ಮುಂಬಯಿ: ಟೀಮ್ ಇಂಡಿಯಾ ಗುರುವಾರ ನಡೆದ ವಿಶ್ವಕಪ್ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ಅಮೋಘ ಗೆಲುವು ಸಾಧಿಸಿ ಸೆಮಿಫೈನಲ್ ಪ್ರವೇಶಿಸಿದೆ. ಇದೇ ಪಂದ್ಯದಲ್ಲಿ 92 ರನ್ ಗಳಿಸಿದ ವೇಳೆ ಶುಭಮನ್ ಗಿಲ್ ಅವರು ವಿಕೆಟ್ ಕೈಚೆಲ್ಲಿ ಕೇವಲ 8 ರನ್ ಅಂತರದಲ್ಲಿ ಶತಕ ವಂಚಿತರಾದರು. ಗಿಲ್ ಔಟಾಗುತ್ತಿದ್ದಂತೆ ಪ್ರೇಕ್ಷಕರ ಗ್ಯಾಲರಿಯಲ್ಲಿದ್ದ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಕೂಡ ಬೇಸರಗೊಂಡಿದ್ದಾರೆ. ಈ ವಿಡಿಯೊ ವೈರಲ್ ಆಗಿದೆ.
8 ರನ್ಗಳಿಸಿದ ವೇಳೆ ಜೀವದಾನ ಪಡೆದ ಗಿಲ್ ಅವರು ಆರಂಭದಲ್ಲಿ ಅತ್ಯಂತ ನಿಧಾನಗತಿಯ ಬ್ಯಾಟಿಂಗ್ ನಡೆಸಿದರು. ಆ ಬಳಿಕ ವಿರಾಟ್ ಕೊಹ್ಲಿ ಜತೆ ಉತ್ತಮ ಇನಿಂಗ್ಸ್ ಕಟ್ಟಿದ ಅವರು ಅರ್ಧಶತಕ ಗಳಿಸಿದ ತಕ್ಷಣ ಬಿರುಸಿನ ಆಟಕ್ಕೆ ಒತ್ತ ನೀಡಿದರು. ಸಿಕ್ಸರ್ ಮತ್ತು ಬೌಂಡರಿಗಳ ಮೂಲಕ ಶತಕ ಬಾರಿಸುವ ಸೂಚನೆ ನೀಡಿದರು. ಬೌಂಡರಿ ಬಾರಿಸಿ 92 ರನ್ಗಳಿಸಿದ ವೇಳೆ ಮುಂದಿನ ಎಸೆತವನ್ನು ‘ಹುಕ್ ಶಾಟ್’ ಹೊಡೆಯುವ ಯತ್ನದಲ್ಲಿ ಎಡವಿ ಕೀಪರ್ ಕೈಗೆ ಕ್ಯಾಚ್ ನೀಡಿದರು. ಔಟಾದ ಬೇಸರದಲ್ಲಿ ಗಿಲ್ ತಮ್ಮ ಕೈಗಳನ್ನು ಬ್ಯಾಟ್ಗೆ ಬಡಿದು ನಿರಾಸೆಯಿಂದ ಪೆವಿಲಿಯನ್ ಕಡೆಗೆ ಹೆಚ್ಚೆ ಹಾಕಿದರು.
ಗಿಲ್ ಅವರು ಔಟಾಗುತ್ತಿದ್ದಂತೆ ಗ್ಯಾಲರಿಯಲ್ಲಿದ್ದ ಪ್ರೇಕ್ಷರು ಕೂಡ ಶತಕದಿಂದ ವಂಚಿತರಾದರಲ್ಲ ಎಂದು ಬೇಸರಗೊಂಡರು. ಅತ್ತ ಗಿಲ್ ಅವರ ಪ್ರೇಯಸಿ ಎಂದು ಹೇಳಲಾಗುತ್ತಿರುವ ಸಾರಾ ತೆಂಡೂಲ್ಕರ್ ಕೂಡ ಗಿಲ್ ಶತಕ ತಪ್ಪಿಸಿಕೊಂಡ ಬೇಸರದಲ್ಲಿ ತಲೆ ಕೆಳಗೆ ಹಾಕಿ ತಮ್ಮ ಮುಖವನ್ನು ಎರಡು ಕೈಗಳಿಂದ ಮರೆಮಾಡಿದರು. ಬಳಿಕ ಉತ್ತಮ ಆಟವಾಡಿದಕ್ಕೆ ಪ್ರೋತ್ಸಾಹಿಸುವ ಸಲುವಾಗಿ ಚಪ್ಪಾಳೆ ತಟ್ಟಿದರು. ಈ ದೃಶ್ಯವನ್ನು ಕ್ಯಾಮೆರಮೇನ್ ಸೆರೆಹಿಡಿದಿದ್ದಾರೆ. ನೆಟ್ಟಿಗರು ಈ ದೃಶ್ಯವನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡು ತಮ್ಮದೇ ಆದ ಕಲ್ಪನೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.
Sara Tendulkar. 💔😭 #ShubmanGill #INDvsSL pic.twitter.com/xjcfcjIRN3
— Atishay Jain (@AtishayyJain96) November 2, 2023
ಗಿಲ್ ಅವರು ವಿರಾಟ್ ಜತೆ ಸೇರಿಕೊಂಡು ಉತ್ತಮ ಜತೆಯಾಟ ನಿಭಾಯಿಸುವ ಮೂಲಕ ದ್ವಿತೀಯ ವಿಕೆಟ್ಗೆ ಬರೋಬ್ಬರಿ 189 ರನ್ ಒಟ್ಟು ಸೇರಿಸಿದ್ದರು. ಒಟ್ಟು 92 ಎಸೆತಗಳಿಂದ 92 ರನ್ ಗಳಿಸಿ ಮಧುಶಂಕ ಅವರಿಗೆ ವಿಕೆಟ್ ಒಪ್ಪಿಸಿದರು. ಅವರ ಈ ಇನಿಂಗ್ಸ್ನಲ್ಲಿ 2 ಸಿಕ್ಸರ್ ಮತ್ತು 11 ಬೌಂಡರಿ ಸಿಡಿದಿತ್ತು.
ರೆಸ್ಟೋರೆಂಟ್ನಲ್ಲಿ ಜತೆಯಾಗಿ ಕಾಣಿಸಿಕೊಂಡಿದ್ದ ಸಾರಾ-ಗಿಲ್
ಈ ಪಂದ್ಯವನ್ನಾಡಲು ಟೀಮ್ ಇಂಡಿಯಾದ ಆಟಗಾರರ ಮುಂಬೈಗೆ ಬಂದಿದ್ದ ವೇಳೆ ಶುಭಮನ್ ಗಿಲ್ ಮತ್ತು ಸಾರಾ ಅವರು ರೆಸ್ಟೋರೆಂಟ್ನಲ್ಲಿ ಜತೆಯಾಗಿ ಕಾಣಿಸಿಕೊಂಡಿದ್ದರು. ಇಬ್ಬರು ಜತೆಯಾಗಿ ಕಾಣಿಸಿಕೊಂಡ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.
ಇದನ್ನೂ ಓದಿ IND vs SL: ಜಹೀರ್ ಖಾನ್,ಜಾವಗಲ್ ಶ್ರೀನಾಥ್ ದಾಖಲೆ ಮುರಿದ ಮೊಹಮ್ಮದ್ ಶಮಿ
ಈ ವಿಡಿಯೊದಲ್ಲಿ ರೆಸ್ಟೋರೆಂಟ್‌ನಿಂದ ಶುಭಮನ್ ಗಿಲ್ ಮತ್ತು ಸಾರ ಜತೆಯಾಗಿ ಹೊರಬರುತ್ತಿರುವುದು ಕಾಣಬಹುದಾಗಿದೆ. ಸಾರಾ ಜತೆಗೆ ಬರುತ್ತಿರುವುದನ್ನು ಪಾಪರಾಜಿಗಳು ಕಂಡ ತಕ್ಷಣ ಶುಭಮನ್ ಗಿಲ್ ತನಗೇನು ತಿಳಿಯದವರಂತೆ ತಪ್ಪಿಸಿಕೊಳ್ಳಲು ಯತ್ನಿಸಿದ್ದರು. ಇದೊಂದು ಅಚಾನಕ್ ಮುಖಾಮುಖಿ ಎಂಬಂತೆ ತಮ್ಮ ಪತವನ್ನು ಬದಲಿಸಿ ಒಮ್ಮೆ ಅತ್ತಿಂದಿತ್ತ ಇತ್ತಿಂದತ್ತ ನಡೆದಿದ್ದರು. ಬಳಿಕ ತಮ್ಮ ಮೊಬೈಲ್ ಫೋನ್ ತೆಗೆದು ಒಂದೆರಡು ಬಾರಿ ನೋಡಿದವರಂತೆ ಮಾಡಿದ್ದರು. ಇದೆಲ್ಲ ವಿಡಿಯೊದಲ್ಲಿ ಸೆರೆಯಾಗಿತ್ತು. ಅಂತು ಇವರಿಬ್ಬರು ಪ್ರೀತಿಯಲ್ಲಿ ಇದ್ದಾರೆ ಹಲವು ಘಟನೆಯಿಂದ ಸಾಬೀತಾಗುತ್ತಿದೆ. ಇದಕ್ಕೆ ಅಧಿಕೃತ ಮುದ್ರೆಯೊಂದೆ ಬೀಳಲು ಬಾಕಿ ಉಳಿದಿದೆ.