ಅಹಮದಾಬಾದ್: ರೋಹಿತ್ ಶರ್ಮಾ 50 ಓವರ್ಗಳ ಕ್ರಿಕೆಟ್ನಲ್ಲಿ 300 ಸಿಕ್ಸರ್ಗಳನ್ನು ಬಾರಿಸಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ (Rohit Sharma) ಪಾತ್ರರಾದರು. ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಶನಿವಾರ ನಡೆದ ಭಾರತ-ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ಟೀಂ ಇಂಡಿಯಾ ನಾಯಕ ಈ ಮೈಲಿಗಲ್ಲನ್ನು ತಲುಪಿದ್ದಾರೆ. ಅಫ್ಘಾನಿಸ್ತಾನ ಪಂದ್ಯದ ನಂತರ ಸ್ಟಾರ್ ಬ್ಯಾಟರ್ ಸಿಕ್ಸರ್ ಹಾಗೂ ಫೋರ್ಗಳ ಸುರಿಮಳೆ ಸುರಿಸುತ್ತಿದ್ದಾರೆ. ಪಾಕಿಸ್ತಾನ ಪಂದ್ಯದಲ್ಲಿ ಅವರ ಬೌಲರ್ಗಳನ್ನೇ ಕಂಗೆಡಿಸಿಬಿಟ್ಟಿದ್ದಾರೆ.
300th sixer by Rohit Sharma in ODI 🔥🔥💥💥
— Guru Teja 💙 (@GTeja2003) October 14, 2023
Shott 🥵🥵 pic.twitter.com/a34F9qqy5C
ಈ ಸುದ್ದಿ ಬರೆಯುವ ವೇಳೆ ಶರ್ಮಾ 31 ಎಸೆತಗಳಲ್ಲಿ 46 ರನ್ ಗಳಿಸಿದ್ದರು/ ಇದರಲ್ಲಿ ಮೂರು ಬೌಂಡರಿಗಳು ಮತ್ತು ನಾಲ್ಕು ಸಿಕ್ಸರ್ಗಲು ಸೇರಿವೆ. ಇತ್ತೀಚೆಗೆ, ಅಫ್ಘಾನಿಸ್ತಾನ ಪಂದ್ಯದಲ್ಲಿ, ಅವರು 554 ಸಿಕ್ಸರ್ಗಳ ಮೂಲಕ ಕ್ರಿಸ್ ಗೇಲ್ ಅವರನ್ನು ಹಿಂದಿಕ್ಕಿ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ಗಳನ್ನು ಗಳಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು. ಫಿರೋಜ್ ಷಾ ಕೋಟ್ಲಾದಲ್ಲಿ ಅಫ್ಘಾನಿಸ್ತಾನ ವಿರುದ್ಧ 81 ಎಸೆತಗಳಲ್ಲಿ 131 ರನ್ ಗಳಿಸಿದ ರೋಹಿತ್ ಐದು ಸಿಕ್ಸರ್ ಗಳನ್ನು ಬಾರಿಸಿ 556 ಸಿಕ್ಸರ್ಗಳ ಗುರಿ ದಾಟಿಸಿದ್ದರು.
ಪಾಕಿಸ್ತಾನದ ಬ್ಯಾಟ್ಸ್ಮನ್ ಶಾಹಿದ್ ಅಫ್ರಿದಿ ಏಕದಿನ ಕ್ರಿಕೆಟ್ನಲ್ಲಿ 351 ಸಿಕ್ಸರ್ಗಳೊಂದಿಗೆ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ವೆಸ್ಟ್ ಇಂಡೀಸ್ನ ಸ್ಫೋಟಕ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ 50 ಓವರ್ಗಳ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ಗಳನ್ನು ಬಾರಿಸಿದ ಬ್ಯಾಟರ್ಗಳ ಪಟ್ಟಿಯಲ್ಲಿ ಅಫ್ರಿದಿ ನಂತರದ ಸ್ಥಾನದಲ್ಲಿದ್ದಾರೆ.
ಫಿರೋಜ್ ಷಾ ಕೋಟ್ಲಾದಲ್ಲಿ ಅಫ್ಘಾನಿಸ್ತಾನ ವಿರುದ್ಧ 81 ಎಸೆತಗಳಲ್ಲಿ 131 ರನ್ ಗಳಿಸಿದ ರೋಹಿತ್ ಮೂರು ಸ್ವರೂಪಗ ಕ್ರಿಕೆಟ್ನಲ್ಲಿ 556 ಸಿಕ್ಸರ್ಗಳ ಗುರಿ ತಲುಪಿದ್ದರು. ರೋಹಿತ್ 453 ಪಂದ್ಯಗಳಲ್ಲಿ ಈ ಮೈಲಿಗಲ್ಲನ್ನು ತಲುಪಿದ್ದಾರೆ. ಇದು ಗೇಲ್ಗಿಂಗ 30 ಪಂದ್ಯಗಳು ಕಡಿಮೆ.
ನಾನು ಮತ್ತು ಗೇಲ್ ಒಂದೇ ಸಂಖ್ಯೆ ಜೆರ್ಸಿಯನ್ನು ಧರಿಸುತ್ತೇವೆ (ಸಂಖ್ಯೆ 45). ಅವರು ಅದರ ಬಗ್ಗೆ ಸಂತೋಷವಾಗಿದ್ದಾರೆ ಎಂದು ನನಗೆ ಖಾತ್ರಿಯಿದೆ ಏಕೆಂದರೆ ಜರ್ಸಿ ಸಂಖ್ಯೆ 45 ಅದನ್ನು ಮಾಡಿದೆ (ಅವರ ದಾಖಲೆಯನ್ನು ಮುರಿದಿದೆ)”ಎಂದು ರೋಹಿತ್ ಬಿಸಿಸಿಐ ಪೋಸ್ಟ್ ಮಾಡಿದ ವೀಡಿಯೊದಲ್ಲಿ ಹೇಳಿದ್ದಾರೆ.
ಇದನ್ನೂ ಓದಿ : ICC World Cup 2023 : ವಿಶ್ವ ಕಪ್ನ ಆರಂಭಿಕ ಪಂದ್ಯಗಳಿಂದ ಕೇನ್ ವಿಲಿಯಮ್ಸನ್ ಔಟ್
“ನಾನು ಈ ಆಟವನ್ನು ಆಡಲು ಪ್ರಾರಂಭಿಸಿದಾಗ, ನಾನು ಇಷ್ಟು ಸಿಕ್ಸರ್ಗಳನ್ನು ಹೊಡೆಯಲು ಸಾಧ್ಯವಾಗುತ್ತದೆ ಎಂದು ನಾನು ಎಂದಿಗೂ ಭಾವಿಸಿರಲಿಲ್ಲ. ನಿಸ್ಸಂಶಯವಾಗಿ, ಮುಂದಿನ ವರ್ಷಗಳಲ್ಲಿ ಸಿಕ್ಸರ್ ಹೊಡೆಯಲು ಕಲಿತೆ. ಆದ್ದರಿಂದ, ನಾನು ಮಾಡಿದ ಕೆಲಸದಿಂದ ನನಗೆ ಸಾಕಷ್ಟು ಸಂತೋಷವಾಗಿದೆ ಎಂದು ರೋಹಿತ್ ಹೇಳಿದ್ದಾರೆ.
ಬೌಲರ್ಗಳಿಗೆ ಶ್ಲಾಘನೆ
ಬ್ಯಾಟರ್ಗಳಿಗೆ ಸೂಕ್ತವಾದ ಪಿಚ್ನಲ್ಲಿ ಅಫ್ಘಾನಿಸ್ತಾನವನ್ನು ಕಡಿಮೆ ಮೊತ್ತಕ್ಕೆ ಸೀಮಿತಗೊಳಿಸಿದ್ದಕ್ಕಾಗಿ 36 ವರ್ಷದ ನಾಯಕ ತಮ್ಮ ಬೌಲರ್ಗಳನ್ನು ಶ್ಲಾಘಿಸಿದರು. “ನಾವು ಅದ್ಭುತ ಆಟವನ್ನು ಆಡಿದ್ದೇವೆ ಎಂದು ನಾನು ಭಾವಿಸಿದ್ದೇವೆ. ಅಫ್ಘಾನಿಸ್ತಾನವನ್ನು 280 ಕ್ಕಿಂತ ಕಡಿಮೆ ರನ್ಗಳಿಗೆ ನಿಯಂತ್ರಿಸಲು ಬೌರಲ್ಗಳು ಅಸಾಧಾರಣ ಕೆಲಸ ಮಾಡಿದರು, ಏಕೆಂದರೆ ಪಿಚ್ ಬ್ಯಾಟಿಂಗ್ ಮಾಡಲು ನಿಜವಾಗಿಯೂ ಅನುಕೂಲಕರವಾಗಿತ್ತು ಎಂದು ರೋಹಿತ್ ವಿಡಿಯೊದಲ್ಲಿ ಹೇಳಿದ್ದರು.