ನವ ದೆಹಲಿ: ಟೀಮ್ ಇಂಡಿಯಾದ ಆರಂಭಿಕ ಬ್ಯಾಟರ್ ಶುಭ್ಮನ್ ಗಿಲ್ ನ್ಯೂಜಿಲ್ಯಾಂಡ್ ವಿರುದ್ಧದ ಏಕ ದಿನ ಸರಣಿಯ ಮೊದಲ ಪಂದ್ಯದಲ್ಲಿ ದ್ವಿಶತಕ ಬಾರಿಸಿದ ಬಳಿಕ ಹೆಚ್ಚು ಸುದ್ದಿಯಾಗಿದ್ದು ಅವರ ಡೇಟಿಂಗ್ ವಿಚಾರಕ್ಕೆ. ಮೊದಲಾಗಿ ಅವರು ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ಅಲಿಖಾನ್ ಜತೆ ಡೇಟಿಂಗ್ ಮಾಡುತ್ತಿದ್ದರು ಎಂಬ ರೂಮರ್ ಹಬ್ಬಿತ್ತು. ಆದರೆ ಈ ಸುದ್ದಿಗೆ ಯಾವುದೇ ತಾಜಾ ಉದಾಹರಣೆಗಳು ಇರಲಿಲ್ಲ.
ಇತ್ತೀಚಿನ ದಿನಗಳಲ್ಲಿ ಶುಭ್ಮನ್ ಗಿಲ್ ಅವರು ಸಾರಾ ಅಲಿಖಾನ್ ಅವರ ಜತೆಯೂ ಡೇಟಿಂಗ್ ಮಾಡುತ್ತಿದ್ದರು ಎಂಬ ಸುದ್ದಿ ಹರಡಿತ್ತು. ಅದಕ್ಕೆ ಕೆಲವೊಂದು ಫೋಟೊಗಳು ಸಾಕ್ಷಿ ಹೇಳಿದ್ದವು. ಅವರಿಬ್ಬರೂ ರೆಸ್ಟೋರೆಂಟ್ನಲ್ಲಿ ಜತೆಯಾಗಿ ಕುಳಿತಿರುವುದು, ವಿಮಾನದಲ್ಲಿ ಜತೆಯಾಗಿ ಹಾರಾಟ ನಡೆಸಿದ್ದರು. ಇದೀಗ ಪಂಜಾಬಿ ನಟಿ ಸೋನಮ್ ಬಾಜ್ವಾ ಅವರ ಅವರ ಜತೆಯೂ ಡೇಟಿಂಗ್ ಮಾಡುತ್ತಿದ್ದರು ಎಂಬುದಾಗಿ ಸುದ್ದಿ ಹರಡಿತ್ತು. ಅದಕ್ಕೆ ಪ್ರತಿಕ್ರಿಯೆ ಕೊಟ್ಟಿರುವ ಸೋನಮ್ ಬಾಜ್ವಾ ಅಂಥದ್ದೇನೂ ಇಲ್ಲ ಎಂಬುದಾಗಿ ಹೇಳಿದ್ದಾರೆ.
ಕ್ಸೇವಿಯರ್ ಅಂಕಲ್ ಎಂಬ ಅಕೌಂಟ್ನಿಂದ ಶುಬ್ಮನ್ ಗಿಲ್ಗೆ ಸೋನಮ್ ಬಾಜ್ವಾ ಕೈಕುಲುಕುವ ಫೋಟೋ ಹಾಕಿ, ಶುಬ್ಮನ್ ಗಿಲ್ ಸತತವಾಗಿ ಶತಕಗಳನ್ನು ಬಾರಿಸಲು ಇದುವೇ ಕಾರಣ ಎಂದು ಹೇಳಿದ್ದರು. ಈ ಪೋಸ್ಟ್ಗೆ ಪ್ರತಿಕ್ರಿಯೆ ಕೊಟ್ಟಿರುವ ಸೋನಮ್ ಬಾಜ್ವಾ ಇದು ಖಂಡಿತವಾಗಿಯೂ ಸುಳ್ಳು ಎಂದು ಬರೆದುಕೊಂಡಿದ್ದಾರೆ. ಯೆ ಸಾರಾ ಸಾರಾ ಜೂಟ್ ಹೈ ಎಂದು ಹಿಂದಿಯಲ್ಲಿ ಬರೆದುಕೊಂಡಿದ್ದಾರೆ.
ಅಂದ ಹಾಗೆ ಸೋನಮ್ ಬಾಜ್ವಾಅವರು ಹಿಂದೆ ಟಿವಿ ಶೋ ಒಂದನ್ನು ನಡೆಸಿಕೊಟ್ಟಿದ್ದರು. ಆ ಕಾರ್ಯಕ್ರಮದಲ್ಲಿ ಕ್ರಿಕೆಟರ್ ಶುಬ್ಮನ್ ಗಿಲ್ ಪಾಲ್ಗೊಂಡಿದ್ದರು. ಆ ಚಿತ್ರವನ್ನು ಪೋಸ್ಟ್ ಮಾಡಲಾಗಿದೆ.
ಇದನ್ನೂ ಓದಿ | Shubman Gill | ಭಾರತ ತಂಡದ ಪರ ದ್ವಿಶತಕ ಬಾರಿಸಿದ ಐದನೇ ಆಟಗಾರ ಶುಬ್ಮನ್ ಗಿಲ್, ಉಳಿದವರು ಯಾರು?