ಕೋಲ್ಕೊತಾ: ಬಾಬರ್ ಅಜಂ ನೇತೃತ್ವದ ಪಾಕಿಸ್ತಾನ ತಂಡ ಸೋಲಿನೊಂದಿಗೆ ವಿಶ್ವ ಕಪ್ (ICC World Cup 2023) ಅಭಿಯಾನ ಮುಗಿಸಿದೆ. ಲೀಗ್ ಹಂತದ ತನ್ನ ಕೊನೇ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ 93 ರನ್ಗಳಿಂದ ಸೋತಿದ್ದು ನಿರಾಸೆಯಿಂದ ತವರಿಗೆ ಮರಳುವಂತಾಗಿದೆ. ಪಾಕಿಸ್ತಾನ ತಂಡ ಹಾಲಿ ಆವೃತ್ತಿಯಲ್ಲಿ ಆಡಿರುವ 9 ಪಂದ್ಯಗಳಲ್ಲಿ ಕೇವಲ ನಾಲ್ಕು ಪಂದ್ಯಗಳಲ್ಲಿ ಮಾತ್ರ ಗೆಲುವು ಸಾಧಿಸಿ 8 ಅಂಕಗಳನ್ನು ಮಾತ್ರ ಸಂಪಾದಿಸಿದೆ. ಅಂಕಪಟ್ಟಿಯಲ್ಲಿ ಐದನೇ ಸ್ಥಾನ ಪಡೆದುಕೊಂಡು ಅಭಿಯಾನ ಮುಗಿಸಿದೆ.
England bow out with a win 🫡
— ICC Cricket World Cup (@cricketworldcup) November 11, 2023
Pakistan miss out on semis 😔
Read the full match report 📝⬇️#ENGvPAK #CWC23https://t.co/QC37wI14ME
ಭಾರತಕ್ಕೆ ವಿಶ್ವ ಕಪ್ಗಾಗಿ ಬರುವ ಮೊದಲು ಪಾಕಿಸ್ತಾನ ತಂಡ ಸಿಕ್ಕಾಪಟ್ಟೆ ಅಧಿಕ ಪ್ರಸಂಗತನ ಮಾಡಿತ್ತು. ಇಲ್ಲಿಗೆ ಬರುವುದಕ್ಕೆ ಸಾಧ್ಯವಿಲ್ಲ ಎಂದು ಆರಂಭದಲ್ಲಿ ಹೇಳಿದ್ದರೆ, ಬಳಿಕ ಆ ಮೈದಾನದಲ್ಲಿ ಆಡುವುದಿಲ್ಲ, ಈ ಮೈದಾನದಲ್ಲಿ ಆಡುವುದಿಲ್ಲ ಎಂದೆಲ್ಲ ರಗಳೆ ಮಾಡಿತ್ತು. ಕೊನೆಯಲ್ಲಿ ಅನಿವಾರ್ಯವಾಗಿ ಬರಲೇಬೇಕಾಯಿತು. ಈ ವೇಳೆ ಭಾರತದಲ್ಲಿ ನಾವು ವಿಶ್ವ ಕಪ್ ಗೆದ್ದೇ ಗೆಲ್ಲುತ್ತೇವೆ ಎಂದು ಹುಂಬತನದ ಮಾತು ಆಡಿತ್ತು. ಇದೀಗ ಐದನೇ ಸ್ಥಾನ ಪಡೆದು ತವರಿಗೆ ಮರಳುವಂತಾಗಿದೆ.
ಇದನ್ನೂ ಓದಿ : Virat Kohli : ವಿರಾಟ್ ಕೊಹ್ಲಿಗೆ ವಿಶೇಷ ರೀತಿಯಲ್ಲಿ ಶುಭಾಶಯ ಹೇಳಿದ ಸಚಿನ್ ತೆಂಡೂಲ್ಕರ್
ವಿಶ್ವ ಕಪ್ಗೆ ಆರಂಭಕ್ಕೆ ಮೊದಲು ವಿಶ್ವದ ನಂಬರ್ ಒನ್ ಸ್ಥಾನ ಪಡೆದುಕೊಂಡಿದ್ದ ಪಾಕಿಸ್ತಾನ, ಭಾರತದಲ್ಲಿ ನಾವೇ ಚಾಂಪಿಯನ್ಗಳು ಎಂದು ಬಿಂಬಿಸಿತ್ತು. ಆದರೆ, ಭಾರತಕ್ಕೆ ಕಾಲಿಟ್ಟ ಪಾಕ್ ತಂಡದ ಆಟಗಾರರು ಸಂಪೂರ್ಣವಾಗಿ ಶಕ್ತಿ ಗುಂದಿದಂತೆ ಕಂಡು ಬಂದರು. ನಂಬರ್ 1 ಬ್ಯಾಟರ್ ಬಾಬರ್ ಅಜಂ ಹಾಗೂ ನಂಬರ್ 1 ಬೌಲರ್ ಶಹೀನ್ ಶಾ ಅಫ್ರಿದಿ ಇದ್ದ ತಂಡ ಅದಾಗಿತ್ತು. ಆದರೆ ಅವರಿಬ್ಬರ ಕರಾಮತ್ತ ಇಲ್ಲಿ ನಡೆಯಲಿಲ್ಲ. ಶಹೀನ್ ಬೌಲಿಂಗ್ ಅನ್ನು ಭಾರತ ತಂಡ ಸೇರಿದಂತೆ ಬಹುತೇಕ ತಂಡಗಳ ಬ್ಯಾಟರ್ಗಳು ನುಚ್ಚು ನೂರು ಮಾಡಿದ್ದರು. ಬಾಬರ್ ಅಜಂ ಶಾಲಾ ಮಕ್ಕಳಂತೆ ವಿಕೆಟ್ ಒಪ್ಪಿಸಿ ಅತ್ಯಂತ ನಿರಾಸೆಯ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದರು. ಅಂತಿಮವಾಗಿ ಪಾಕಿಸ್ತಾನ ತಂಡದ ಆಟ ಭಾರತದಲ್ಲಿ ನಡೆಯಲೇ ಇಲ್ಲ ಎಂದು ಹೇಳಬಹುದು. ಅದಕ್ಕಿಂತಲೂ ಹೆಚ್ಚಾಗಿ ದುರ್ಬಲ ತಂಡಗಳ ಎದುರು ಮಾತ್ರ ಪಾಕ್ ತಂಡ ದೊಡ್ಡ ಚಾಂಪಿಯನ್ ಎಂಬ ಮಾತಿಗೆ ಸಾಕ್ಷಿ ಕೊಟ್ಟರು.
ಪಾಕ್ ತಂಡದ ಈ ಪ್ರದರ್ಶನದಿಂದಾಗಿ ಅಲ್ಲಿನ ಕ್ರಿಕೆಟ್ ಮಂಡಳಿಯಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಯಾಗಿದೆ. ಆಯ್ಕೆಗಾರ ಇಂಜಮಾಮ್ ಉಲ್ ಹಕ್ ತಲೆದಂಡವಾಗಿದೆ. ಇನ್ನು ಪಾಕಿಸ್ತಾನ ತಂಡ ತವರಿಗೆ ಮರಳಿದ ಬಳಿಕ ಆಟಗಾರರಲ್ಲೂ ಅನೇಕರು ಸೋಲಿನ ಬಿಸಿಯನ್ನು ಅನುಭವಿಸಲಿದ್ದಾರೆ. ಪ್ರಮುಖವಾಗಿ ನಾಯಕ ಬಾಬರ್ ಅಜಂ ಅವರ ಸ್ಥಾನಕ್ಕೆ ಕುತ್ತು ಬಂದಿದೆ.
ಪಂದ್ಯದಲ್ಲಿ ಏನಾಯಿತು?
ಐತಿಹಾಸಿಕ ಈಡನ್ ಗಾರ್ಡನ್ಸ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ತಂಡ ಮೊದಲು ಬ್ಯಾಟ್ ಮಾಡಿತು. ಬಜ್ಬಾಲ್ ತಂತ್ರದೊಂದಿಗೆ ಆಡಿದ ಜೋಸ್ ಬಟ್ಲರ್ ಪಡೆ ನಿಗದಿತ 50 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 337 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಪಾಕಿಸ್ತಾನ ಬಳಗ 43.3 ಓವರ್ಗಳಲ್ಲಿ 244 ರನ್ಗಳಿಗೆ ಆಲ್ಔಟ್ ಆಯಿತು. ಅದರಲ್ಲೂ ಕೊನೇ ವಿಕೆಟ್ಗೆ ರವೂಫ್ (35) ಮತ್ತು ಹಾಗೂ ವಾಸಿಮ್ (16) ಸೇರಿಕೊಂಡು 53 ರನ್ಗಳ ಜತೆಯಾಟವಾಡಿದ ಕಾರಣ ತಂಡದ ಮರ್ಯಾದೆ ಸ್ವಲ್ಪ ಮಟ್ಟಿಗೆ ಉಳಿಯಿತು. ಇಲ್ಲದಿದ್ದರೆ 100ಕ್ಕಿಂತಲೂ ಅಧಿಕ ರನ್ಗಳಿಂದ ಸೋಲು ಕಾಣುತ್ತಿತ್ತು.
Pakistani cricket 😂pic.twitter.com/LgxifWm6lZ
— Keh Ke Peheno (@coolfunnytshirt) November 11, 2023
ಸೆಮೀಸ್ ಆಸೆ ಭಗ್ನ
ಪಾಕಿಸ್ತಾನ ತಂಡಕ್ಕೆ ಈ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡವನ್ನು 287 ರನ್ಗಳ ಅಂತರದಿಂದ ಸೋಲಿಸಿದ್ದರೆ ಸೆಮಿಫೈನಲ್ ಅವಕಾಶವಿತ್ತು. ಅದಕ್ಕಾಗಿ ಪಾಕ್ ತಂಡ ಟಾಸ್ ಗೆಲ್ಲಬೇಕಾಗಿತ್ತು. ಆದರೆ, ಅದು ಸಾಧ್ಯವಾಗಲಿಲ್ಲ. ಅಲ್ಲಿಗೆ ಪಾಕ್ ಅವಕಾಶ ಕೊನೆಗೊಂಡಿತ್ತು. ಬಳಿಕವೂ ಇಂಗ್ಲೆಂಡ್ ತಂಡ ದೊಡ್ಡ ಮೊತ್ತವನ್ನು ಪೇರಿಸಿತ್ತು. ಈ ವೇಳೆ ಪಾಕ್ ತಂಡ 6.4 ಓವರ್ಗಳಲ್ಲಿ 338 ರನ್ ಗಳಿಸಿದರಷ್ಟೇ ಸೆಮೀಸ್ಗೆ ಎಂಬ ಸವಾಲು ಎದುರಾಯಿತು. ಅದು ಕೂಡ ಅಸಂಭವ. ಕೊನೆಗ ಗೆಲವಿನ ಅವಕಾಶವನ್ನೂ ನಷ್ಟ ಮಾಡಿಕೊಂಡಿತು.