ಬೆಂಗಳೂರು: ಮಳೆಯನ್ನು ಲೆಕ್ಕಿಸದೆ ನಾಯಕ ಸುನೀಲ್ ಚೆಟ್ರಿ(Sunil Chhetri) ಅವರು ಬಾರಿಸಿದ ಹ್ಯಾಟ್ರಿಕ್ ಗೋಲಿನ ನೆರವಿನಿಂದ ಭಾರತ ತಂಡ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ(Pakistan football team) ವಿರುದ್ಧ ಸ್ಯಾಫ್ ಫುಟ್ಬಾಲ್ ಚಾಂಪಿಯನ್ಶಿಪ್ ಟೂರ್ನಿಯಲ್ಲಿ(SAFF Football) 4-0 ಗೋಲ್ಗಳ ಅಂತರದಿಂದ ಭರ್ಜರಿಯಾಗಿ ಗೆಲುವು ದಾಖಲಿಸಿದೆ. ಈ ಮೂಲಕ ಟೂರ್ನಿಯಲ್ಲಿ ಗೆಲುವಿನ ಶುಭಾರಂಭ ಕಂಡಿದೆ.
ಬುಧವಾರ ಕಂಠೀರವ ಕ್ರೀಡಾಂಗಣದಲ್ಲಿ(Sree Kanteerava Stadium) ನಡೆದ ದ್ವಿತೀಯ ಪಂದ್ಯದಲ್ಲಿ ಭಾರತ ತಂಡ ಪಾಕ್ ವಿರುದ್ಧ ಭರ್ಜರಿ ಗೆಲುವು ದಾಖಲಿಸಿದೆ. ದಿನ ಮೊದಲ ಉದ್ಘಾಟನಾ ಪಂದ್ಯದಲ್ಲಿ ಕುವೈತ್‌ 3-1 ಗೋಲುಗಳಿಂದ ನೇಪಾಳ ತಂಡವನ್ನು ಮಣಿಸಿತು.
ಭಾರತ ಮತ್ತು ಪಾಕ್ ತಂಡಗಳು 5 ವರ್ಷಗಳ ಬಳಿಕ ಮುಖಾಮುಖಿಯಾಗಿದ್ದವು. ಪಂದ್ಯ ಆರಂಭವಾಗುತ್ತಿದ್ದಂತೆಯೇ ತುಂತುರು ಮಳೆಯೂ ಶುರುವಾಯಿತು. ಮಳೆಯ ಅಬ್ಬರದ ಮಧ್ಯೆಯೂ ಪಂದ್ಯ ಆರಂಭಗೊಂಡು 10 ನಿಮಿಷದಲ್ಲಿ ಭಾರತ ಗೋಲಿನ ಖಾತೆ ತೆರೆಯಿತು. ಈ ಗೋಲನ್ನು ಚೆಟ್ರಿ ಬಾರಿಸಿದರು. ಇದರ ಬೆನ್ನಲೇ 14 ಮತ್ತು 74ನೇ ನಿಮಿಷದಲ್ಲಿ ಪೆನಾಲ್ಟಿ ಕಿಕ್ ಅವಕಾಶದಲ್ಲಿ ಚೆಂಡನ್ನು ಗುರಿ ಸೇರಿಸಿದ ಅವರು ಹ್ಯಾಟ್ರಿಕ್ ಗೋಲ್ ಬಾರಿಸಿದ ಸಾಧನೆ ಮಾಡಿದರು. ಅಂತಿಮ ಗೋಲನ್ನು ಉದಾಂತ ಸಿಂಗ್ (81ನೇ ನಿಮಿಷ) ತಂದಿತ್ತರು. ಭಾರತ ಆಕ್ರಮಣಕಾರಿ ಆಟದ ಮುಂದೆ ಪಾಕ್‌ಗೆ ಕನಿಷ್ಠ ಒಂದು ಗೋಲ್ ಕೂಡ ಬಾರಿಸಲು ಸಾಧ್ಯವಾಗಲಿಲ್ಲ. ನಿಖರ ಪಾಸ್‌ಗಳು ಮತ್ತು ರಕ್ಷಣಾ ವಿಭಾಗದಲ್ಲಿನ ಛಲದ ಆಟ ಭಾರತ ತಂಡದ ಪ್ರಮುಖ ಆಕರ್ಷಣೆಯಾಗಿತ್ತು.
ಇದನ್ನೂ ಓದಿ SAFF Football: 5 ವರ್ಷಗಳ ಬಳಿಕ ಭಾರತ-ಪಾಕ್ ಕಾಲ್ಚೆಂಡಿನ ಕಾಳಗಕ್ಕೆ ವೇದಿಕೆ ಸಜ್ಜು
SAFF Championship 2023 | Sunil Chhetri's hattrick guides India to a 4-0 win over Pakistan, as India begins its campaign
— ANI (@ANI) June 21, 2023
(Pic: All India Football Federation Twitter account) pic.twitter.com/kqVMvx9n7x
ಮೂರು ಗೋಲ್ ಬಾರಿಸಿದ ಚೆಟ್ರಿ ಅವರು ತಮ್ಮ ಅಂತಾರಾಷ್ಟ್ರೀಯ ಪಂದ್ಯಗಳ ಗೋಲ್ಗಳ ಸಂಖ್ಯೆಯನ್ನು 90ಕ್ಕೆ ಹೆಚ್ಚಿಸಿಕೊಂಡರು. ಇರಾನ್‌ನ ಅಲಿ ದಾಯಿ (109 ಗೋಲು) ಬಳಿಕ ಅತಿಹೆಚ್ಚು ಗೋಲುಗಳನ್ನು ಗಳಿಸಿದ ಏಷ್ಯಾದ ಎರಡನೇ ಆಟಗಾರ ಎನಿಸಿಕೊಂಡರು. ಐದು ವರ್ಷಗಳ ಬಳಿಕ ಭಾರತ ಮತ್ತು ಪಾಕ್ ತಂಡಗಳು ಇದೇ ಮೊದಲ ಬಾರಿ ಎದುರಾಗಿತ್ತು. ಅಂದು ನಡೆದಿದ್ದ ಸ್ಯಾಫ್ ಟೂರ್ನಿಯ ಪಂದ್ಯವನ್ನು ಭಾರತ 3-1 ರಿಂದ ಜಯಿಸಿತ್ತು. ಭಾರತ ಮುಂದಿನ ಪಂದ್ಯದಲ್ಲಿ ನೇಪಾಳದ ಸವಾಲು ಎದುರಿಸಲಿದೆ. ಈ ಪಂದ್ಯ ಜೂನ್ 24ರಂದು ನಡೆಯಲಿದೆ.