ಬೆಂಗಳೂರು : ವಿಶಾಖಪಟ್ಟಣಂನಲ್ಲಿ ಸೋಮವಾರ (ಫೆಬ್ರವರಿ 5) ನಡೆದ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಎರಡನೇ ಟೆಸ್ಟ್ನಲ್ಲಿ ಭಾರತ 106 ರನ್ಗಳಿಂದ ಗೆಲುವು ಸಾಧಿಸಿದೆ. ಇದರೊಂದಿಗೆ ಭಾರತ ತಂಡದ ಐದು ಪಂದ್ಯಗಳ ಸರಣಿಯಲ್ಲಿ ಭಾರತ 1-1 ಸಮಬಲ ಸಾಧಿಸಿದೆ. ಪಂದ್ಯದುದ್ದಕ್ಕೂ ಭಾರತ ತಂಡದ ಆಟಗಾರರು ಉತ್ತಮ ಪ್ರದರ್ಶನ ನೀಡಿದ್ದಾರೆ. ಅದರಲ್ಲೊಂದು ಶ್ರೇಯಸ್ ಅಯ್ಯರ್ (Shreyas Iyer) ಅವರ ರನ್ಔಟ್. ಎರಡನೇ ಇನ್ನಿಂಗ್ಸ್ನಲ್ಲಿ ಬೆನ್ ಸ್ಟೋಕ್ಸ್ ಅವರನ್ನು ರನ್ ಔಟ್ ಮಾಡಿದರು. ಈ ಮೂಲಕ ಅವರು ಮತ್ತೊಂದು ಬಾರಿ ತಮ್ಮ ಅದ್ಭುತ ಫೀಲ್ಡಿಂಗ್ ಸಾಮರ್ಥ್ಯವನ್ನು ಪ್ರದರ್ಶಿಸಿದರು.
Ben Stokes after taking Shreyas Iyer's catch.
— Mufaddal Vohra (@mufaddal_vohra) February 5, 2024
Shreyas Iyer after running out Ben Stokes. pic.twitter.com/xpp8lF6N62
ಮಧ್ಯಮ ಕ್ರಮಾಂಕದ ಕುಸಿತದ ನಂತರ ಇಂಗ್ಲೆಂಡ್ ಆಟದ ಪರಿಸ್ಥಿತಿಯನ್ನು ಬದಲಾಯಿಸಲು ಯತ್ನಿಸುತ್ತಿದ್ದಾಗ ಶ್ರೇಯಸ್ ಅಯ್ಯರ್ ಇಂಗ್ಲೆಂಡ್ ನಾಯಕನನ್ನು ಪೆವಿಲಿಯನ್ಗೆ ಕಳುಹಿಸಿದರು. 399 ರನ್ಗಳ ಗುರಿ ಬೆನ್ನತ್ತಿದ ಇಂಗ್ಲೆಂಡ್ ನಾಲ್ಕನೇ ದಿನದಾಟದ ಆರಂಭದಲ್ಲಿ ಮೇಲುಗೈ ಸಾಧಿಸಿತ್ತು. ಬೆನ್ ಸ್ಟೋಕ್ಸ್ ಮತ್ತು ಬೆನ್ ಫೋಕ್ಸ್ ಎಚ್ಚರಿಕೆಯಿಂದ ಆಡುತ್ತಿದ್ದರು. ಶ್ರೇಯಸ್ ಅಯ್ಯರ್ ಅವರ ಡೈರೆಕ್ಟ್ ಥ್ರೋ ಬೆನ್ಸ್ಟೋಕ್ಸ್ ಅವರನ್ನು ಪೆವಿಲಿಯನ್ಗೆ ಕಳಹಿಸಿತು. ಬೆನ್ ಸ್ಟೋಕ್ಸ್ ಔಟಾದ ಕಾರಣ ಇಂಗ್ಲೆಂಡ್ 6 ವಿಕೆಟ್ ನಷ್ಟಕ್ಕೆ 220 ರನ್ ಗಳಿಸಿತು.
ಶ್ರೇಯಸ್ ಅಯ್ಯರ್ ಅವರು ಸ್ಟೋಕ್ಸ್ ಅವರನ್ನು ಔಟ್ ಮಾಡಿದ ಬಳಿಕ ಗೇಲಿ ಮಾಡಿದರು. ಎರಡನೇ ಇನ್ನಿಂಗ್ಸ್ನಲ್ಲಿ ಶ್ರೇಯಸ್ ಅಯ್ಯರ್ ಅವರನ್ನು ಕ್ಯಾಚ್ ಹಿಡಿದು ಔಟ್ ಮಾಡಿದ ಸ್ಟೋಕ್ಸ್ ಪ್ರೇಕ್ಷಕರತ್ತ ಬೆರಳು ತೋರಿಸುವ ಮೂಲಕ ಸಂಭ್ರಮಿಸಿದರು. ಇಂಗ್ಲೆಂಡ್ ನಾಯಕ ಡ್ರೆಸ್ಸಿಂಗ್ ರೂಮ್ ಕಡೆಗೆ ನಡೆಯುತ್ತಿದ್ದಾಗ ಭಾರತದ ಬ್ಯಾಟರ್ ಕೂಡ ಅದೇ ರೀತಿ ಸಂಭ್ರಮಿಸಿದರು. 106 ರನ್ಗಳ ಗೆಲುವಿನ ಮೂಲಕ ಭಾರತ 5 ಪಂದ್ಯಗಳ ಸರಣಿಯಲ್ಲಿ ಸಮಬಲ ಸಾಧಿಸಿದೆ.
ರೋಹಿತ್ ಶರ್ಮಾ ಹಿಡಿದ ಈ ಕ್ಯಾಚ್ಗೆ ಕ್ರಿಕೆಟ್ ಕ್ಷೇತ್ರದ ಮೆಚ್ಚುಗೆ, ಇಲ್ಲಿದೆ ವಿಡಿಯೊ
ವಿಶಾಖಪಟ್ಟಣಂ: ಇಲ್ಲಿನ ಡಾ.ವೈ.ಎಸ್.ರಾಜಶೇಖರ ರೆಡ್ಡಿ ಎಸಿಎ-ವಿಡಿಸಿಎ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ ಭಾರತ ಮತ್ತು ಇಂಗ್ಲೆಂಡ್ ನಡುವಿನ (Ind vs eng) ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ 106 ರನ್ಗಳ ಭರ್ಜರಿ ಗೆಲುವು ಸಾಧಿಸಿದೆ. ಈ ಪಂದ್ಯದ ಎರಡನೇ ಇನ್ನಿಂಗ್ಸ್ನಲ್ಲಿ ಭಾರತದ ನಾಯಕ ರೋಹಿತ್ ಶರ್ಮಾ (Rohit Sharma) ಅವರು ಓಲಿ ಪೋಪ್ (Ollie Pope) ಕ್ಯಾಚ್ ಹಿಡಿದು ಕ್ರಿಕೆಟ್ ಕ್ಷೇತ್ರದ ಮೆಚ್ಚುಗೆ ಗಳಿಸಿದೆ.
WHAT A CATCH FROM ROHIT SHARMA …!!! 🤯pic.twitter.com/7rPNYMw6pe
— Mufaddal Vohra (@mufaddal_vohra) February 5, 2024
ಪಂದ್ಯದಲ್ಲಿ ಆರ್ ಅಶ್ವಿನ್ ಸ್ಟಂಪ್ಗೆ ಹತ್ತಿರವಾಗಿ ಬೌಲಿಂಗ್ ಮಾಡಿದರು. ಪೋಪ್ ಅದನ್ನು ಕಟ್ ಆಡಲು ಯತ್ನಿಸಿದರು. ಚೆಂಡು ಅಂಚಿಗೆ ತಾಗಿತು. ಚೆಂಡು ಮೊದಲ ಸ್ಲಿಪ್ನಲ್ಲಿದ್ದ ರೋಹಿತ್ ಅವರ ಎಡಕ್ಕೆ ಭುಜದ ಎತ್ತರದಲ್ಲಿ ವೇಗವಾಗಿ ಹಾರಿತು. ಗಮನಾರ್ಹ ವೇಗದಲ್ಲಿ ರೋಹಿತ್ ಚೆಂಡನ್ನು ಹಿಡಿದರು ಅಲ್ಲದೆ ಪೋಪ್ ಅವರನ್ನು ಯಶಸ್ವಿಯಾಗಿ ಪೆವಿಲಿಯನ್ಎ ಕಳುಹಿಸಿದರು.
ಭಾರತೀಯ ಕ್ರಿಕೆಟಿಗ ಮತ್ತು ಪಂದ್ಯದ ವೀಕ್ಷಕ ವಿವರಣೆಗಾರ ದಿನೇಶ್ ಕಾರ್ತಿಕ್ ಈ ಕ್ಯಾಚ್ ಅನ್ನು ಅದ್ಭುತ ಎಂದು ಬಣ್ಣಿಸಿದರು. ರೋಹಿತ್ಗೆ ಚೆಂಡನ್ನು ಸ್ವೀಕರಿಸಲು ಒಂದು ಸೆಕೆಂಡಿಗಿಂತ ಕಡಿಮೆ ಅವಧಿ ಸಾಕಾಯಿತು ಎಂಬುದನ್ನು ಲೆಕ್ಕಾಚಾರ ಸಮೇತ ತೋರಿಸಿದರು. ನಿಖರವಾಗಿ 0.45 ಸೆಕೆಂಡುಗಳಲ್ಲಿ ಚೆಂಡು ರೋಹಿತ್ ಬೊಗಸೆ ಸೇರಿತ್ತು. ಇದು ರೋಹಿತ್ ಅವರ ಅಸಾಧಾರಣ ಸ್ಲಿಪ್ ಫೀಲ್ಡಿಂಗ್ ಕೌಶಲ್ಯವನ್ನು ಎತ್ತಿ ತೋರಿಸುತ್ತದೆ ಎಂದು ಅವರು ಹೇಳಿದರು.