ಮುಂಬಯಿ: ಅಗ್ರಕ್ರಮಾಂಕದ ಆಟಗಾರ್ತಿಯರ ವೈಫಲ್ಯದ ಹೊರತಾಗಿಯೂ ಕೆಳ ಕ್ರಮಾಂಕದ ಬ್ಯಾಟರ್ಗಳ ಸಂದರ್ಭೋಚಿತ ಬ್ಯಾಟಿಂಗ್ ನೆರವು ಪಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮಹಿಳೆಯರ ಪ್ರೀಮಿಯರ್ ಲೀಗ್ನ (WPL 2023) ತನ್ನ ಎರಡನೇ ಪಂದ್ಯದಲ್ಲಿ ಎದುರಾಳಿ ಮುಂಬಯಿ ಇಂಡಿಯನ್ಸ್ ತಂಡಕ್ಕೆ. 156 ರನ್ ಗೆಲುವಿನ ಗುರಿಯನ್ನೊಡ್ಡಿದೆ. 28 ರನ್ ಬಾರಿಸಿ ರಿಚಾ ಘೋಷ್ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು.
ಬ್ರಬೋರ್ನ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ಟಾಸ್ ಗೆದ್ದ ಆರ್ಸಿಬಿ ನಾಯಕಿ ಸ್ಮೃತಿ ಮಂಧಾನಾ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಆದರೆ, ಆರ್ಸಿಬಿ ಆಟಗಾರರು ಸಮರ್ಥ ಪ್ರದರ್ಶನ ನೀಡಲು ವಿಫಲಗೊಂಡು 18.4 ಓವರ್ಗಳಲ್ಲಿ 155 ರನ್ಗಳಿಗೆ ಆಲ್ಔಟ್ ಅಯಿತು. ಮಂಬಯಿ ಬೌಲರ್ಗಳಾದ ಸೈಕಾ ಇಶಾಖ್ (26 ರನ್ಗಳಿಗೆ 2 ವಿಕೆಟ್) ಹಾಗೂ ಹೇಲಿ ಮ್ಯಾಥ್ಯೂಸ್ (28 ರನ್ಗಳಿಗೆ 3 ವಿಕೆಟ್) ಹಾಗೂ ಅಮೇಲಿಯಾ ಕೆರ್ (30 ರನ್ಗಳಿಗೆ 2 ವಿಕೆಟ್) ಬೌಲಿಂಗ್ ದಾಳಿಗೆ ಆರ್ಸಿಬಿ ಪಡೆ ತತ್ತರಿಸಿತು.
ಇದನ್ನೂ ಓದಿ : WPL 2023 : ಬಟರ್ ಚಿಕನ್ ಆಸೆಗೆ ಮ್ಯಾಚ್ ಗೆಲ್ಲಿಸಿದ್ದ ಗ್ರೇಸ್ ಹ್ಯಾರಿಸ್!
ಬ್ಯಾಟಿಂಗ್ ಆರಂಭಿಸಿದ ಆರ್ಸಿಬಿ ಪರ ಸ್ಮೃತಿ ಮಂಧಾನಾ (23) ಹಾಗೂ ಸೋಫಿ ಡಿವೈನ್ (16) ಮೊದಲ ವಿಕೆಟ್ಗೆ 39 ರನ್ ಬಾರಿಸಿ ವಿಶ್ವಾಸ ಮೂಡಿಸಿದರು. ಆದರೆ, ಆ ಬಳಿಕ ಸತತವಾಗಿ ವಿಕೆಟ್ ಕಳೆದುಕೊಂಡು 43 ರನ್ಗೆ 4 ವಿಕೆಟ್ ನಷ್ಟ ಮಾಡಿಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಆದರೆ, ಬಳಿಕ ಆಡಲು ಇಳಿದ ರಿಚಾ ಘೋಷ್ (28), ಕನಿಕಾ ಅಹುಜಾ (22), ಶ್ರೇಯಾಂಕಾ ಪಾಟೀಲ್ (23) ಹಾಗೂ ಮೇಗನ್ ಶೂಟ್ (20) ಕನಿಷ್ಠ ಮೊತ್ತಕ್ಕೆ ತಂಡ ಆಲ್ಔಟ್ ಆಗದಂತೆ ನೋಡಿಕೊಂಡಿತು. ಅದಕ್ಕಿಂತ ಮೊದಲ ಎಲಿಸ್ ಪೆರಿ 13 ರನ್ಗಳಿಗೆ ವಿಕೆಟ್ ಒಪ್ಪಿಸಿದರು.