Rohit Sharma : ಡೆಲ್ಲಿ ವಿರುದ್ಧ 49 ರನ್ ಬಾರಿಸಿ ಕೊಹ್ಲಿಯಿರುವ ಎಲೈಟ್​ ಕ್ಲಬ್ ಸೇರಿದ ರೋಹಿತ್​ ಶರ್ಮಾ

ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ 2024ನೇ ಆವೃತ್ತಿಯ (IPL 2024) ಡೆಲ್ಲಿ ವಿರುದ್ಧದ ಪಂದ್ಯದಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಮುಂಬಯಿ ತಂಡದ ಮಾಜಿ ನಾಯಕ ರೋಹಿತ್ ಶರ್ಮಾ (Rohit Sharma) ವಿಶೇಷ ಸಾಧನೆಯೊಂದನ್ನು ಮಾಡಿದ್ದಾರೆ. ಅವರು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಐಪಿಎಲ್​ನಲ್ಲಿ 1000 ಅಥವಾ ಅದಕ್ಕಿಂತ ಹೆಚ್ಚು ರನ್ ಗಳಿಸಿದ ಎರಡನೇ ಬ್ಯಾಟ್ಸ್ಮನ್ ಎಂಬ ಹೆಗ್ಗಳಿಕೆಗೆ ರೋಹಿತ್ ಶರ್ಮಾ ಪಾತ್ರರಾಗಿದ್ದಾರೆ. ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ 36 ವರ್ಷದ ರೋಹಿತ್ ಈ ಮೈಲಿಗಲ್ಲನ್ನು ತಲುಪಿದರು. ನಾಗ್ಪುರ ಮೂಲದ ರೋಹಿತ್ ಡೆಲ್ಲಿ ವಿರುದ್ಧದ ಐಪಿಎಲ್ ಪಂದ್ಯಗಳಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

See more

ROHIT SHARMA MADNESS AT THE WANKHEDE. 🔥pic.twitter.com/8dvE1ODX0e

— Mufaddal Vohra (@mufaddal_vohra) April 7, 2024

ಈ ಪಂದ್ಯಕ್ಕೂ ಮುನ್ನ ಕೊಹ್ಲಿ ಡೆಲ್ಲಿ ತಂಡದ ವಿರುದ್ಧ ಅತಿ ಹೆಚ್ಚು ರನ್ ಗಳಿಸಿದವರಾಗಿದ್ದರು. ಅವರು ತಮ್ಮ ಸ್ಥಾನವನ್ನು ಉಳಿಸಿಕೊಂಡರು. ರೋಹಿತ್ 27 ಎಸೆತಗಳಲ್ಲಿ 6 ಬೌಂಡರಿ ಮತ್ತು 3 ಸಿಕ್ಸರ್​ಗಳೊಂದಿಗೆ 49 ರನ್ ಗಳಿಸಿದರು. 181.48 ಸ್ಟ್ರೈಕ್ ರೇಟ್​​ನಲ್ಲಿ ಆಡಿದರು. 49 ರನ್​ಗೆ ಔಟಾಗುವ ಮೂಲಕ ಅವರು ಕೊಹ್ಲಿಗಿಂತ ಹಿಂದೆ ಉಳಿದರು. ಕೊಹ್ಲಿ ಈ ಪಟ್ಟಿಯಲ್ಲಿ 1030 ರನ್​ ಗಳಿಸಿ ಮುಂದಿದ್ದಾರೆ. ಅಜಿಂಕ್ಯ ರಹಾನೆ, ರಾಬಿನ್ ಉತ್ತಪ್ಪ, ಎಂಎಸ್ ಧೋನಿ ಮತ್ತು ಸುರೇಶ್ ರೈನಾ ಕೂಡ ಐಪಿಎಲ್​​ನಲ್ಲಿ ಡೆಲ್ಲಿ ವಿರುದ್ಧ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿದ್ದಾರೆ.

ಐಪಿಎಲ್ನಲ್ಲಿ ಡೆಲ್ಲಿ ವಿರುದ್ಧ ಅತಿ ಹೆಚ್ಚು ರನ್ ಗಳಿಸಿದವರು

• ವಿರಾಟ್ ಕೊಹ್ಲಿ – 28 ಪಂದ್ಯಗಳಿಂದ 1030 ರನ್
• ರೋಹಿತ್ ಶರ್ಮಾ – 34 ಪಂದ್ಯಗಳಿಂದ 1026 ರನ್
• ಅಜಿಂಕ್ಯ ರಹಾನೆ – 23 ಪಂದ್ಯಗಳಿಂದ 858 ರನ್
• ರಾಬಿನ್ ಉತ್ತಪ್ಪ – 28 ಪಂದ್ಯಗಳಿಂದ 740 ರನ್
  ಎಂಎಸ್ ಧೋನಿ – 33 ಪಂದ್ಯಗಳಿಂದ 709 ರನ್
• ಸುರೇಶ್ ರೈನಾ – 26 ಪಂದ್ಯಗಳಿಂದ 661 ರನ್

ಐಪಿಎಲ್ 2024: ರೋಹಿತ್ ಶರ್ಮಾ

ಮುಂಬೈ ತಂಡದ ನಾಯಕ ಸ್ಥಾನದಿಂದ ಕೆಳಗಿಳಿದ ನಂತರ ರೋಹಿತ್ ಇನ್ನೂ ಸಂಪೂರ್ಣವಾಗಿ ತಮ್ಮ ಫಾರ್ಮ್​ಗೆ ಬಂದಿಲ್ಲ. ಈವರೆಗೆ 4 ಪಂದ್ಯಗಳನ್ನಾಡಿರುವ ಅವರು 29.50ರ ಸರಾಸರಿಯಲ್ಲಿ 118 ರನ್ ಗಳಿಸಿದ್ದಾರೆ. ಅವರು ಚುರುಕಾದ ಆರಂಭವನ್ನು ಪಡೆದಿದ್ದಾರೆ. ಆದರೆ ಇನ್ನೂ ದೊಡ್ಡ ಸ್ಕೋರ್ ಗಳಿಸಿಲ್ಲ. ಅನುಭವಿ ಆಟಗಾರ ಒಂದು ದಶಕಕ್ಕೂ ಹೆಚ್ಚು ಕಾಲ ಮುಂಬೈನ ಪ್ರಮುಖ ಭಾಗವಾಗಿದ್ದಾರೆ. ಇನ್ನೂ ಅನೇಕ ಪಂದ್ಯ ವಿಜೇತ ಇನ್ನಿಂಗ್ಸ್​​ಗಳನ್ನು ಆಡಿದ್ದಾರೆ.

ಇದನ್ನೂ ಓದಿ: Rohit Sharma : ರೋಹಿತ್ ಶರ್ಮಾ ಪಾದ ಮುಟ್ಟಿ ನಮಸ್ಕರಿಸಿದ ಮಹಿಳಾ ಅಭಿಮಾನಿ; ಇಲ್ಲಿದೆ ವಿಡಿಯೊ

ಗುಜರಾತ್, ಹೈದರಾಬಾದ್ ಮತ್ತು ರಾಜಸ್ಥಾನ ವಿರುದ್ಧದ ಎಲ್ಲಾ ಮೂರು ಪಂದ್ಯಗಳಲ್ಲಿ ಸೋಲುಗಳೊಂದಿಗೆ ಮುಂಬೈ ಐಪಿಎಲ್ 2024 ರಲ್ಲಿ ತನ್ನ ಅಭಿಯಾನವನ್ನು ಪ್ರಾರಂಭಿಸಿತು. ಅವರ ಹೆಚ್ಚಿನ ಬ್ಯಾಟರ್​​ಗಳು ಭರವಸೆ ನೀಡಿದ್ದಾರೆ, ಆದರೆ ದೊಡ್ಡ ಸ್ಕೋರ್​ಗಳನ್ನು ಬಾರಿಸಿಲ್ಲ.