ಬೆಂಗಳೂರು: ಹೊಸ ವರ್ಷದ ನಿರ್ಣಯಗಳು ಹೊಸತೇನಲ್ಲ. ಜನರು ಸಾಮಾನ್ಯವಾಗಿ ಅವುಗಳನ್ನು ಹೊಸ ವರ್ಷದ ಆರಂಭದಲ್ಲಿ ತೆಗೆದುಕೊಳ್ಳುತ್ತಾರೆ ಮತ್ತು ಹೇಳುತ್ತಾರೆ. ಮರುದಿನ ಅವುಗಳ ಬಗ್ಗೆ ಮರೆತುಬಿಡುತ್ತಾರೆ. ಆದರೆ ಶುಬ್ಮನ್ ಗಿಲ್ ಆ ರೀತಿ ಅಲ್ಲ. ಭಾರತೀಯ ಬ್ಯಾಟರ್ ಭಾನುವಾರ 2023ರಲ್ಲಿ ತೆಗೆದುಕೊಂಡ ಹೊಸ ವರ್ಷದ ನಿರ್ಣಯಗಳ ಕೈಬರಹದ ಪಟ್ಟಿಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಗಿಲ್ ಅವರ ಟಿಪ್ಪಣಿಯ ಮೇಲಿನ ಕೆಲವು ನಿರ್ಣಯಗಳು ಈಡೇರಿಲ್ಲ. ಆದರೆ, ಖಂಡಿತವಾಗಿಯೂ ಪ್ರಯತ್ನದ ಕೊರತೆ ಕಂಡಿಲ್ಲ.
ಶುಬ್ಮನ್ ಗಿಲ್ ಭಾನುವಾರ 2023 ಕ್ಕೆ ತಮಗಾಗಿ ನಿಗದಿಪಡಿಸಿದ್ದ ಗುರಿಗಳ ಮಾಹಿತಿಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. 2023 ರಲ್ಲಿ ಭಾರತಕ್ಕಾಗಿ ಅತಿ ಹೆಚ್ಚು ಶತಕಗಳನ್ನು ಗಳಿಸುವುದರಿಂದ ಹಿಡಿದು ವಿಶ್ವಕಪ್ನಲ್ಲಿ ‘ಆರೆಂಜ್ ಕ್ಯಾಪ್’ ಗೆಲ್ಲುವವರೆಗೆ ಅವರ ಗುರಿಗಳು ಇದ್ದವು. ಜತೆಗೆ ಅವರು 2023ನೇ ವರ್ಷ ಅನುಭವಗಳು, ವಿನೋದ ಮತ್ತು ಕಲಿಕೆಯಿಂದ ತುಂಬಿಕೊಂಡಿತ್ತು ಎಂದು ಚಿತ್ರದೊಂದಿಗೆ ಸುದೀರ್ಘ ಶೀರ್ಷಿಕೆ ಬರೆದಿದ್ದಾರೆ.
ಸರಿಯಾಗಿ ಒಂದು ವರ್ಷದ ಹಿಂದೆ ನಾನು ಹೊಸ ವರ್ಷಕ್ಕೆ ಪ್ರವೇಶಿಸಿದೆ. 2023 ಕೊನೆಗೊಳ್ಳುವುದರೊಂದಿಗೆ, ವರ್ಷವು ಅನುಭವಗಳು, ಕೆಲವು ಉತ್ತಮ ವಿನೋದಗಳು ಮತ್ತು ಇತರ ಉತ್ತಮ ಕಲಿಗಳನ್ನು ಕಂಡುಕೊಂಡೆ ಎಂದು ಅವರು ಹೇಳಿಕೊಂಡಿದ್ದಾರೆ.
ಯೋಚಿಸಿದಂತೆ ನಡೆಯಲಿಲ್ಲ
ವರ್ಷದ ಅಂತ್ಯವು ಯೋಜಿಸಿದಂತೆ ನಡೆಯಲಿಲ್ಲ. ಆದರೆ ನಾವು ನಮ್ಮ ಗುರಿಗಳಿಗೆ ತುಂಬಾ ಹತ್ತಿರವಾಗಿದ್ದೇವೆ ಎಂದು ನಾನು ಹೆಮ್ಮೆಯಿಂದ ಹೇಳಬಲ್ಲೆ. ನಾನು ಕೊಡಬೇಕಾಗಿರುವ ಎಲ್ಲವನ್ನೂ ನೀಡಿದ್ದೇನೆ. ಮುಂಬರುವ ವರ್ಷವು ತನ್ನದೇ ಆದ ಸವಾಲುಗಳು ಮತ್ತು ಅವಕಾಶಗಳನ್ನು ತರುವುದು ಖಚಿತ ಎಂದು ಶುಭ್ಮನ್ ಗಿಲ್ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ : KL Rahul : ಕೋಚ್ ರಾಹುಲ್ ದಾಖಲೆ ಮುರಿದ ಕೆ. ಎಲ್ ರಾಹುಲ್!
2024ರಲ್ಲಿ ನಾವು ನಮ್ಮ ಗುರಿಗಳಿಗೆ ಹತ್ತಿರವಾಗುತ್ತೇವೆ ಎಂದು ಆಶಿಸುತ್ತೇವೆ. ನೀವು ಮಾಡುವ ಎಲ್ಲದರಲ್ಲೂ ನೀವೆಲ್ಲರೂ ಪ್ರೀತಿ, ಸಂತೋಷ ಮತ್ತು ಶಕ್ತಿಯನ್ನು ಕಂಡುಕೊಳ್ಳುತ್ತೀರಿ ಎಂದು ನಾನು ಭಾವಿಸುತ್ತೇನೆ ಎಂದು ಗಿಲ್ ಬರೆದುಕೊಂಡಿದ್ದಾರೆ.
ಕೆಲವು ನಿರ್ಣಯಗಳು ಈಡೇರದಿದ್ದರೂ ಗಿಲ್ 2023ರಲ್ಲಿ ಎಲ್ಲಾ ಮೂರು ಸ್ವರೂಪಗಳಲ್ಲಿ ಭಾರತೀಯ ಕ್ರಿಕೆಟ್ ತಂಡದ ಪ್ರಮುಖ ಆಟಗಾರರಲ್ಲಿ ಒಬ್ಬರಾಗಿ ಛಾಪು ಮೂಡಿಸಲು ಯತ್ನಿಸಿದ್ದರು. ಬಲಗೈ ಬ್ಯಾಟ್ಸ್ಮನ್ 2023 ಅನ್ನು ಭರ್ಜರಿಯಾಗಿ ಪ್ರಾರಂಭಿಸಿದ್ದರು. ನ್ಯೂಜಿಲೆಂಡ್ ವಿರುದ್ಧ ದ್ವಿಶತಕವನ್ನು ಗಳಿಸಿದ್ದರು. ಈ ಮೈಲಿಗಲ್ಲನ್ನು ಸಾಧಿಸಿದ ಅತ್ಯಂತ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು. ವರ್ಷದ ಅವಧಿಯಲ್ಲಿ, ಗಿಲ್ 60 ಕ್ಕೂ ಹೆಚ್ಚು ಸರಾಸರಿಯಲ್ಲಿ 1584 ರನ್ ಗಳಿಸಿದ್ದಾರೆ, ಇದರಲ್ಲಿ 6 ಶತಕಗಳು ಸೇರಿವೆ.