ನವದೆಹಲಿ: ಭಾನುವಾರ ನಡೆದ ಅಫ್ಘಾನಿಸ್ತಾನ(England vs Afghanistan) ವಿರುದ್ಧದ ಪಂದ್ಯದ ಇಂಗ್ಲೆಂಡ್ ತಂಡದ ಸ್ಟಾರ್ ಆಲ್ರೌಂಡರ್ ಸ್ಯಾಮ್ ಕರನ್(Sam Curran) ಅವರು ಬೌಂಡರಿ ಲೈನ್ ಬಳಿ ಕ್ಯಾಮೆರಾ ತಳ್ಳಿ ಹಾಕಿದ(Sam Curran pushes camera) ಘಟನೆ ನಡೆದಿದೆ. ಇದಕ್ಕೆ ಕಾರಣ ಅವರ ಓವರ್ನಲ್ಲಿ ಸೋರಿಕೆಯಾದ 20 ರನ್ಗಳು. ಈ ವಿಡಿಯೊ ವೈರಲ್ ಆಗಿದೆ(Viral Video).
ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಅಫ್ಘಾನಿಸ್ತಾನ ಉತ್ತಮ ಆರಂಭ ಪಡೆಯಿತು. ಆರಂಭಿಕ ಆಟಗಾರ ರಹಮತುಲ್ಲಾ ಗುರ್ಬಾಜ್ ಅವರು ಆಂಗ್ಲ ಬೌಲರ್ಗಳ ಮೇಲೆರಗಿ ಹೊಡಿಬಡಿ ಆಟದ ಮೂಲಕ ಸಿಕ್ಸರ್ ಮತ್ತು ಬೌಂಡರಿಗಳ ಸುರಿಮಳೆಯನ್ನೇ ಸುರಿಸಿದರು. ಅವರ ಆಕ್ರಮಣಕಾರಿ ಆಟಕ್ಕೆ ಪವರ್ ಪ್ಲೇಯಲ್ಲಿ ಬೌಲಿಂಗ್ ನಡೆಸಲು ಬಂದ ಸ್ಯಾಮ್ ಕರನ್ 20 ರನ್ ಹೊಡೆಸಿಕೊಂಡರು.
20 ರನ್ ಬಿಟ್ಟುಕೊಟ್ಟ ಸಿಟ್ಟಿನಲ್ಲಿ ಓವರ್ ಮುಗಿದ ಬಳಿಕ ಸ್ಯಾಮ್ ಬೌಂಡರಿ ಲೈನ್ ಬಳಿ ಫೀಲ್ಡಿಂಗ್ ನಡೆಸಲು ಮುಂದಾದರು. ಇದೇ ವೇಳೆ ಕ್ಯಾಮೆರಮೇನ್ ಸ್ಯಾಮ್ ಬಳಿ ತನ್ನ ಕ್ಯಾಮರ ಫೋಕಸ್ ಮಾಡಿದರು. ಮೊದಲೇ ಸಿಟ್ಟಿನಲ್ಲಿದ್ದ ಸ್ಯಾಮ್ ಕರನ್ ಈ ಸಿಟ್ಟನ್ನು ಕ್ಯಾಮರದ ಮೇಲೆ ತೋರಿಸಿಕೊಂಡರು. ಕ್ಯಾಮೆರಾವನ್ನು ಜೋರಾಗಿ ತಲ್ಲಿ ಏನೋ ಬೈದರು. ಈ ವಿಡಿಯೊ ವೈರಲ್ ಆಗಿದ್ದು ಇದು ನಿಜಕ್ಕೂ ಕ್ರೀಡಾಸ್ಫೂರ್ತಿಗೆ ವಿರುದ್ಧವಾಗಿದೆ ಎಂದು ಕೆಲ ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ. ಐಸಿಸಿ ನೀತಿ ಸಂಹಿತೆ ಪ್ರಕಾರ ಸ್ಯಾಮ್ ಕನ್ಗೆ ದಂಡ ಬೀಳುವ ಸಾಧ್ಯತೆ ಇದೆ.
Very Very Bad behavior from Sam Curran
— Asmar Hassan (@AsmarHassan20) October 15, 2023
Shame on you This behavior not suits to
a sports man🤬#CWC23#CWC23#INDvsPAK#INDvsPAK#INDvsPAK | #PAKvIND | #PAKvsIND#INDvsPAK #PAKvIND!#INDvsPAKINDvPAK #ODIWorldCup2023 #ICCWorldCup2023 #INDvsPAK#IndiaVsPakistan #Abhiya pic.twitter.com/C5tNxbjlfV
ಒಟ್ಟು 4 ಓವರ್ ಬೌಲಿಂಗ್ ನಡೆಸಿ ಸ್ಯಾಮ್ ಕರನ್ 46 ರನ್ ಬಿಟ್ಟುಕೊಟ್ಟು ವಿಕೆಟ್ ಲೆಸ್ ಎನಿಸಿಕೊಂಡರು. ಬ್ಯಾಟಿಂಗ್ನಲ್ಲಿಯೂ ವೈಫಲ್ಯ ಕಂಡರು. ಕೇವಲ 10 ರನ್ ಗಳಿಸಿ ವಿಕೆಟ್ ಕಳೆದುಕೊಂಡರು. ಈ ಬಾರಿಯ ಐಪಿಎಲ್ನಲ್ಲಿಯೂ ಅವರು ಕಮಾಲ್ ಮಾಡಲು ವಿಫಲರಾಗಿದ್ದರು.
ಪಂದ್ಯ ಗೆದ್ದ ಅಫಘಾನಿಸ್ತಾನ
ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಬ್ಯಾಟಿಂಗ್ಗೆ ಪೂರಕವಾಗಿರುವ ಪಿಚ್ನಲ್ಲಿ ಚೇಸ್ ಮಾಡಿ ಗೆಲ್ಲುವುದು ಸುಲಭ ಎಂಬ ಲೆಕ್ಕಾಚಾರದೊಂದಿಗೆ ಈ ನಿರ್ಧಾರ ತೆಗೆದುಕೊಂಡಿತು. ಜತೆಗೆ ಅಫಘಾನಿಸ್ತಾನ ತಂಡವನ್ನು ಕಡಿಮೆ ಮೊತ್ತಕ್ಕೆ ಕಟ್ಟಿ ಹಾಕುವ ಉದ್ದೇಶ ಹೊಂದಿತ್ತು. ಆಂತೆಯೇ ಮೊದಲು ಬ್ಯಾಟ್ ಮಾಡಿದ ಅಫಘಾನಿಸ್ತಾನ ತಂಡ 49.5 ಓವರ್ಗಳಲ್ಲಿ 284 ರನ್ ಬಾರಿಸಿತು. ಸ್ಪರ್ಧಾತ್ಮಕ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ 40.3 ಓವರ್ಗಳಲ್ಲಿ 215 ರನ್ಗಳಿಗೆ ಆಲ್ಔಟ್ ಆಗುವ ಮೂಲಕ ಸೋಲೊಪ್ಪಿಕೊಂಡಿತು.
ಇದನ್ನೂ ಓದಿ ICC World Cup 2023: ವಿಶ್ವಕಪ್ ಇತಿಹಾಸದಲ್ಲೇ ಆಸ್ಟ್ರೇಲಿಯಾಕ್ಕೆ ಭಾರಿ ಮುಖಭಂಗ
2019ರ ವಿಶ್ವಕಪ್ನಲ್ಲಿ ಮ್ಯಾಂಚೆಸ್ಟರ್ನಲ್ಲಿ ನಡೆದ ಪಂದ್ಯದಲ್ಲಿ ಅಫಘಾನಿಸ್ತಾನ ತಂಡ ಇಂಗ್ಲೆಂಡ್ ವಿರುದ್ಧ 150 ರನ್ಗಳ ಹೀನಾಯ ಸೋಲಿಗೆ ಒಳಗಾಗಿತ್ತು. ಇದೀಗ ಈ ಸೇಡನ್ನು ತೀರಿಸಿಕೊಂಡಿದೆ. ಆಂಗ್ಲರಿಗೆ ಅಚ್ಚರಿಯ ಸೋಲಿನ ಶಾಕ್ ನೀಡಿದೆ. ಇತ್ತಂಡಗಳ ಮೂರನೇ ಮುಖಾಮುಖಿ ಇದಾಗಿತ್ತು. 2015ರಲ್ಲಿ ಹಾಗೂ 2019ರಲ್ಲಿ ಇಂಗ್ಲೆಂಡ್ ಪಾರಮ್ಯ ಮೆರೆದಿತ್ತು. ಇದೀಗ ನವ ದೆಹಲಿಯಲ್ಲಿ ಆಫ್ಘನ್ ಗೆದ್ದು ಬೀಗಿದೆ. ಈ ಫಲಿತಾಂಶವನ್ನು ಕ್ರಿಕೆಟ್ ಪಂಡಿತರು ಯಾರೂ ನಿರೀಕ್ಷೆ ಮಾಡಿರಲಿಲ್ಲ. ಆದರೆ, ಕ್ರಿಕೆಟ್ನಲ್ಲಿ ಏನು ಬೇಕಾದರೂ ನಡೆಯಬಹುದು ಎಂಬುದಕ್ಕೆ ಈ ಫಲಿತಾಂಶವೇ ಮತ್ತೊಂದು ಸಾಕ್ಷಿ ಎನಿಸಿತು. ಈ ಗೆಲುವಿನಿಂದ ಆಫ್ಘನ್ ಆತ್ಮವಿಶ್ವಾಸ ಹೆಚ್ಚಿದರಲ್ಲಿ ಯಾವುದೇ ಅನುಮಾನವಿಲ್ಲ. ಜತೆಗೆ ಬಲಿಷ್ಠ ತಂಡಗಳಿಗೂ ಭಯವೊಂದು ನಿರ್ಮಾಣವಾಗಿದೆ.