ಅಹಮದಾಬಾದ್: ಗುಜರಾತ್ ಜಯಂಟ್ಸ್ ತಂಡದ ಸ್ಪಿನ್ ಬೌಲರ್ ರಶೀದ್ ಭಾನುವಾರ (ಏಪ್ರಿಲ್9) ಹಲವು ಹ್ಯಾಟ್ರಿಕ್ಗಳ ಸಾಧನೆ ಮಾಡಿದ್ದಾರೆ. ಜಿದ್ದಾಜಿದ್ದಿನಿಂದ ನಡೆದ ಕೋಲ್ಕೊತಾ ನೈಟ್ ರೈಡರ್ಸ್ ತಂಡದ ವಿರುದ್ಧದ ಪಂದ್ಯದಲ್ಲಿ ಅವರು ಈ ಸಾಧನೆ ಮಾಡಿದ್ದಾರೆ. ಪಂದ್ಯದ 16ನೇ ಓವರ್ನಲ್ಲಿ (IPL 2023) ಅವರು ಈ ಸಾಧನೆ ಮಾಡಿದ್ದಾರೆ. ಇದು ಅವರ ಪಾಲಿಗೆ ಐಪಿಎಲ್ನಲ್ಲಿ ಮೊದಲ ಹ್ಯಾಟ್ರಿಕ್ ಸಾಧನೆ. ಐಪಿಎಲ್ 2023ನೇ ಆವೃತ್ತಿಯಲ್ಲಿ ಮೊದಲ ಹ್ಯಾಟ್ರಿಕ್ ಸಾಧನೆ ಹಾಗೂ ಒಟ್ಟಾರೆಯಾಗಿ ಟಿ20 ಮಾದರಿಯಲ್ಲಿ ಅವರದ್ದು ನಾಲ್ಕನೇ ಹ್ಯಾಟ್ರಿಕ್ ಸಾಧನೆ ಎನಿಸಿಕೊಂಡಿದೆ.
ಐಪಿಎಲ್ 16ನೇ ಆವೃತ್ತಿಯ 13ನೇ ಪಂದ್ಯದಲ್ಲಿ ರಶೀದ್ ಖಾನ್ ಈ ಸಾಧನೆ ಮಾಡಿದ್ದರೆ ಹಾರ್ದಿಕ್ ಪಾಂಡ್ಯ ಅಲಭ್ಯತೆಯಲ್ಲಿ ಅವರು ತಂಡದ ಹಂಗಾಮಿ ನಾಯಕರಾಗಿಯೂ ಇದ್ದರು. ಕೋಲ್ಕೊತಾ ತಂಡದ ಬ್ಯಾಟರ್ಗಳಾದ ಆ್ಯಂಡ್ರೆ ರಸೆಲ್, ಸುನೀಲ್ ನರೈನ್ ಹಾಗೂ ಶಾರ್ದುಲ್ ಠಾಕೂರ್ ಅವರನ್ನು ಔಟ್ ಮಾಡುವ ಮೂಲಕ ಅವರು ಹ್ರಾಟ್ರಿಕ್ ಸಾಧನೆ ಮಾಡಿದರು.
ರಶೀದ್ ಸಾಧನೆ ವಿಡಿಯೊ ಇಲ್ಲಿದೆ
ರಶೀದ್ ಇದೀಗ ಟಿ20 ಮಾದರಿಯಲ್ಲಿ ಗರಿಷ್ಠ ಹ್ಯಾಟ್ರಿಕ್ ವಿಕೆಟ್ ಪಡೆದ ವಿಶ್ವ ದಾಖಲೆ ಮಾಡಿದರು. ಆ್ಯಂಡ್ಯೂ ಟೈ, ಮೊಹಮ್ಮದ್ ಶಮಿ, ಅಮಿತ್ ಮಿಶ್ರಾ, ಆ್ಯಂಡ್ರೆ ರಸೆಲ್ ಹಾಗೂ ಇಮ್ರಾನ್ ತಾಹಿರ್ ಟಿ20 ಮಾದರಿಯಲ್ಲಿ ಮೂರು ಬಾರಿ ಹ್ಯಾಟ್ರಿಕ್ ಸಾಧನೆ ಮಾಡಿದ್ದಾರೆ.
ಹ್ಯಾಟ್ರಿಕ್ ಸಾಧನೆ ಮಾಡುವ ಮೊದಲು ಅಬ್ದುಲ್ ರಶೀದ್ ತಮ್ಮ ಮೂರು ಓವರ್ಗಳಲ್ಲಿ 35 ರನ್ ಬಾರಿಸಿದ್ದರು. ಆದರೆ, ತಮ್ಮ ಸ್ಪೆಲ್ನ ಕೊನೇ ಓವರ್ನಲ್ಲಿ ಉತ್ತಮ ಸಾಧನೆ ಮಾಡುವ ಜತೆಗೆ ಪಂದ್ಯದ ಮೇಲೆ ನಿಯಂತ್ರಣ ಸಾಧಿಸಿದರು. ಆದರೆ, ರಿಂಕು ಸಿಂಗ್ ಕೊನೇ ಓವರ್ನಲ್ಲಿ ಐದು ಸಿಕ್ಸರ್ ಬಾರಿಸಿ ಪಂದ್ಯವನ್ನು ಗೆಲ್ಲಿಸಿದ ಹಿನ್ನೆಲೆಯಲ್ಲಿ ರಶೀದ್ ಸಾಧನೆ ಗೌಣವಾಯಿತು.
ರಿಂಕು ಸಾಧನೆ ಈ ರೀತಿ ಇದೆ
ಕೋಲ್ಕೊತಾ ನೈಟ್ ರೈಡರ್ಸ್ ತಂಡದ ಬ್ಯಾಟರ್ ರಿಂಕು ಸಿಂಗ್ ಐಪಿಎಲ್ (IPL 2022) ಇತಿಹಾಸದಲ್ಲಿಯೇ ಹೊಸ ದಾಖಲೆ ಸೃಷ್ಟಿಸಿದ್ದಾರೆ. ಅವರೀಗ ತಂಡವೊಂದರ ಗೆಲುವಿಗಾಗಿ ಕೊನೇ ಓವರ್ನಲ್ಲಿ ಸತತವಾಗಿ ಐದು ಸಿಕ್ಸರ್ ಬಾರಿಸಿದ ಬ್ಯಾಟರ್. ಐಪಿಎಲ್ 16ನೇ ಆವೃತ್ತಿಯ ಭಾನುವಾರದ ಡಬಲ್ ಹೆಡರ್ನ ಗುಜರಾತ್ ಟೈಟನ್ಸ್ ವಿರುದ್ಧದ ಪಂದ್ಯದಲ್ಲಿ ಈ ಸಾಧನೆ ಮಾಡಿದ್ದಾರೆ. ಅತ್ಯಂತ ಜಿದ್ದಾಜಿದ್ದಿನಿಂದ ನಡೆದ ಪಂದ್ಯದ ಕೊನೇ ಓವರ್ನಲ್ಲಿ ಕೆಕೆಆರ್ ಗೆಲುವಿಗೆ 29 ರನ್ಗಳು ಬೇಕಾಗಿದ್ದವು. ಯಶ್ ದಯಾಳ್ ಎಸೆದ ಮೊದಲ ಎಸೆತದಲ್ಲಿ ಒಂದು ರನ್ ಗಳಿಸಿದ ಕೋಲ್ಕೊತಾ ಗೆಲುವಿಗೆ ಉಳಿದ ಐದು ಎಸೆತಗಳಲ್ಲಿ 28 ರನ್ ಬೇಕಾಗಿತ್ತು. ಸ್ಟ್ರೈಕ್ನಲ್ಲಿದ್ದ ರಿಂಕು ಸಿಂಗ್ ಮುಂದಿನ ಐದು ಎಸೆತಗಳಲ್ಲಿ ಸತತವಾಗಿ ಐದು ಸಿಕ್ಸರ್ ಸಿಡಿಸಿದರು. ಬೌಲರ್ ಯಶ್ ದಯಾಳ್ ಕುಸಿತು ಕುಳಿತರು.
ಅದೇ ರೀತಿ ರಿಂಕು ಸಿಂಗ್ ಆರಂಭದಲ್ಲಿ ನಿಧಾನಗತಿಯಲ್ಲಿ ಆಡಿದ್ದರು. ಆದರೆ ಕೊನೇ ಏಳು ಎಸೆತದಲ್ಲಿ 40 ರನ್ ಬಾರಿಸಿದರು. ಅದರಲ್ಲಿ ಆರು ಸಿಕ್ಸರ್ ಹಾಗೂ ಫೋರ್ ಸೇರಿಕೊಂಡಿವೆ. (6, 4, 6, 6, 6, 6, 6) ಈ ಮೂಲಕ ಅವರು ವಿರೋಚಿತ ಪಂದ್ಯದಲ್ಲಿ ಅಬ್ಬರದ ಪ್ರದರ್ಶನ ನೀಡಿದರು.