Rishabh Pant: ಪಂತ್ ‘ನೋ ಲುಕ್ ಸಿಕ್ಸ್’ ಹೊಡೆತಕ್ಕೆ ಮನಸೋತ ಶಾರುಖ್ ಖಾನ್; ವಿಡಿಯೊ ವೈರಲ್

Abhilash B C

8 ತಿಂಗಳುಗಳು ago

ವಿಶಾಖಪಟ್ಟಣಂ: ಕೋಲ್ಕತ್ತಾ ನೈಟ್ ರೈಡರ್ಸ್(Kolkata Knight Riders) ತಂಡ ನೀಡಿದ ಬೃಹತ್ ಮೊತ್ತದ ಗುರಿಯನ್ನು ಬೆನ್ನಟ್ಟುವ ವೇಳೆ ಡೆಲ್ಲಿ ಕ್ಯಾಪಿಟಲ್ಸ್(Delhi Capitals) ತಂಡದ ನಾಯಕ ರಿಷಭ್ ಪಂತ್(Rishabh Pant) ಅವರು ಬಾರಿಸಿದ ‘ನೋ ಲುಕ್ ಸಿಕ್ಸ್'(Pant’s no-look shot) ಹೊಡೆತಕ್ಕೆ ಕೆಕೆಆರ್ ತಂಡದ ಸಹ ಮಾಲೀಕ, ಬಾಲಿವುಡ್ ನಟ ಶಾರೂಖ್ ಖಾನ್‌(Shah Rukh Khan) ಅವರು ಪ್ರೇಕ್ಷಕರ ಗ್ಯಾಲರಿಂದ ಎದ್ದು ನಿಂತು ತಪ್ಪಾಳೆ ತಟ್ಟಿ ಮೆಚ್ಚುಗೆ ಸೂಚಿಸಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(viral video) ಆಗಿದ್ದು ಶಾರೂಖ್ ಅವರ ನಡೆಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.

272 ರನ್ನ್ಗಳ ಬೇಹತ್ ಮೊತ್ತವನ್ನು ಬೆನ್ನಟ್ಟಿದ ಡೆಲ್ಲಿಗೆ ಆಸರೆಯಾದದ್ದು ನಾಯಕ ರಿಷಭ್ ಪಂತ್. ಮಧ್ಯಮ ಕ್ರಮಾಂಕದಲ್ಲಿ ಆಡಲಿಳಿದ ಅವರು ಕೆಲ ಕಾಲ ಹೊಡಿ-ಬಡಿ ಆಟವಾಡಿ ಅರ್ಧಶತಕ ಬಾರಿಸಿ ತಂಡ ಗೆಲುವಿವಾಗಿ ಶಕ್ತಿ ಮೀರಿ ಪ್ರಯತ್ನಿಸಿದರು. ಆದರೆ ಉಳಿದ ಆಟಗಾರರಿಂದ ಇದೇ ಪ್ರದರ್ಶನ ಕಂಡು ಬಾರದೆ ತಂಡ ಸೋಲು ಕಂಡಿತು. ಕಾರು ಅಪಘಾತದಿಂದ 14 ತಿಂಗಳು ಕ್ರಿಕೆಟ್ನಿಂದ ದೂರ ಉಳಿದಿದ್ದರೂ ಕೂಡ ಪಂತ್ ಅವರು ಕಳೆಯ ಶೈಲಿಯ ಬ್ಯಾಟಿಂಗ್ ಮಾತ್ರ ಹಾಗೇಯೇ ಉಳಿದುಕೊಂಡಿದೆ. ಇದಕ್ಕೆ ಕೆಕೆಆರ್ ವಿರುದ್ಧದ ಪಂದ್ಯವೇ ಉತ್ತಮ ನಿದರ್ಶನ.

NO LOOK SIX BY RISHABH PANT….!!!! 🔥🫡pic.twitter.com/IXg736aihr
— Johns. (@CricCrazyJohns) April 3, 2024

ಆಕ್ರಮಣಕಾರಿ ಶೈಲಿಯಲ್ಲೇ ಬ್ಯಾಟಿಂಗ್ ನಡೆಸಿದ ಪಂತ್ ಕೇವಲ 23 ಎಸೆತಗಳಿಂದ ಅರ್ಧಶತಕ ಪೂರ್ತಿಗೊಳಿಸಿದರು. ಅದರಲ್ಲೂ ವೆಂಕಟೇಶ್ ಅಯ್ಯರ್ ಅವರಿಗೆ ಒಂದೇ ಓವರ್ನಲ್ಲಿ ಎಲ್ಲ ಎಸೆತಗಳನ್ನು ಸಿಕ್ಸರ್ ಮತ್ತು ಬೌಂಡರಿಗೆ ಬಡಿದಟ್ಟಿ 28 ರನ್ ಬಾರಿಸಿದರು. ಇದರಲ್ಲೊಂದು ಸಿಕ್ಸರ್ ‘ನೋ ಲುಕ್ ಸಿಕ್ಸ್'(ಚೆಂಡನ್ನು ನೋಡದೆಯೇ ಸಿಕ್ಸರ್ ಬಾರಿಸುವುದು) ಆಗಿತ್ತು. ಈ ಸಿಕ್ಸರ್ ಕಂಡು ಬಾಲಿವುಡ್ ನಟ ಶಾರೂಖ್ ಫಿದಾ ಆದರು.

ಇದನ್ನೂ ಓದಿ IPL 2024: ಇಶಾಂತ್ ಶರ್ಮ ಡೆಡ್ಲಿ ಯಾರ್ಕರ್ಗೆ ರಸೆಲ್ ಕ್ಲೀನ್ ಬೌಲ್ಡ್; ವಿಡಿಯೊ ವೈರಲ್

F-iyery & Audacious. Rishabh Pant in a nutshell.#YehHaiNayiDilli #DCvKKR #IPL2024 pic.twitter.com/sNThXwsAOV
— Delhi Capitals (@DelhiCapitals) April 3, 2024

ಪಂದ್ಯ ಮುಕ್ತಾಯದ ಬಳಿಕವೂ ಶಾರೂಖ್ ಅವರು ರಿಷಭ್ ಪಂತ್ ಅವರನ್ನು ತಬ್ಬಿಕೊಂಡು ಮೆಚ್ಚುಗೆ ಸೂಚಿಸಿದರು. ಜತೆಗೆ ಉಭಯ ತಂಡದ ಆಟಗಾರರೊಂದಿಗೆ ಕೆಲ ಕಾಲ ಕುಶಲೋಪರಿ ನಡೆಸಿದರು. ಕೆಲ ಆಟಗಾರರು ತಮ್ಮ ನೆಚ್ಚಿನ ನಟನೊಂದಿಗೆ ಫೋಟೊ ಮತ್ತು ಆಟೋಗ್ರಾಫ್ ತೆಗೆದುಕೊಂಡರು.

From SRK with love 🤗 ☺️

Signing off from Vizag 🫡#TATAIPL | #DCvKKR | @DelhiCapitals | @KKRiders | @iamsrk pic.twitter.com/XL7HuIEPyL
— IndianPremierLeague (@IPL) April 3, 2024

ಕೆಕೆಆರ್ಗೆ ಹ್ಯಾಟ್ರಿಕ್ ಗೆಲುವು
ಇಲ್ಲಿನ ಡಾ.ವೈ.ಎಸ್. ರಾಜಶೇಖರ ರೆಡ್ಡಿ ಎಸಿಎ-ವಿಡಿಸಿಎ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಕೆಕೆಆರ್ ಫುಲ್ ಜೋಶ್ನಲ್ಲಿ ಬ್ಯಾಟಿಂಗ್ ನಡೆಸಿ ನಿಗದಿತ 20 ಓವರ್ಗಳಲ್ಲಿ 7 ವಿಕೆಟ್ಗೆ ಬರೋಬ್ಬರಿ 272 ರನ್ ಬಾರಿಸಿತು. ಈ ಬೃಹತ್ ಮೊತ್ತವನ್ನು ಕಂಡು ಕಂಗಾಲಾದ ಡೆಲ್ಲಿ ಕ್ಯಾಪಿಟಲ್ಸ್ 17.2 ಓವರ್ಗಳಲ್ಲಿ 166 ರನ್ ಬಾರಿಸಿ ಸರ್ವಪತನ ಕಂಡಿತು. ಕೋಲ್ಕತ್ತಾ ತಂಡ 106ರನ್ ಗೆಲುವು ಸಾಧಿಸಿತು.