Ind vs Eng : ಎರಡನೇ ದಿನದಾಟ ಅಂತ್ಯ, ಇಂಗ್ಲೆಂಡ್ ತಂಡದ ಮೇಲುಗೈ

Sukhesha Padibagilu

9 ತಿಂಗಳುಗಳು ago

ರಾಂಚಿ: ಇಲ್ಲಿನ ಜಾರ್ಖಂಡ್ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಮ್ನಲ್ಲಿ ನಡೆಯುತ್ತಿರುವ ಟೆಸ್ಟ್ ಸರಣಿಯ (Ind vs Eng) ನಾಲ್ಕನೇ ಪಂದ್ಯದಲ್ಲಿ ಪ್ರವಾಸಿ ಇಂಗ್ಲೆಂಡ್ ತಂಡ ಮೇಲುಗೈ ಸಾಧಿಸುತ್ತಿದೆ. ಇಂಗ್ಲೆಂಡ್ ತಂಡ ಬಾರಿಸಿರುವ 353 ರನ್ಗಳಿಗೆ ಪ್ರತಿಯಾಗಿ ಬ್ಯಾಟ್ ಮಾಡುತ್ತಿರುವ ಭಾರತ 7 ವಿಕೆಟ್ ನಷ್ಟಕ್ಕೆ 219 ರನ್ ಬಾರಿಸಿದ್ದಾರೆ. 2 ನೇ ದಿನದ ಮೊದಲ ಸೆಷನ್ ಅನ್ನು ಹೊರತುಪಡಿಸಿದರೆ ಪ್ರವಾಸಿ ತಂಡ ಪ್ರಾಬಲ್ಯ ಸಾಧಿಸಿತು. ಬೆನ್ಸ್ಟೋಕ್ಸ್ ಬಳ ದೊಡ್ಡ ಸ್ಕೋರ್ ಗಳಿಸಿದ್ದಲ್ಲದೆ, ಭಾರತೀಯರಿಗೆ ಬ್ಯಾಟಿಂಗ್ ವಿಭಾಗ ಕುಸಿಯುವಂತೆ ಮಾಡಿದರು. ಜೋ ರೂಟ್ ಅಜೇಯ 122 ರನ್ ಗಳಿಸಿ ಮಿಂಚಿದರೆಶೋಯೆಬ್ ಬಶೀರ್ ನಾಲ್ಕು ವಿಕೆಟ್ ಪಡೆದಿದ್ದಾರೆ.

Saying it For the millionth time… We shouldn't be preparing these slow turners with uneven bounce!!

These pitches reduce the skill gap!
Even newbies like Bashir and part timers like Root become world class here!

Also fxck Umpires' Call!!!#INDvENG pic.twitter.com/bt3Up6ppOo
— 🔰Aashish Shukla🔰 (@Aashish_Shukla7) February 24, 2024

ಮೊದಲ ದಿನದಾಟದ ಅಂತ್ಯಕ್ಕೆ 7 ವಿಕೆಟ್ ನಷ್ಟಕ್ಕೆ 302 ರನ್ ಬಾರಿಸಿದ್ದ ಇಂಗ್ಲೆಂಡ್ ತಂಡ ಶನಿವಾರ ಬೆಳಗ್ಗೆ ಅದಕ್ಕೆ 51 ರನ್ ಸೇರಿಸಿತು. ಒಲಿ ರಾಬಿನ್ಸನ್ (58) ತಮ್ಮ ಚೊಚ್ಚಲ ಟೆಸ್ಟ್ ಅರ್ಧಶತಕವನ್ನು ಬಾರಿಸಿದರು. ಅವರು 96 ಎಸೆತಕ್ಕೆ ಬಳಸಿಕೊಂಡು 9 ಪೋರ್ ಹಾಗೂ 1 ಸಿಕ್ಸರ್ ಬಾರಿಸಿದರು. 274 ಎಸೆತ ಬಳಸಿಕೊಂಡಿರುವ ರೂಟ್ 122 ರನ್ ಬಾರಿಸಿ ಅಜೇಯರಾಗಿ ಉಳಿದರು ಭಾರತದ ಪರ ರವೀಂದ್ರ ಜಡೇಜಾ 3 ವಿಕೆಟ್ ಪಡೆದು ಮಿಂಚಿದರು.

ಇದನ್ನೂ ಓದಿ : Sarfaraz Khan : ರಣಜಿ ಟ್ರೋಫಿಯಲ್ಲಿ ಇತಿಹಾಸ ಸೃಷ್ಟಿಸಿದ ಸರ್ಫರಾಜ್ ಖಾನ್ ಸಹೋದರ

ಸ್ಪರ್ಧಾತ್ಮಕ ಮೊತ್ತಕ್ಕೆ ಪ್ರತಿಯಾಗಿ ಆಡಿದ ಭಾರತ ತಂಡ ಬ್ಯಾಟಿಂಗ್ ಕುಸಿತವನ್ನು ಎದುರಿಸಿತು. ರೋಹಿತ್ ಶರ್ಮಾ ಕೇವಲ 2 ರನ್ಗಳಿಗೆ ಔಟಾಗಿ ಟೀಕೆಗೆ ಒಳಗಾದರು. ಆರಂಭಿಕ ಬ್ಯಾಟರ್ ಯಶಸ್ವಿ ಜೈಸ್ವಾಲ್ 73 ರನ್ ಬಾರಿಸಿ ಮತ್ತೊಮ್ಮೆ ತಮ್ಮ ಬ್ಯಾಟಿಂಗ್ ವೈಭವ ತೋರಿದರು. ಆದರೆ, ಇಂಗ್ಲೆಮಡ್ ಸ್ಪಿನ್ನರ್ಗಳಾದ ಶೋಯೆಬ್ ಬಶೀರ್ (84 ರನ್ಗಳಿಗೆ 4 ವಿಕೆಟ್ ) ಹಾಗೂ ಟಾಮ್ ಹಾರ್ಟ್ಲೆ 47 ರನ್ಗಳಿಗೆ 2 ವಿಕೆಟ್ ಪಡೆದರು. ಇವರಿಬ್ಬರು ಭಾರತದ ಬ್ಯಾಟಿಂಗ್ ಬಲವನ್ನು ಕುಗ್ಗಿಸಿದರು.

An incredible day for Shoaib Bashir 🔥

Thank you, @CountyChamp admin 😂

🇮🇳 #INDvENG 🏴󠁧󠁢󠁥󠁮󠁧󠁿 #EnglandCricket pic.twitter.com/wtDZHGpuza
— England Cricket (@englandcricket) February 24, 2024

ಭಾರತ ಪರ ರಜತ್ ಪಾಟೀದಾರ್ 17 ರನ್ ಬಾರಿಸಿ ಮತ್ತೊಮ್ಮೆ ವೈಫಲ್ಯ ಕಂಡರೆ, ರವೀಂದ್ರ ಜಡೇಜಾ 2 ಸಿಕ್ಸರ್ ಸಮೇತ 12 ರನ್ ಬಾರಿಸಿ ಔಟಾದರು. ಸರ್ಫರಾಜ್ ಖಾನ್ 14 ರನ್ ಬಾರಿಸಿ ಜೊ ರೂಟ್ ಹಿಡಿದ ಅದ್ಭುತ ಕ್ಯಾಚ್ಗೆ ಬಲಿಯಾದರು. ದಿನದಾಟದ ಅಂತ್ಯಕ್ಕೆ ಧ್ರುವ್ ಜುರೆಲ್ 30 ರನ್ ಹಾಗೂ ಕುಲ್ದೀಪ್ ಯಾದವ್ 17 ರನ್ ಬಾರಿಸಿ ಔಟಾಗದೇ ಉಳಿದಿದ್ದಾರೆ.