ಸಿಂಗಾಪುರ: ಭಾರತದ ಮುಂಚೂಣಿ ಬ್ಯಾಡ್ಮಿಂಟನ್ (Badminton) ಆಟಗಾರ್ತಿ ಪಿ ವಿ ಸಿಂಧೂ, ಇಲ್ಲಿ ಮುಕ್ತಾಯಗೊಂಡ ಸಿಂಗಾಪುರ ಓಪನ್‌ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಚಾಂಪಿಯನ್‌ ಪಟ್ಟ ಅಲಂಕರಿಸಿದ್ದಾರೆ. ಇದು ಅವರಿಗೆ 2022ನೇ ಸಾಲಿನಲ್ಲಿ ದೊರೆತ ಮೂರನೇ ಪ್ರಶಸ್ತಿಯಾಗಿದ್ದು, ಈ ಹಿಂದೆ ಸೈಯದ್‌ ಮೋದಿ ಇಂಟರ್‌ನ್ಯಾಷನಲ್‌ ಹಾಗೂ ಸ್ವಿಸ್‌ ಓಪನ್‌ನಲ್ಲಿ ಪ್ರಶಸ್ತಿ ಗೆದ್ದಿದ್ದರು.
ಭಾನುವಾರ ನಡೆದ ಫೈನಲ್‌ ಪಂದ್ಯದಲ್ಲಿ ವಿಶ್ವದ ಏಳನೇ ಶ್ರೇಯಾಂಕದ ಆಟಗಾರ್ತಿ ಪಿ. ವಿ ಸಿಂಧೂ, ಚೀನಾದ ವಾಂಗ್‌ ಜಿ ಯಿ ವಿರುದ್ಧ 21-9, 11-21, 21-15 ಗೇಮ್‌ಗಳಿಂದ ಗೆಲುವು ಸಾಧಿಸಿ ಪ್ರಶಸ್ತಿಗೆ ಮುತ್ತಿಟ್ಟರು. ಇದು ಹೈದರಾಬಾದ್‌ ಮೂಲದ ಬ್ಯಾಡ್ಮಿಂಟನ್ ಪ್ರತಿಭೆಯ ಮುಡಿಗೇರಿದ ಚೊಚ್ಚಲ ಸಿಂಗಾಪುರ ಓಪನ್‌ ಪ್ರಶಸ್ತಿ ಹಾಗೂ ವರ್ಲ್ಡ್‌ ಟೂರ್‌ನ ಸೂಪರ್‌ ಸೀರಿಸ್‌ 500 ವಿಭಾಗದಲ್ಲಿ ಮೊದಲ ಬಂಗಾರದ ಪದಕ.
SHE DID IT 👑@Pvsindhu1 went all guns blazing against 🇨🇳's Wang Zhi Yi to beat her 21-9, 11-21, 21-15 & win her 3rd title of the year at #SingaporeOpen2022 🏆🥇
— BAI Media (@BAI_Media) July 17, 2022
Congratulations champ! 🥳
Picture Credit: @bwfmedia @himantabiswa @sanjay091968 #IndiaontheRise#Badminton pic.twitter.com/BIcDEzCz9z
ಜಿದ್ದಾಜಿದ್ದಿನಿಂದ ಕೂಡಿದ್ದ ಹಣಾಹಣಿಯಲ್ಲಿ ಮೊದಲ ಗೇಮ್‌ನಲ್ಲಿ ಗೆಲುವು ಸಾಧಿಸಿದ ಭಾರತದ ಷಟ್ಲರ್‌, ಮೊದಲ ಗೇಮ್‌ನಲ್ಲಿ ಜಯ ಗಳಿಸಿದರು. ಆದರೆ ಎರಡನೇ ಗೇಮ್‌ನಲ್ಲಿ ಪರಾಜಯ ಎದುಸಿದರು. ಆದರೆ, ಮೂರನೇ ಗೇಮ್‌ನಲ್ಲಿ ಸಂಪೂರ್ಣ ಪಾರ್ಮಯ ಸಾಧಿಸಿ ಗೆಲುವಿನ ಕೇಕೆ ಹಾಕಿದರು.
ಇದನ್ನೂ ಓದಿ | Badminton | ಸಿಂಧೂ ಗೆದ್ದರು, ಸೈನಾ ಮತ್ತದೇ ಕತೆ
ಸಿಂಧೂ ಸೆಮಿಫೈನಲ್‌ ಪಂದ್ಯದಲ್ಲಿ ಜಪಾನ್‌ನ ಸಹೇನಾ ಕವಕಮಿ ವಿರುದ್ಧ 21-15, 21-7 ಗೇಮ್‌ಗಳಿಂದ ಗೆಲುವು ಸಾಧಿಸಿ ಫೈನಲ್‌ಗೆ ಪ್ರವೇಶ ಪಡೆದಿದ್ದರು.
ಇದನ್ನೂ ಓದಿ | Malaysia Open: ಸಿಂಧೂ, ಪ್ರಣಯ್‌ ಕ್ವಾರ್ಟರ್‌ಫೈನಲ್ಸ್‌ಗೆ