ನವದೆಹಲಿ: ಪಾಕಿಸ್ತಾನದ ಕ್ರಿಕೆಟಿಗ ಶೋಯೆಬ್ ಮಲಿಕ್ ಮತ್ತೊಂದು ವಿವಾದದ ನಡುವೆ ಸಿಲುಕಿದ್ದಾರೆ. ಪ್ರಸ್ತುತ ನಡೆಯುತ್ತಿರುವ ಬಾಂಗ್ಲಾದೇಶ ಪ್ರೀಮಿಯರ್ ಲೀಗ್ (ಬಿಪಿಎಲ್) 2024ರಲ್ಲಿ ಆಡುತ್ತಿರುವ ಆಲ್ರೌಂಡರ್, ಮೈದಾನದಲ್ಲಿ ತಮ್ಮ ವರ್ತನೆಗಳಿಂದ ಸುದ್ದಿಯಲ್ಲಿದ್ದಾರೆ. ಎಕ್ಸ್ನಲ್ಲಿ ಕ್ರಿಕೆಟ್ ಅಭಿಮಾನಿಗಳು ಮ್ಯಾಚ್ ಫಿಕ್ಸಿಂಗ್ ಬಗ್ಗೆ ಊಹಾಪೋಹಗಳನ್ನು ವ್ಯಕ್ತಪಡಿದ್ದಾರೆ. ಇತ್ತೀಚೆಗೆ ಸಾನಿಯಾ ಮಿರ್ಜಾ ಅವರಿಂದ ಬೇರ್ಪಟ್ಟು ಸನಾ ಜಾವೇದ್ ಜತೆ ಮದುವೆಯಾಗಿದ್ದ ಮಲಿಕ್ ಇದೀಗ ಮೋಸದಾಟ ಆಡುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ.
ಢಾಕಾದ ಶೇರ್-ಎ-ಬಾಂಗ್ಲಾ ಕ್ರೀಡಾಂಗಣದಲ್ಲಿ ಸೋಮವಾರ (ಜನವರಿ 22) ಫಾರ್ಚೂನ್ ಬರಿಶಾಲ್ ಮತ್ತು ಖುಲ್ನಾ ಟೈಗರ್ಸ್ ನಡುವಿನ ಪಂದ್ಯದ ಸಮಯದಲ್ಲಿ, ಶೋಯೆಬ್ ಮಲಿಕ್ ಇದುವರೆಗೆ ಯಾರೂ ಮಾಡದ ಕೆಟ್ಟ ಬೌಲಿಂಗ್ ಮಾಡಿದ್ದಾರೆ. ಸ್ಪಿನ್ನರ್ ಆಗಿರುವ ಆಲ್ರೌಂಡರ್ 3 ನೋ ಬಾಲ್ಗಳನ್ನು ಎಸೆದಿದ್ದಾರೆ. ಅದೂ ಒಂದೇ ಓವರ್ನಲ್ಲಿ ಎಂಬುದೇ ಅಚ್ಚರಿ.
ಇದನ್ನು ಓದಿ : Karun Nair : ಐಪಿಎಲ್ನಲ್ಲಿ ಅನ್ ಸೋಲ್ಡ್; ಕೌಂಟಿ ಕಡೆಗೆ ಹೊರಟ ಕನ್ನಡಿಗ
ಬರಿಶಾಲ್ ತಂಡದ ಪರ ಆಡುತ್ತಿರುವ ಶೋಯೆಬ್ ಮಲಿಕ್ ಈ ಪಂದ್ಯದಲ್ಲಿ ಕೇವಲ ಒಂದು ಓವರ್ ಮಾತ್ರ ಎಸೆದಿದ್ದರು. ಅದರಲ್ಲಿ ಅವರು ಪ್ರಮಾದಗಳನ್ನೇ ಮಾಡಿದ್ದರು. ಟೈಗರ್ಸ್ ತಂಡದ ವೆಸ್ಟ್ ಇಂಡೀಸ್ ಬ್ಯಾಟರ್ ಎವಿನ್ ಲೂಯಿಸ್ ಅವರು ಹೆಚ್ಚಿನ ನೋ ಬಾಲ್ಗಳನ್ನು ಸದುಪಯೋಗ ಮಾಡಿಕೊಂಡರು. ಒಂದೇ ಓವರ್ನಲ್ಲಿ 18 ರನ್ಗಳನ್ನು ಹೊಡೆದರು. ಇದು ಎದುರಾಳಿ ತಂಡಕ್ಕೆ ರನ್ ವೇಗ ಹೆಚ್ಚಿಸಲು ಮತ್ತು ಪಂದ್ಯವನ್ನು ಗೆಲ್ಲಲು ಸಹಾಯ ಮಾಡಿತು.
ಶೋಯೆಬ್ ಮಲಿಕ್ ಅವರ ಮೂರು ನೋ ಬಾಲ್ ಗಳ ಸಮೇತ ಎವಿನ್ ಲೂಯಿಸ್ 22 ಎಸೆತಗಳಲ್ಲಿ 53 ರನ್ ಗಳಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ ಫಾರ್ಚೂನ್ ಬರಿಶಾಲ್ 187 ರನ್ಗಳ ಬೃಹತ್ ಮೊತ್ತವನ್ನು ಸೇರಿಸಿತು ಮುಷ್ಫಿಕರ್ ರಹೀಮ್ ಅಜೇಯ 68 ರನ್ ಸಿಡಿಸಿದ್ದರು. ನಾಯಕ ತಮೀಮ್ ಇಕ್ಬಾಲ್ 40 ರನ್ ಗಳಿಸಿದರು. ಕೊನೆಯಲ್ಲಿ ಮಹಮದುಲ್ಲಾ ತಂಡಕ್ಕೆ ನಿರ್ಣಾಯಕ ರನ್ಗಳನ್ನು ತಂದುಕೊಟ್ಟರು.
ಟೈಗರ್ಸ್ ತಂಡದ ಪರ ಎವಿನ್ ಲೂಯಿಸ್ ಅವರಲ್ಲದೆ, ಅನಾಮುಲ್ ಹಕ್ (63) ಅರ್ಧಶತಕವನ್ನು ಗಳಿಸಿದರು, ಅಫಿಫ್ ಹುಸೇನ್ (41) ಮತ್ತು ಶಾಯ್ ಹೋಪ್ (25) ಉತ್ತಮ ಪ್ರದರ್ಶನ ನೀಡಿದರು.
ಟ್ವಿಟರ್ನಲ್ಲಿ ಮಲಿಕ್ ತರಾಟೆ
ಫಾರ್ಚೂನ್ ಬರಿಶಾಲ್ ಮತ್ತು ಖುಲ್ನಾ ಟೈಗರ್ಸ್ ನಡುವಿನ ಪಂದ್ಯದಲ್ಲಿ ಶೋಯೆಬ್ ಮಲಿಕ್ ಚೆಂಡಿನೊಂದಿಗೆ ಮಾಡಿದ ಪ್ರಮಾದವು ಆಟದ ಪ್ರಮುಖ ಚರ್ಚೆಯ ವಿಷಯವಾಯಿತು. ಸೋಲಿನ ಹಿಂದೆ ಆಲ್ರೌಂಡರ್ ಅವರ ಕಳಪೆ ಬೌಲಿಂಗ್ ಕಾರಣ ಎಂದು ಹಲವರು ದೂಷಿಸಿದರು. ಓವರ್ನಲ್ಲಿ ಮೂರು ನೋ ಬಾಲ್ ಎಸೆದಿದ್ದಕ್ಕಾಗಿ ಎಕ್ಸ್ನಲ್ಲಿ ಅಭಿಮಾನಿಗಳು ಅವರನ್ನು ತರಾಟೆಗೆ ತೆಗೆದುಕೊಂಡರು. ಅವರು ಮ್ಯಾಚ್ ಫಿಕ್ಸಿಂಗ್ ಮಾಡಿದ್ದಾರೆ ಎಂದು ಆರೋಪಿಸಿದರು. ಕೆಲವು ಪ್ರತಿಕ್ರಿಯೆಗಳು ಇಲ್ಲಿವೆ:
So three No balls by shoaib Malik In BPL ,Yeh obviously spot fixing hai yaar ,logo KO Kiya chay sumjha Huwa hai .Haraam Ka paisa kama lo beghairo .akhrut mai dunda BHI utna BHI hi bara hoga .shameless pic.twitter.com/ffSyPBdysg
— Farzan Ali Baloch (@farzan_ali_B) January 22, 2024
Clear Match Fixing Evident in BPL2024 ⚠️🚨
— Krishan Kumar Yadav (@FantasyGuruKK) January 23, 2024
🔺Non-Striker Anamul Haque body language indicates that he knew it before as he's not interested
🔺3 No Balls in 4 balls that too by a spinner Shoaib Malik
BPL stands for=Below Poverty League?#BPL24 #ShoibMalik #matchfixing
#fix pic.twitter.com/T9IJGTKfE3
3 no balls by Shoaib Malik today in a over and 18 runs conceded in the over 😱
— Ahmer Najeeb Satti (@AhmerNajeeb) January 22, 2024
Whats happening 🤷#BPL2024 | #ShoaibMalik pic.twitter.com/P1oB86IgXN
BPL board should investigate Shoaib Malik over.
— Satya Prakash (@Satya_Prakash08) January 23, 2024
His team Fortune Barishal lost the match after scoring 187 in 20 overs.
Shoaib Malik bowled 3 No Balls in an over and non striker Anamul not interested to rotate strike.
Looks like Shoaib Malik fixed this over with fixers.… pic.twitter.com/98WiihSyU8