ಬೆಂಗಳೂರು: ಸುನೀಲ್ ಚೆಟ್ರಿ(sunil chhetri) ಅವರ ಮತ್ತೊಂದು ಅದ್ಭುತ ಪ್ರದರ್ಶನದ ಮೂಲಕ ಭಾರತ ತಂಡ ನೇಪಾಳ(india vs nepal) ವಿರುದ್ಧ 2-0 ಗೋಲ್ಗಳ ಅಂತರದಿಂದ ಗೆದ್ದು ಸ್ಯಾಫ್ ಫುಟ್ಬಾಲ್(SAFF Football) ಟೂರ್ನಿಯಲ್ಲಿ ಸೆಮಿಫೈನಲ್ ಪ್ರವೇಶಿಸಿದೆ. ಜತೆಗೆ ಆಡಿದ 2 ಪಂದ್ಯಗಳನ್ನು ಗೆದ್ದು ಕೂಟದಲ್ಲಿ ಅಜೇಯ ಓಟ ಕಾಯ್ದುಕೊಂಡಿದೆ. ಉದ್ಘಾಟನ ಪಂದ್ಯದಲ್ಲಿ ಬದ್ಧ ವೈರಿ ಪಾಕಿಸ್ತಾನ ತಂಡವನ್ನು 4-0 ಅಂತರದಿಂದ ಮಣಿಸಿತ್ತು.
ಶ್ರೀ ಕಂಠೀರವ ಕ್ರೀಡಾಂಗಣದಲ್ಲಿ(Sree Kanteerava Stadium) ಶನಿವಾರ ನಡೆದ ಈ ಪಂದ್ಯದಲ್ಲಿ ಮೊದಲಾರ್ಧದಲ್ಲಿ ಉಭಯ ತಂಡಗಳ ಬಲಿಷ್ಠ ಡಿಫೆಂಡಿಂಗ್ ಆಟದಿಂದ ಯಾವುದೇ ಗೋಲ್ ದಾಖಲಾಗಲಿಲ್ಲ. ಆದರೆ ದ್ವಿತಿಯಾರ್ಧದಲ್ಲಿ ಆಕ್ರಮಣಕಾರಿ ಆಟಕ್ಕೆ ಮುಂದಾದ ಸುನೀಲ್ ಚೆಟ್ರಿ 62ನೇ ನಿಮಿಷದಲ್ಲಿ ಎದುರಾಳಿ ಗೋಲ್ ಕೀಪರ್ ಅವರನ್ನು ವಂಚಿಸಿ ಚೆಂಡನ್ನು ಗೋಲು ಪಟ್ಟಿಗೆಗೆ ಸೇರಿಸುವಲ್ಲಿ ಯಶಸ್ವಿಯಾದರು. ಈ ಮೂಲಕ ಭಾರತಕ್ಕೆ ಗೋಲಿನ ಖಾತೆ ತೆರೆದರು. ಕಳೆದ ಪಾಕ್ ವಿರುದ್ಧದ ಪಂದ್ಯದಲ್ಲಿಯೂ ಅವರು ತಂಡದ ಪರ ಮೊದಲ ಗೋಲು ಬಾರಿಸಿ ಮುನ್ನಡೆ ತಂದುಕೊಟ್ಟಿದ್ದರು. ನೇಪಾಳ ವಿರುದ್ಧ ಗೋಲ್ ಬಾರಿಸುವ ಮೂಲಕ ಚೆಟ್ರಿ ಅವರ ಅಂತಾರಾಷ್ಟ್ರೀಯ ಗೋಲ್ಗಳ ಸಂಖ್ಯೆ 91ಕ್ಕೆ ಏರಿಕೆ ಕಂಡಿದೆ.
ನೇಪಾಳ ಸೋಲು ಕಂಡರೂ ಉತ್ತಮ ಪೈಪೋಟಿಯನ್ನೇ ನೀಡಿತು. ಪಾಕ್ ತಂಡಕ್ಕೆ ಹೋಲಿಸಿದರೆ ನೇಪಾಳ ಅಷ್ಟು ಸುಲಭವಾಗಿ ಭಾರತಕ್ಕೆ ಬಗ್ಗಲಿಲ್ಲ. ಇದಕ್ಕೆ ಮೊದಲಾರ್ಧದಲ್ಲಿ ಗೋಲು ದಾಖಲಾಗದ್ದೇ ಉತ್ತಮ ಸಾಕ್ಷಿ. ಭಾರತ ಪರ ದ್ವಿತೀಯ ಗೋಲ್ ಮಹೇಶ್ ಸಿಂಗ್ ಬಾರಿಸಿದರು. ಈ ಗೋಲ್ ಮೊದಲ ಗೋಲ್ ಬಾರಿಸಿದ ಕೇವಲ 8 ನಿಮಿಷದ ಅಂತರದಲ್ಲಿ ದಾಖಲಾಯಿತು.
2️⃣ goals in quick succession 🤩 India are through to the #SAFFChampionship2023 Semifinal 👏🏽💙#NEPIND ⚔️ #IndianFootball ⚽️ #BlueTigers 🐯 pic.twitter.com/ByzfjsKSZY
— Indian Football Team (@IndianFootball) June 24, 2023
ಇದನ್ನೂ ಓದಿ SAFF Football: ಭಾರತ-ಪಾಕ್ ಫುಟ್ಬಾಲ್ ಪಂದ್ಯದಲ್ಲಿ ಕಿತ್ತಾಡಿದ ಆಟಗಾರರು; ವಿಡಿಯೊ ವೈರಲ್
ಭಾರತ ತಂಡ ಮುಂದಿನ ಪಂದ್ಯದಲ್ಲಿ ಬಲಿಷ್ಠ ಕುವೈತ್ ವಿರುದ್ಧ ಆಡಲಿದೆ. ಕುವೈತ್ ಕೂಡ ಈಗಾಗಲೇ ಸೆಮಿಫೈನಲ್ಗೆ ಲಗ್ಗೆಯಿಟಿದೆ. ಹೀಗಾಗಿ ಇಲ್ಲಿ ಯಾರೇ ಸೋತರೂ ತಂಡಕ್ಕೆ ಹಿನ್ನಡೆಯಾಗದು. ಗೆದ್ದರೆ ಗ್ರೂಪ್ನಲ್ಲಿ ಅಗ್ರಸ್ಥಾನ ಸಿಗಲಿದೆ. ಈ ಪಂದ್ಯ ಜೂನ್ 27ಕ್ಕೆ ನಡೆಯಲಿದೆ.