ನವ ದೆಹಲಿ : ಕ್ರಿಕೆಟ್‌ಗೆ ನಿವೃತ್ತಿಗೆ ಹೇಳಿದ ಬಳಿಕವೂ ದಿಗ್ಗಜ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್‌ (Sachin Tendulkar) ಸಿಕ್ಕಾಪಟ್ಟೆ ಬ್ಯುಸಿಯಾಗಿರುತ್ತಾರೆ. ತಮ್ಮ ಅಕಾಡೆಮಿ ಕೆಲಸ, ಜಾಹೀರಾತು ಶೂಟಿಂಗ್‌ ಅಂಥೆಲ್ಲ ಸುತ್ತಾಟವೇ ಜಾಸ್ತಿ. ಅದರ ನಡುವೆಯೂ ಅವರು ಫ್ಯಾಮಿಲಿಗಾಗಿ ಸ್ವಲ್ಪ ಟೈಮ್‌ ಕೊಡುತ್ತಾರೆ. ಹಾಗೆಯೇ ಅವರು ಕಳೆದ ಜುಲೈನಲ್ಲಿ ಬ್ರಿಟನ್‌ಗೆ ಕುಟುಂಬ ಸಮೇತ ಪ್ರವಾಸ ಹೋಗಿದ್ದರು. ಆ ವೇಳೆ ಮಾಡಿರುವ ಕೆಲವು ಸ್ಮರಣೀಯ ವಿಡಿಯೊಗಳನ್ನು ಇದೀಗ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡುತ್ತಿದ್ದಾರೆ. ಅದರಲ್ಲೊಂದು ಮಗಳು ಸಾರಾ ಸೂಚಿಸಿದ ಕೆಫೆಯಲ್ಲಿ ಪಾಸ್ತಾ ಸವಿದಿರುವುದು. ಈ ವಿಡಿಯೊಗೆ ಅಭಿಮಾನಿಗಳು ಸಿಕ್ಕಾಪಟ್ಟೆ ಫಿದಾ ಆಗಿದ್ದಾರೆ.
“ಲಂಡನ್‌ನಲ್ಲಿ ಇಟಲಿಯ ರುಚಿಯನ್ನು ಸವಿಯುತ್ತಿರುವೆ. ಕೊನೆಯಾಗದ ಖುಷಿ. ಮಗಳು ಸಾರ ಹೇಳಿದ ಜಾಗವಿದು,” ಎಂದು ಸಚಿನ್ ಅವರ ಇನ್‌ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ.
ಸಾರಾ ತೆಂಡೂಲ್ಕರ್‌ ಕೂಡ ಮಾಡೆಲಿಂಗ್‌, ಬಾಲಿವುಡ್‌ ಎಂದು ಸುತ್ತಾಟ ಮಾಡುತ್ತಿರುತ್ತಾರೆ. ಅವರಿಗೆ ಲಂಡನ್‌ನಲ್ಲಿರುವ ಕೆಫೆಯಲ್ಲಿ ಇಟಾಲಿಯನ್ ಪಾಸ್ತಾ ಇಷ್ಟವಾಗಿದೆ. ಅದನ್ನು ಅಪ್ಪನಿಗೂ ತಿನ್ನುವಂತೆ ಸೂಚಿಸಿದ್ದಾರೆ. ಹೀಗಾಗಿ ಬ್ರಿಟನ್‌ಗೆ ಹೋಗಿದ್ದ ಸಚಿನ್ ಅವರು ಮಗಳ ಇಷ್ಟದ ಪಾಸ್ತಾ ಸವಿದು ಖುಷಿ ಪಟ್ಟಿದ್ದಾರೆ.
ಸಾರಾ ಅವರು ಧೀರೂಬಾಯಿ ಅಂಬಾನಿ ಇಂಟರ್‌ನ್ಯಾಶನಲ್ ಸ್ಕೂಲ್‌ನಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ್ದಾರೆ ಮತ್ತು ನಂತರ ಅವರು ಪದವಿ ಮಾಡಲು ಲಂಡನ್‌ಗೆ ಹೋಗಿದ್ದರು. ಸಾರಾ ಲಂಡನ್‌ನ ಯೂನಿವರ್ಸಿಟಿ ಕಾಲೇಜಿನಲ್ಲಿ ವೈದ್ಯಕೀಯ ಅಧ್ಯಯನ ಮಾಡಿದ್ದಾರೆ. ಹೀಗಾಗಿ ಲಂಡನ್‌ನ ಪಾಸ್ತಾದ ರುಚಿ ಅವರಿಗೆ ಹಿಡಿಸಿದ್ದು ಸಚಿನ್ ಅವರಿಗೂ ತಿನ್ನುವಂತೆ ಹೇಳಿದ್ದಾರೆ.
ಇದನ್ನೂ ಓದಿ | IND vs ZIM ODI | ಜಿಂಬಾಬ್ವೆ ವಿರುದ್ಧ ಶತಕ ಬಾರಿಸಿ ಸಚಿನ್ ತೆಂಡೂಲ್ಕರ್‌ ದಾಖಲೆ ಮುರಿದ ಶುಬ್ಮನ್‌ ಗಿಲ್‌