ದುಬೈ: ಪಾಕಿಸ್ತಾನದ ಸ್ಟಾರ್ ಬ್ಯಾಟರ್ ಬಾಬರ್ ಅಜಂ(Babar Azam) ಅವರು ಐಸಿಸಿ ಏಕದಿನ(ODI Ranking) ಬ್ಯಾಟರ್ಗಳ ನೂತನ ಶ್ರೇಯಾಂಕ ಪಟ್ಟಿಯಲ್ಲಿ ಮತ್ತೆ ನಂ.1 ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ನಂ.1 ಸ್ಥಾನದಲ್ಲಿದ್ದ ಭಾರತದ ಯುವ ಬ್ಯಾಟರ್ ಶುಭಮನ್ ಗಿಲ್(Shubman Gill) ಒಂದು ಸ್ಥಾನ ಕುಸಿತ ಕಂಡು ದ್ವಿತೀಯ ಸ್ಥಾನದಲ್ಲಿದ್ದಾರೆ.
ವಿಶ್ವಕಪ್ ಟೂರ್ನಿಯ ವೇಳೆ ಶುಭಮನ್ ಗಿಲ್ ಅವರು ಅಗ್ರಸ್ಥಾನದಲ್ಲಿದ್ದ ಬಾಬರ್ ಅವರನ್ನು ಹಿಂದಿಕ್ಕಿದ್ದರು. ಆದರೆ ಈಗ ಅವರ ರೇಟಿಂಗ್ ಅಂಕದಲ್ಲಿ ಕುಸಿತ ಕಂಡ ಪರಿಣಾಮ ಅವರು ಮತ್ತೆ ದ್ವಿತೀಯ ಸ್ಥಾನಕ್ಕೆ ಜಾರಿದ್ದಾರೆ. 2ನೇ ಸ್ಥಾನದಲ್ಲಿದ್ದ ಬಾಬರ್ ಅಗ್ರಸ್ಥಾನಕ್ಕೇರಿದ್ದಾರೆ. ಸದ್ಯ ಬಾಬರ್(824) ರೇಟಿಂಗ್ ಅಂಕ ಹೊಂದಿದರೆ, ಶುಭಮನ್ ಗಿಲ್(810) ರೇಟಿಂಗ್ ಅಂಕ ಪಡೆದಿದ್ದಾರೆ.
Babar Azam – The new number 1 ranked ODI batter in the World.
— Johns. (@CricCrazyJohns) December 20, 2023
– Shubman Gill lost the points as he was rested in South Africa ODIs. pic.twitter.com/5ePzB12Yhe
ಗಿಲ್ ರೇಟಿಂಗ್ ಅಂಕ ಕುಸಿಯಲು ಕಾರಣವೇನು?
ಬಾಬರ್ ಮತ್ತು ಗಿಲ್ ಅವರು ವಿಶ್ವಕಪ್ ಟೂರ್ನಿಯ ಬಳಿಕ ಯಾವಿದೇ ಏಕದಿನ ಪಂದ್ಯವನ್ನು ಆಡಿಲ್ಲ. ಆದರೂ ಉಭಯ ಆಟಗಾರರ ರೇಡಿಂಗ್ ಅಂಕದಲ್ಲಿ ಇಷ್ಟು ದೊಡ್ಡ ಬದಲಾವಣೆ ಹೇಗೆ ಸಾಧ್ಯವಾಯಿತು? ಎಂಬುದು ಕ್ರಿಕೆಟ್ ಅಭಿಮಾನಿಗಳ ಪ್ರಶ್ನೆಯಾಗಿದೆ. ಇದು ಹೇಗೆ ಸಾದ್ಯವೆಂದರೆ, ಯವುದೇ ಶ್ರೇಯಾಂಕ ಹೊಂದಿರುವ ಆಟಗಾರನ ತಂಡ ಏಕದಿನ ಸರಣಿಯನ್ನು ಆಡಿದಾಗ ಆ ಆಟಗಾರ ತಂಡದಲ್ಲಿ ಆಡದಿದ್ದರೆ ಅವನ ರೇಟಿಂಗ್ ಅಂಕ ಸ್ವಯಂಚಾಲಿತವಾಗಿ ಕುಸಿಯುತ್ತದೆ. ಇದೇ ಕಾರಣಕ್ಕೆ ಬಾಬರ್ಗಿಂತ ಎರಡು ರೇಟಿಂಗ್ ಪಾಯಿಂಟ್ಗಳಿಂದ ಮುಂದಿದ್ದ ಗಿಲ್ ಕುಸಿತ ಕಾಣಲು ಪ್ರಮುಖ ಕಾರಣ.
ಕೊಹ್ಲಿ-ರೋಹಿತ್ಗೆ ಎಷ್ಟನೇ ಸ್ಥಾನ?
ಟೀಮ್ ಇಂಡಿಯಾದ ನಾಯಕ ಸ್ಟಾರ್ ಆಟಗಾರರಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮ ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಸ್ಥಾನ ಪಡೆದಿದ್ದಾರೆ. ಕೊಹ್ಲಿ(775), ರೋಹಿತ್(754) ರೇಟಿಂಗ್ ಅಂಕ ಹೊಂದಿದ್ದಾರೆ. ಒಂದು ಅಂಕದಿಂದ ಕೊಹ್ಲಿ ರೋಹಿತ್ಗಿಂತ ಮುಂದಿದ್ದಾರೆ. ಒಟ್ಟು ಟಾಪ್ ಟೆನ್ನಲ್ಲಿ ಮೂವರು ಭಾರತೀಯ ಬ್ಯಾಟರ್ಗಳು ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ Pant And Dhoni: ದುಬೈನಲ್ಲಿ ಟೆನಿಸ್ ಆಡಿದ ಪಂತ್-ಧೋನಿ; ವಿಡಿಯೊ ವೈರಲ್
Pakistan's star batsman, Babar Azam, has once again ascended to the pinnacle of the ICC ODI batsmen rankings, displacing Shubman Gill, who now occupies the second position.#BabarAzam𓃵 pic.twitter.com/u50vuPdFaj
— Samra Saghir (@SamraSaghir) December 20, 2023
ಬೌಲರ್ಗಳ ಪಟ್ಟಿಯಲ್ಲಿ ದಕ್ಷಿಣ ಆಫ್ರಿಕಾದ ಕೇಶವ್ ಮಹರಾಜ್ 715 ರೇಟಿಂಗ್ ಅಂಕದೊಂದಿಗೆ ಅಗ್ರಸ್ಥಾನದಲ್ಲೇ ಮುಂದುವರಿದಿದ್ದಾರೆ. ಭಾರತದ ವೇಗಿ ಮೊಹಮ್ಮದ್ ಸಿರಾಜ್ ಕೂಡ ಈ ಹಿಂದಿನಂತೆ ಮೂರನೇ ಸ್ಥಾನದಲ್ಲಿ ಕಾಣಿಸಿಕೊಡಿದ್ದಾರೆ. ಜಸ್ಪ್ರೀತ್ ಬುಮ್ರಾ ಒಂದು ಸ್ಥಾನದ ಕುಸಿತ ಕಂಡು 5ನೇ ಸ್ಥಾನ ಪಡೆದಿದ್ದಾರೆ. ಸ್ಪಿನ್ನರ್ ಕುಲದೀಪ್ ಯಾದವ್ 8ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ.
ಆಲ್ರೌಂಡರ್ಗಳ ಪಟ್ಟಿಯಲ್ಲಿ ಯಾವುದೇ ದೊಡ್ಡ ಬದಲಾವಣೆ ಸಂಭವಿಸಿಲ್ಲ. ಈ ಹಿಂದಿನಂತೆ ಬಾಂಗ್ಲಾದ ಹಿರಿಯ ಆಟಗಾರ ಶಬೀಬ್ ಅಲ್ ಹಸನ್ ಅಗ್ರಸ್ಥಾನದಲ್ಲೇ ಕಾಣಿಸಿಕೊಂಡಿದ್ದಾರೆ. ಅಫಘಾನಿಸ್ತಾನದ ಮೊಹಮ್ಮದ್ ನಬಿ, ಜಿಂಬಾಬ್ವೆಯ ಸಿಕಂದರ್‌ ರಾಜಾ ಕ್ರಮವಾಗಿ 2ನೇ ಮತ್ತು ಮೂರನೇ ಸ್ಥಾನದಲ್ಲಿ ಮುಂದುವರಿದಿದ್ದಾರೆ.