ದುಬೈ: ಭಾರತ ಸ್ಟಾರ್ ಟೆನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ (Sania Mirza) ತಮ್ಮ 20 ವರ್ಷಗಳ ದೀರ್ಘ ಅವಧಿಯ ವೃತ್ತಿ ಟೆನಿಸ್ ಅನ್ನು ಸೋಲಿನೊಂದಿಗೆ ಕೊನೆಗೊಳಿಸಿದ್ದಾರೆ. ಫೆಬ್ರವರಿ 21ರಂದು ನಡೆದ ಡಬ್ಲ್ಯುಟಿಎ ದುಬೈ ಡ್ಯೂಟಿ ಫ್ರೀ ಚಾಂಪಿಯನ್ಷಿಪ್ನ ಮಹಿಳೆಯರ ಡಬಲ್ಸ್ನಲ್ಲಿ ಅಮೆರಿಕದ ಜತೆಗಾರ್ತಿ ಮ್ಯಾಡಿಸನ್ ಕೀಸ್ ಅವರೊಂದಿಗೆ ಕಣಕ್ಕಿಳಿದ ಸಾನಿಯಾ ಮಿರ್ಜಾ, ರಷ್ಯಾದ ಜೋಡಿ ವೆರ್ನೊಕಿಯಾ ಕುಡೆರ್ಮೆಟೋವಾ ಮತ್ತು ಲ್ಯೂಡ್ಮಿಲಾ ಸ್ಯಾಮ್ಸೊನೊವಾವ ವಿರುದ್ಧ 46,0-6 ನೇರ ಸೆಟ್ಗಳಿಂದ ಸೋಲು ಕಂಡರು.
ಕೊನೇ ಪಂದ್ಯವಾಡಿದ ಸಾನಿಯಾ ಅವರ ವಿಡಿಯೊ
25 ವರ್ಷದ ವೆರೋನಿಕಾ ಸಿಂಗಲ್ಸ್ನಲ್ಲಿ 11ನೇ ರ್ಯಾಂಕ್ ಹೊಂದಿದ್ದು ಡಬಲ್ಸ್ನಲ್ಲಿ ಐದನೇ ರ್ಯಾಂಕ್ ಪಡೆದುಕೊಂಡಿದ್ದಾರೆ. ಲ್ಯುಡಿಮಿಲಾ ಡಬಲ್ಸ್ನಲ್ಲಿ 13ನೇ ರ್ಯಾಂಕ್ ಪಡೆದುಕೊಂಡಿದ್ದಾರೆ.
ಇದನ್ನೂ ಓದಿ: WPL 2023: ಆರ್ಸಿಬಿ ತಂಡಕ್ಕೆ ಸಾನಿಯಾ ಮಿರ್ಜಾ ಮೆಂಟರ್
36 ವರ್ಷದ ಸಾನಿಯಾ ಮಿರ್ಜಾ 2003ರಲ್ಲಿ ಸ್ಪರ್ಧಾತ್ಮಕ ಟೆನಿಸ್ಗೆ ಇಳಿದಿದ್ದರು. ಆ ಬಳಿಕ ಅವರು ಆರು ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಅದರಲ್ಲಿ ಮೂರು ಸ್ವಿಜರ್ಲೆಂಡ್ನ ಮಾರ್ಟಿನಾ ಹಿಂಗಿಸ್ ಜತೆ ಗೆದ್ದಿದ್ದಾರೆ. ಅದೇ ರೀತಿ ಮಹೇಂಶ್ ಭೂಪತಿ ಜತೆ 2009ರಲ್ಲಿ ಆಸ್ಟ್ರೇಲಿಯಾ ಓಪನ್ ಹಾಗೂ 2012ರಲ್ಲಿ ಫ್ರೆಂಚ್ ಓಪನ್ ಟ್ರೋಫಿ ಗೆದ್ದಿದ್ದರು. ಅದೇ ರೀತಿ ಬ್ರುನೊ ಸೋರಸ್ ಜತೆ ಯುಎಸ್ ಓಪನ್ ಪ್ರಶಸ್ತಿ ಗೆದ್ದುಕೊಂಡಿದ್ದರು.