ಧರ್ಮಶಾಲಾ: ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಪಂಜಾಬ್ ಕಿಂಗ್ಸ್ ಸೋಲು ಕಂಡರೂ, ಪಂಜಾಬ್ ತಂಡದ ನಾಯಕ ಶಿಖರ್ ಧವನ್ ಅವರು ಹಿಡಿದ ಕ್ಯಾಚ್ವೊಂದರ ವಿಡಿಯೊ ಭಾರಿ ವೈರಲ್ ಆಗಿದೆ. ಕ್ಯಾಚ್ ಪಡೆದ ಬಳಿಕ ಅವರು ತೊಡೆ ತಟ್ಟಿ ಸಂಭ್ರಮಾಚರಿಸಿದ್ದಾರೆ.
ಧರ್ಮಶಾಲದಲ್ಲಿ ಬುಧವಾರ ನಡೆದಿದ್ದ ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 2 ವಿಕೆಟ್ಗೆ 213 ರನ್ ರಾಶಿ ಹಾಕಿತು. ಬೃಹತ್ ಮೊತ್ತವನ್ನು ದಿಟ್ಟ ರೀತಿಯಲ್ಲೇ ಬೆನ್ನಟ್ಟಿದ ಪಂಜಾಬ್ ಗೆಲುವಿನ ಅಂಚಿನ ವರೆಗೆ ಬಂದು ಸಣ್ಣ ಅಂತರದಿಂದ ಸೋಲು ಕಂಡಿತು. ಈ ಸೋಲಿನಿಂದ ಪ್ಲೇ ಆಫ್ ಕನಸು ಅರ್ಧದಷ್ಟು ಕಮರಿಹೋಯಿತು.
ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ ಪರ ನಾಯಕ ವಾರ್ನರ್ ಅವರು ಪೃಥ್ವಿ ಶಾ ಜತೆಗೂಡಿ ಉತ್ತಮ ಇನಿಂಗ್ಸ್ ಕಟ್ಟಿದರು. ಬಿರುಸಿನ ಬ್ಯಾಟಿಂಗ್ ನೆಡೆಸುತ್ತಿದ್ದ ಅವರು 41 ರನ್ ಗಳಿಸಿದ್ದ ವೇಳೆ ರಾಹುಲ್ ಚಹರ್ ಅವರಿಂದ ಜೀವದಾನ ಪಡೆದರು. ಆದರೆ ಈ ಅವಕಾಶವನ್ನು ಅವರು ಹೆಚ್ಚು ಕಾಲ ಬಳಸಿಕೊಳ್ಳುವಲ್ಲಿ ವಿಫಲರಾದರು. ಮುಂದಿನ 5 ರನ್ ಅಂತರದಲ್ಲಿ ಅವರು ವಿಕೆಟ್ ಕೈ ಚೆಲ್ಲಿದರು. ಅಸಾಧ್ಯವಾದ ಕ್ಯಾಚ್ ಒಂದನ್ನು ಚಿರತೆ ವೇಗದಲ್ಲಿ ಓಡಿ ಕ್ಯಾಚ್ ಹಿಡಿಯುವ ಮೂಲಕ ಶಿಖರ್ ಧವನ್ ಅವರು ವಾರ್ನರ್ ಅವರನ್ನು ಪೆವಿಲಿಯನ್ಗೆ ಕಳುಹಿಸಿದರು. ಈ ಕ್ಯಾಚ್ ಕಂಡು ವಾರ್ನರ್ ಒಂದು ಕ್ಷಣ ದಂಗಾದರು.
ಇದನ್ನೂ ಓದಿ IPL 2023: ಪಂಜಾಬ್-ರಾಜಸ್ಥಾನ್ ಮಧ್ಯೆ ಕಾದಾಟ; ಸೋತ ತಂಡ ಮನೆಗೆ
ಚೇಸಿಂಗ್ ವೇಳೆ ಧವನ್ ಅವರು ತಾವು ಎದರಿಸಿದ ಮೊದಲ ಎಸೆತದಲ್ಲೇ ಕ್ಯಾಚ್ ನೀಡಿ ಗೋಲ್ಡನ್ ಡಕ್ ಆಗುವ ಮೂಲಕ ನಿರಾಸೆ ಮೂಡಿಸಿದರು. ಒಂದೊಮ್ಮೆ ಧವನ್ ಅವರು ಪ್ರತಿ ಪಂದ್ಯದಲ್ಲಿಯೂ ಸಿಡಿಯುತ್ತಿದ್ದ ಹಾಗೆ ಈ ಪಂದ್ಯದಲ್ಲಿಯೂ ರನ್ ಗಳಿಸುತ್ತಿದ್ದರೆ ತಂಡ ಗೆಲುವು ಸಾಧಿಸುತ್ತಿತ್ತು.