರ್ ಅಜಂ(Babar Azam) ಕೂಡ ಕಾಣಿಸಿಕೊಂಡಿಲ್ಲ. ಆದರೆ, ಶುಭಮನ್ ಗಿಲ್(Shubman Gill) ಸ್ಥಾನ ಪಡೆದಿದ್ದಾರೆ.
ಪಾಕಿಸ್ತಾನದಲ್ಲಿ ಗೂಗಲ್ ಹುಡುಕಾಟ ನಡೆಸಿದವರ ಪಟ್ಟಿಯಲ್ಲಿ ಶುಭಮನ್ ಗಿಲ್ ಅವರು 8ನೇ ಸ್ಥಾನದಲ್ಲಿದ್ದಾರೆ ಎಂದು ಜಿಯೋ ನ್ಯೂಸ್ ತಿಳಿಸಿದೆ. ಪಾಕ್ನ ಉದಯೋನ್ಮುಖ ಪ್ರತಿಭೆ ಹಸೀಬುಲ್ಲಾ ಖಾನ್, ಅಬ್ದುಲ್ಲಾ ಶಫೀಕ್ ಮತ್ತು ಸೌದ್ ಶಕೀಲ್ ಅಗ್ರ ಕ್ರಮಾಂಕದಲ್ಲಿ ಕಾಣಿಸಿಕೊಂಡಿದ್ದಾರೆ.
ಪಾಕಿಸ್ತಾನ ಸೂಪರ್ ಲೀಗ್‌ನ ಸೆನ್ಸೇಶನ್ ಉಸ್ಮಾನ್ ಖಾನ್ ಅವರು ಪಾಕಿಸ್ತಾನದಲ್ಲಿ ಅತಿ ಹೆಚ್ಚು ಗೂಗಗಲ್ನಲ್ಲಿ ಹುಡುಕಾಡಲ್ಪಟ್ಟ ವ್ಯಕ್ತಿಗಳಲ್ಲಿ ಮೊದಲ ಸ್ಥಾನ ಪಡೆದಿದ್ದಾರೆ. ಆಸ್ಟ್ರೇಲಿಯಾ ತಂಡದ ಸ್ಟಾರ್ ಆಲ್‌ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ಕೂಡ ಸ್ಥಾನ ಪಡೆದಿದ್ದಾರೆ. ಆದರೆ, ಕೊಹ್ಲಿ ಮತ್ತು ಬಾಬರ್ ಹೆಸರು ಕಾಣಿಸಿಕೊಳ್ಳದ್ದು ಅಚ್ಚರಿ ಮೂಡಿಸಿದೆ.
ಇದನ್ನೂ ಓದಿ Babar Azam: ಸಿಗುವ ಹಣ ಪಡೆದು ಮನೆಗೆ ತೆರಳು ಎಂದು ಬಾಬರ್ಗೆ ಸಲಹೆ ನೀಡಿದ್ದ ಮಾಜಿ ಆಟಗಾರ
ಸರ್ಚ್ ಇಂಜಿನ್ ದೈತ್ಯ ‘ಗೂಗಲ್’ ತನ್ನ ಸಂಪೂರ್ಣ 25 ವರ್ಷಗಳ ಇತಿಹಾಸದಲ್ಲಿ ಹೆಚ್ಚು ಹುಡುಕಲ್ಪಟ್ಟ ವ್ಯಕ್ತಿಗಳ ಪಟ್ಟಿಯಲ್ಲಿ ಕ್ರಿಕೆಟಿಗ ವಿಷಯಕ್ಕೆ ಬಂದಾಗ ವಿರಾಟ್ ಕೊಹ್ಲಿ ಹೆಸರು ಅಗ್ರಸ್ಥಾನದಲ್ಲಿದೆ. ಆದರೂ ಕೂಡ ಪಾಕ್ನಲ್ಲಿ ಅವರ ಹೆಸರು ಸರ್ಚ್ ಮಾಡದೇ ಇರುವುದು ಅಚ್ಚರಿಗೆ ಕಾರಣವಾಗಿದೆ. ಗೂಗಲ್ನಲ್ಲಿ ಕೊಹ್ಲಿಯನ್ನು ಸರ್ಚ್ ಮಾಡುದಕ್ಕಿಂತ ಅವರನ್ನು ನೇರವಾಗಿ ನೋಡುವುದೇ ಪಾಕ್ ಅಭಿಮಾನಿಗಳ ಗುರಿಯಾಗಿದ್ದಿರಲೂಬಹುದು. ಇದೇ ಕಾರಣಕ್ಕೆ ಅವರು ಸರ್ಚ್ ಆಗದಿರಲು ಕಾರಣವಿರಬಹುದು.
ಇತ್ತೀಚೆಗಷ್ಟೇ ಏಕ ದಿನ ಮಾದರಿಯಲ್ಲಿ 50 ಶತಕಗಳನ್ನು ಬಾರಿಸಿ ಸಚಿನ್ ತೆಂಡೂಲ್ಕರ್ ಅವರ ದಾಖಲೆ ಮುರಿದಿದ್ದ ಕೊಹ್ಲಿ 25 ವರ್ಷಗಳಲ್ಲಿ ಗೂಗಲ್ ಸರ್ಚ್ ಎಂಜಿನ್ನಲ್ಲಿ ಅತಿ ಹೆಚ್ಚು ಹುಡುಕಿರುವ ಭಾರತೀಯ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
If the last 25 years have taught us anything, the next 25 will change everything. Here’s to the most searched moments of all time. #YearInSearch pic.twitter.com/MdrXC4ILtr
— Google (@Google) December 11, 2023
“ಶುಭ್ಮನ್ ಗಿಲ್ ಮತ್ತು ರಚಿನ್ ರವೀಂದ್ರ ಸ್ಥಳೀಯವಾಗಿ ಮತ್ತು ಜಾಗತಿಕವಾಗಿ ಅಗ್ರ ಟ್ರೆಂಡಿಂಗ್ ಕ್ರಿಕೆಟಿಗರಾಗಿ ಹೊರಹೊಮ್ಮಿದ್ದಾರೆ” ಎಂದು ಗೂಗಲ್ ಇಯರ್ ಇನ್ ಸರ್ಚ್ 2023 ಬ್ಲಾಗ್ ಪೋಸ್ಟ್ನಲ್ಲಿ ತಿಳಿಸಲಾಗಿದೆ. ಆಟಗಾರರ ವಿಷಯದಲ್ಲಿ 2023 ರಲ್ಲಿ ಟಾಪ್ ಟ್ರೆಂಡಿಂಗ್ ಹುಡುಕಾಟದ ಪಟ್ಟಿಯಲ್ಲಿ ಕಾಣಿಸಿಕೊಂಡವರ ಪಟ್ಟಿ ಇಲ್ಲಿದೆ.
ಶುಭಮನ್ ಗಿಲ್, ರಚಿನ್ ರವೀಂದ್ರ, ಮೊಹಮ್ಮದ್ ಶಮಿ, ಗ್ಲೆನ್ ಮ್ಯಾಕ್ಸ್ವೆಲ್, ಸೂರ್ಯಕುಮಾರ್ ಯಾದವ್
ಟ್ರಾವಿಸ್ ಹೆಡ್.
ಏತನ್ಮಧ್ಯೆ, ಟೀಮ್ ಇಂಡಿಯಾ ವಿಶ್ವಾದ್ಯಂತ ಅಗ್ರ ಟ್ರೆಂಡಿಂಗ್ ಕ್ರಿಕೆಟ್ ತಂಡವಾಗಿ ಸ್ಥಾನ ಪಡೆದಿದೆ ಮತ್ತು ಜಾಗತಿಕ ಕ್ರೀಡಾ ತಂಡಗಳ ಪಟ್ಟಿಯ ಭಾಗವಾಗಿ ಸ್ಥಾನ ಪಡೆದ ಏಕೈಕ ಕ್ರಿಕೆಟ್ ತಂಡವಾಗಿದೆ. ವಿಶ್ವಕಪ್ 2023 ಮತ್ತು ಭಾರತ-ಆಸ್ಟ್ರೇಲಿಯಾ ಫೈನಲ್ಗೆ ಸಂಬಂಧಿಸಿದ ಕೆಲವು ಪ್ರಶ್ನೆಗಳು ಸಾರ್ವಕಾಲಿಕ ಗರಿಷ್ಠ ಮಟ್ಟದಲ್ಲಿದ್ದವು. ಕ್ರೀಡಾ ಘಟನೆಗಳ ವಿಷಯದಲ್ಲಿ ಟಾಪ್-4 ಟ್ರೆಂಡಿಂಗ್ ಹುಡುಕಾಟಗಳು ಈ ಕೆಳಗಿನಂತಿವೆ.
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್), ಕ್ರಿಕೆಟ್ ವಿಶ್ವಕಪ್, ಏಷ್ಯಾ ಕಪ್, ಮಹಿಳಾ ಪ್ರೀಮಿಯರ್ ಲೀಗ್