ನವ ದೆಹಲಿ: ಡಿಸೆಂಬರ್ 21 ರಂದು ನಡೆದ ಚುನಾವಣೆಯಲ್ಲಿ ಪ್ರತಿಸ್ಪರ್ಧಿ ಅನಿತಾ ಶಿಯೋರನ್ ಅವರನ್ನು ಸೋಲಿಸಿದ ಸಂಜಯ್ ಸಿಂಗ್ ಡಬ್ಲ್ಯುಎಫ್ಐ (Wrestling Federation of India) ನೂತನ ಅಧ್ಯಕ್ಷರಾಗಿ ಅಯ್ಕೆಯಾಗಿದ್ದಾರೆ. ಸಂಜಯ್ ಸಿಂಗ್ ಒಕ್ಕೂಟದ ಮಾಜಿ ಅಧ್ಯಕ್ಷ ಹಾಗೂ ಕುಸ್ತಿ ಕ್ಷೇತ್ರದ ಪ್ರಭಾವಿ ವ್ಯಕ್ತಿ ಹಾಗೂ ಲೈಂಗಿಕ ಕಿರುಕುಳದ ಆರೋಪಿ ಬ್ರಿಜ್ ಭೂಷಣ್ ಸಿಂಗ್ ಬಣಕ್ಕೆ ಸೇರಿದವರು ಎಂದು ನಂಬಲಾಗಿದೆ. ಒಟ್ಟು 47 ಮತಗಳಲ್ಲಿ ಸಂಜಯ್ ಸಿಂಗ್ 40 ಮತಗಳನ್ನೂ ಪಡೆಯುವ ಮೂಲಕ ಪೂರ್ಣ ಬಹುಮತ ಪಡೆದುಕೊಂಡಿದ್ದಾರೆ. ಏತನ್ಮಧ್ಯೆ, ಶಿಯೋರನ್ ಬಣಕ್ಕೆ ಸೇರಿದ ಆರ್ಎಸ್ಪಿಬಿ ಕಾರ್ಯದರ್ಶಿ ಪ್ರೇಮ್ ಚಂದ್ ಲೋಚಾಬ್ ಪ್ರಧಾನ ಕಾರ್ಯದರ್ಶಿ ಹುದ್ದೆಗೆ ಆಯ್ಕೆಯಾಗಿದ್ದಾರೆ.
Breaking! Brij Bhushan Sharan Singh's backed president candidate Sanjay Singh wins wrestling body's election. He polled 40 votes. RSPB secy Lochab who was from Anita Sheoran's panel wins secy general post. @thetribunechd
— Vinayak Padmadeo (@Padmadeo) December 21, 2023
ಈ ಹಿಂದೆ ವರದಿಯಾದಂತೆ ಪ್ರತಿಭಟನಾನಿರತ ಕುಸ್ತಿಪಟುಗಳು ಸಂಜಯ್ ಸಿಂಗ್ ಅವರ ಉಮೇದುವಾರಿಕೆ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದರು. ಅವರು ಶಿಯೋರನ್ ಅವರನ್ನು ಬೆಂಬಲಿಸಿದ್ದರು. ಈಗ, ಪ್ರತಿಭಟನಾ ಗುಂಪು ಮತ್ತೊಮ್ಮೆ ಧರಣಿ ನಡೆಸಬಹುದು ಎಂದು ಹೇಳಲಾಗಿದೆ. ಅದನ್ನು ತಕ್ಷಣವೇ ಅವರು ಪ್ರಕಟಿಸಬಹುದು.
Sanjay Singh emerges as the new WFI President, while Prem Chand Lochab takes on the role of Secretary General.
— nnis (@nnis_sports) December 21, 2023
Out of 47 votes cast, Sanjay secures 40, leaving Anita with just 7. 🏆🗳️
#WFIElection #WFI #WrestlersProtest #SanjaySingh #BrijBhushanSingh pic.twitter.com/qAwfrVWBdp
ಎಲ್ಲಿಂದ ಆರಂಭ
ಸುಮಾರು ಒಂದು ವರ್ಷದ ಹಿಂದೆ, ಬ್ರಿಜ್ ಭೂಷಣ್ ಸಿಂಗ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿದ ಮಹಿಳಾ ಕುಸ್ತಿಪಟುಗಳು ಅವರನ್ನು ಮುಖ್ಯ ಹುದ್ದೆಯಿಂದ ತೆಗೆದುಹಾಕುವಂತೆ ಒತ್ತಾಯಿಸಿದ್ದರು. ಭಾರತದ ಅಗ್ರ ಕುಸ್ತಿಪಟುಗಳಾದ ವಿನೇಶ್ ಫೋಗಟ್, ಸಾಕ್ಷಿ ಮಲಿಕ್ ಮತ್ತು ಬಜರಂಗ್ ಪೂನಿಯಾ ಜಂತರ್ ಮಂತರ್ನಲ್ಲಿ ಪ್ರತಿಭಟನೆ ನಡೆಸಿದ್ದರು. ಹಲವು ಬೆಳವಣಿಗೆಗಳ ಬಳಿಕ ಜೂನ್ನಲ್ಲಿ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ (354, 354 ಎ ಮತ್ತು 354 ಡಿ) ಅಡಿ ಬ್ರೂಜ್ ಭೂಷಣ್ ಸಿಂಗ್ ವಿರುದ್ಧ ಡೆಲ್ಲಿ ಪೊಲೀಸರು ಪ್ರಕರಣ ದಾಖಲಿಸಿ ಚಾರ್ಜ್ಶೀಟ್ ಸಲ್ಲಿಕೆ ಮಾಡಿದ್ದರು.
ಇದನ್ನೂ ಓದಿ : ಖೇಲ್‌ ರತ್ನ ಸಿಗದ ನಿರಾಸೆಯಲ್ಲಿ ಕೋರ್ಟ್ ಮೆಟ್ಟಿಲೇರಲು ಮುಂದಾದ ಜ್ಯೋತಿ ಸುರೇಖಾ
ಹಲವು ವಿಳಂಬಗಳ ಬಳಿಕ ಚುನಾವಣೆ
ಡಬ್ಲ್ಯುಎಫ್ಐ ಚುನಾವಣೆಯ ಮೊದಲ ದಿನಾಂಕವನ್ನು ಮೇ 7 ಎಂದು ನಿಗದಿಪಡಿಸಲಾಗಿತ್ತು. ಆದರೆ ಕುಸ್ತಿಪಟುಗಳು ಮತ್ತೆ ಪ್ರತಿಭಟಿಸಲು ನಿರ್ಧರಿಸಿದ ನಂತರ ಕ್ರೀಡಾ ಸಚಿವಾಲಯವು ಮುಂದೂಡಿತು. ಜುಲೈನಲ್ಲಿ ಒಂದೆರಡು ಬಾರಿ ದಿನಾಂಕಗಳನ್ನು ಬದಲಾಯಿಸಲಾಯಿತು. ರಾಜ್ಯ ಕುಸ್ತಿ ಸಂಸ್ಥೆಗಳು ಮತದಾನದ ಹಕ್ಕನ್ನು ಕೇಳಿದವು. ಪಂಜಾಬ್ ಮತ್ತು ಹರಿಯಾಣ ಹೈಕೋರ್ಟ್ ತಡೆಯಾಜ್ಞೆ ನೀಡಿದ ನಂತರ ಆಗಸ್ಟ್ 12 ರ ಚುನಾವಣಾ ದಿನಾಂಕದಂದು ಮತ್ತೊಂದು ವಿಳಂಬವಾಯಿತು. ಇದೀಗ ಚುನಾವಣೆ ನಡೆದು ಸಂಜಯ್ ಸಿಂಗ್ ಆಯ್ಕೆಯಾಗಿದ್ದಾರೆ.