ಬೆಂಗಳೂರು: ಬುಧವಾರ ಬೆಂಗಳೂರಿನಲ್ಲಿ ನಡೆದ ಅಫಘಾನಿಸ್ತಾನ ವಿರುದ್ಧದ ಅಂತಿಮ ಟಿ20(India vs Afghanistan, 3rd T20I) ಪಂದ್ಯದಲ್ಲಿ ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮ(Rohit Sharma) ಅವರು ಫೀಲ್ಡ್ ಅಂಫೈರ್ ಕಾಲೆಳೆದ ವಿಡಿಯೊ ವೈರಲ್(viral video) ಆಗಿದೆ. ಅಂಪೈರ್ ವೀರೇಂದ್ರ ಶರ್ಮಾ (Virender Sharma) ಜತೆ ರೋಹಿತ್ ನಡೆಸಿದ ಸಂಭಾಷಣೆ ಸ್ಟಂಪ್ ಮೈಕ್ನಲ್ಲಿ ರೆಕಾರ್ಡ್ ಆಗಿದೆ.
ರೋಹಿತ್ ಶರ್ಮ ಅವರು ಅಂಪೈರ್ ಕಾಲೆಳೆಯಲು ಕೂಡ ಒಂದು ಕಾರಣವಿದೆ. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತದ ಇನ್ನಿಂಗ್ಸ್ನ ಎರಡನೇ ಓವರ್ನಲ್ಲಿ ಅಜ್ಮತುಲ್ಲಾ ಒಮರ್ಜಾಯ್ ಓವರ್ನಲ್ಲಿ ರೋಹಿತ್ ಬ್ಯಾಟ್ಗೆ ತಗುಲಿದ ಚೆಂಡು ಬೌಂಡರಿ ಗೆರೆ ದಾಟಿತು. ಆದರೆ ಇದನ್ನು ಅಂಪೈರ್ ಲೆಗ್ಬೈ ನೀಡಿದರು. ಈ ವೇಳೆ ರೋಹಿತ್ ಅಂಪೈರ್ ನಿರ್ಧಾರವನ್ನು ಗಮನಿಸಲಿಲ್ಲ. ಮುಂದಿನ ಓವರ್ನಲ್ಲಿ ಸ್ಕೋರ್ಬೋರ್ಡ್ ನೋಡುವಾಗ ರೋಹಿತ್ ರನ್ಗಳಿಕೆ ಶೂನ್ಯ ಎಂದು ಕಾಣಿಸಿತು.
Rohit sharma is a character
— Secular Chad (@SachabhartiyaRW) January 17, 2024
Schooled umpire like a college freshman 🔥🔥🔥#RohitSharma #INDvAFG #INDvsAFG #CricketTwitter #T20WorldCup24
pic.twitter.com/OuVxtPtRY8
ಈ ವೇಳೆ ಎಚ್ಚೆತ್ತುಕೊಂಡ ರೋಹಿತ್ ತಕ್ಷಣವೇ ಅಂಪೈರ್ ವೀರೇಂದ್ರ ಶರ್ಮ ಅವರನ್ನು ಕರೆದು ‘ಹೇ ವೀರು! ನೀವು ಮೊದಲ ಚೆಂಡನ್ನು ಲೆಗ್ ಬೈ ನೀಡಿದ್ದೀರಾ? ಇಷ್ಟು ದೊಡ್ಡ ಬ್ಯಾಟ್ಗೆ ಚೆಂಡು ಸ್ಪಷ್ಟವಾಗಿ ತಾಗಿದ್ದು ಕೂಡ ನೋಡನಿಲ್ಲವೇ?. ನಾನು ಈಗಾಗಲೇ ಎರಡು ಬಾರಿ ಶೂನ್ಯಕ್ಕೆ ಔಟಾಗಿದ್ದೇನೆ’ ಎಂದರು. ರೋಹಿತ್ ಅವರ ಈ ಮಾತು ಕೇಳಿದ ಅಂಪೈರ್ ಜೋರಾಗಿ ನಕ್ಕಿದ್ದಾರೆ.
ಇದನ್ನೂ ಓದಿ Team India: ಭಾರತದ ಸೂಪರ್ ಗೆಲುವಿಗೆ ಪಾಕಿಸ್ತಾನದ ದಾಖಲೆ ಪತನ
ಈ ಪಂದ್ಯದಲ್ಲಿ ಧೃತಿಗೆಡದೆ ಬ್ಯಾಟಿಂಗ್ ನಡೆಸಿದ ರೋಹಿತ್ ಶರ್ಮ ಕೇವಲ 69 ಎಸತಗಳಿಂದ ಸೊಗಸಾದ 8 ಸಿಕ್ಸರ್ ಮತ್ತು 11 ಬೌಂಡರಿ ನೆರವಿನಿಂದ ಅಜೇಯ 121 ರನ್ ಬಾರಿಸಿ ಶತಕ ಪೂರ್ತಿಗೊಳಿಸಿದರು. ರೋಹಿತ್ ಈ ಶತಕ ಬಾರಿಸುವ ಮೂಲಕ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ ಅತ್ಯಧಿಕ ಶತಕ ಬಾರಿಸಿದ ಮೊದಲ ಆಟಗಾರ ಎಂಬ ದಾಖಲೆ ಬರೆದರು. ಇದು ರೋಹಿತ್ ಅವರ 5ನೇ ಅಂತಾರಾಷ್ಟ್ರೀಯ ಟಿ20 ಶತಕ. 4 ಶತಕ ಬಾರಿಸಿದ ಸೂರ್ಯಕುಮಾರ್ ಯಾದವ್ ಮತ್ತು ಆಸೀಸ್ ಆಲ್ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನದಲ್ಲಿದ್ದಾರೆ.
🎥 That Record-Breaking Moment! 🙌 🙌@ImRo45 notches up his 5⃣th T20I hundred 👏 👏
— BCCI (@BCCI) January 17, 2024
Follow the Match ▶️ https://t.co/oJkETwOHlL#TeamIndia | #INDvAFG | @IDFCFIRSTBank pic.twitter.com/ITnWyHisYD
ನಾಯಕನಾಗಿ ದಾಖಲೆ
ಈ ಪಂದ್ಯದಲ್ಲಿ ರೋಹಿತ್ 44ರನ್ ಗಳಿಸುತ್ತಿದ್ದಂತೆ ಟೀಮ್ ಇಂಡಿಯಾದ ಮಾಜಿ ನಾಯಕ ವಿರಾಟ್ ಕೊಹ್ಲಿಯ ದಾಖಲೆಯೊಂದನ್ನು ಮುರಿದರು. ನಾಯಕನಾಗಿ ಭಾರತ ಪರ ಅತ್ಯಧಿಕ ರನ್ಗಳಿಸಿದ ಆಟಗಾರನಾಗಿ ಮೂಡಿಬಂದರು. ಕೊಹ್ಲಿ ನಾಯಕನಾಗಿ 1570 ರನ್ ಬಾರಿಸಿದ್ದರು. ಆದರೆ, ಈಗ ರೋಹಿತ್ ಈ ಮೊತ್ತವನ್ನು ಹಿಂದಿಕ್ಕಿ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದಿದ್ದಾರೆ.