ಹೈದರಾಬಾದ್ : ಆರಂಭಿಕ ಬ್ಯಾಟರ್ ಅಬ್ದುಲ್ಲಾ ಶಫಿಕ್ (113ರನ್) ಹಾಗೂ ಮೊಹಮ್ಮದ್ ರಿಜ್ವಾನ್ (ಅಜೇಯ 131 ರನ್) ಜೋಡಿಯ ಅಮೋಘ ಶತಕದ ನೆರವಿನಿಂದ ಮಿಂಚಿದ ಪಾಕಿಸ್ತಾನ ತಂಡ ಶ್ರೀಲಂಕಾ ತಂಡದ ವಿರುದ್ಧದ ವಿಶ್ವ ಕಪ್ (ICC World Cup 2023) ಪಂದ್ಯದಲ್ಲಿ 6 ವಿಕೆಟ್ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಪಾಕಿಸ್ತಾನ ತಂಡ ಹಾಲಿ ವಿಶ್ವ ಕಪ್ನಲ್ಲಿ ಸತತ ಎರಡನೇ ಗೆಲುವು ಪಡೆದುಕೊಂಡಿದೆ. ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ತಂಡ ನೆದರ್ಲೆಂಡ್ಸ್ ವಿರುದ್ಧ 81 ರನ್ಗಳ ವಿಜಯ ದಾಖಲಿಸಿತ್ತು. ವಿಶ್ವ ಕಪ್ ಅಂಕಪಟ್ಟಿಯಲ್ಲಿ ಒಟ್ಟು 4 ಅಂಕಗಳನ್ನು ಪಡೆದುಕೊಂಡು ಎರಡನೇ ಸ್ಥಾನ ಗಿಟ್ಟಿಸಿದೆ. ನ್ಯೂಜಿಲ್ಯಾಂಡ್ ತಂಡ ಮೊದಲ ಸ್ಥಾನದಲ್ಲಿದೆ.
ಈ ಸುದ್ದಿಗಳನ್ನೂ ಓದಿ :
ICC World Cup 2023 : ಶತಕಗಳ ಮೇಲೆ ಶತಕ ಬಾರಿಸಿ ಹೊಸ ದಾಖಲೆ ಬರೆದ ಡೇವಿಡ್ ಮಲಾನ್
ICC World Cup 2023 : 31 ವರ್ಷಗಳ ಹಳೆಯ ದಾಖಲೆ ಮುರಿದ ಜೋ ರೂಟ್
Virat kohli : ನಾಲ್ಕು ಪದಗಳಲ್ಲಿ ಅಣ್ಣನ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಕೊಹ್ಲಿಯ ತಂಗಿ
ಇಲ್ಲಿನ ರಾಜೀವ್ ಗಾಂಧಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಶ್ರೀಲಂಕಾ ತಂಡ ನಿಗದಿತ 50 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 344 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಪಾಕಿಸ್ತಾನ ತಂಡ ಇನ್ನೂ 10 ಎಸೆತಗಳು ಬಾಕಿ ಇರುವಂತೆಯೇ 4 ವಿಕೆಟ್ ನಷ್ಟಕ್ಕೆ 345 ರನ್ ಬಾರಿಸಿ ಜಯ ಗಳಿಸಿತು. ಈ ಪಂದ್ಯದಲ್ಲಿ ಒಟ್ಟು ನಾಲ್ಕು ಶತಕಗಳು ದಾಖಲಾಗಿದ್ದು, ಲಂಕಾ ಪರ ಕುಸಾಲ್ ಮೆಂಡಿಸ್ (122) ಹಾಗೂ ಸದೀರಾ ಸಮರ ವಿಕ್ರಮ (108) ಮೂರಂಕಿ ಮೊತ್ತ ಬಾರಿಸಿದರು. ಪಾಕ್ ಪರ ಶಫಿಕ್ ಹಾಗೂ ರಿಜ್ವಾನ್ ಶತಕಗಳನ್ನು ಬಾರಿಸಿದರು. ಇದು ಪಾಕಿಸ್ತಾನ ತಂಡ ವಿಶ್ವ ಕಪ್ನಲ್ಲಿ ಚೇಸ್ ಮಾಡಿದ ಗರಿಷ್ಠ ರನ್ಗಳ ಗುರಿಯೆನಿಸಿಕೊಂಡಿದೆ.
ಮೊದಲು ಬ್ಯಾಟ್ ಮಾಡಿದ ಲಂಕಾ ತಂಡ 5 ರನ್ಗೆ ಮೊದಲ ವಿಕೆಟ್ ಕಳೆದುಕೊಂಡು ಆರಂಭಿಕ ಆಘಾತಕ್ಕೆ ಒಳಗಾಯಿತು. ಆದರೆ, ಮೂರನೇ ವಿಕೆಟ್ಗೆ ಪಾಥುಮ್ ನಿಸ್ಸಾಂಕ (51) ಹಾಗೂ ಕುಸಾಲ್ ಮೆಂಡಿಸ್ (122) 102 ರನ್ಗಳ ಜತೆಯಾಟವಾಡಿದರು. ಬಳಿಕ ಬಂದ ಸದೀರ ಸಮರವಿಕ್ರಮ ಕೂಡ ಉತ್ತಮವಾಗಿ ಬ್ಯಾಟ್ ಬೀಸಿದರು. ಇವರಿಬ್ಬರು ನಾಲ್ಕನೇ ವಿಕೆಟ್ಗೆ 111 ರನ್ಗಳ ಜತೆಯಾಟ ಕೊಟ್ಟರು. ಈ ವೇಳೆ ಶ್ರೀಲಂಕಾ 3 ವಿಕೆಟ್ಗೆ 218 ರನ್ ಗಳಿಸಿತ್ತು. ಆ ಬಳಿಕ ಪಾರಮ್ಯ ಸಾಧಿಸಿದ ಪಾಕಿಸ್ತಾನದ ಬೌಲರ್ಗಳು ಲಂಕಾ ವಿಕೆಟ್ಗಳನ್ನು ಸತತವಾಗಿ ಪಡೆದರು. ಹೀಗಾಗಿ ಲಂಕಾ ತಂಡದ ಮೊತ್ತ 344ಕ್ಕೆ ಕೊನೆಗೊಂಡಿತು.
Mohammed Rizwan's first-ever @cricketworldcup hundred guides the Pakistan chase in Hyderabad 👌@mastercardindia Milestones 🏏#CWC23 #PAKvSL pic.twitter.com/kBeN88erTl
— ICC (@ICC) October 10, 2023
ಪಾಕ್ ಅಬ್ಬರ
ದೊಡ್ಡ ಮೊತ್ತವನ್ನು ಬೆನ್ನಟ್ಟಲು ಆರಂಭಿಸಿದ ಭಾರತ ತಂಡ ಇಮಾಮ್ ಉಲ್ ಹಕ್ ಅವರನ್ನು 12 ರನ್ಗೆ ಕಳೆದುಕೊಳ್ಳುವ ಮೂಲಕ ಆತಂಕಕ್ಕೆ ಒಳಗಾಯಿತು. ಬಳಿಕ ಬಾಬರ್ ಅಜಮ್ ಕೂಡ 10 ರನ್ ಬಾರಿಸಿ ಔಟಾದರು. ಈ ವೇಳೆ ಜತೆಯಾದ ಅಬ್ದುಲ್ಲಾ ಶಫೀಕ್ ಮತ್ತು ಮಹಮ್ಮದ್‌ ರಿಜ್ವಾನ್ 176 ರನ್ಗಳ ಜತೆಯಾಟವಾಡಿದರು. ಲಂಕಾ ಬೌಲ್ಗಳನ್ನು ಹಿಮ್ಮೆಟ್ಟಿಸಿ ಗೆಲುವಿನ ಕಡೆಗೆ ಹೆಜ್ಜೆಯಿಟ್ಟರು. ಬಳಿಕ ಬಂದ ಸೌದ್ ಶಕಿಲ್ 31 ರನ್ ಬಾರಿಸಿದರೆ ಇಫ್ತಿಕಾರ್ ಅಹಮದ್ 22 ರನ್ ಹೊಡೆದರು. ಕೊನೇ ತನಕ ಔಟಾಗದೇ ಉಳಿದ ರಿಜ್ವಾನ್ ತಮ್ಮ ಶತಕ ಪೂರೈಸುವ ಜತೆಗೆ ತಂಡಕ್ಕೆ ಗೆಲುವಿನ ಕೊಡುಗೆ ಕೊಟ್ಟರು.