ಕೇಪ್ಟೌನ್: ದಕ್ಷಿಣ ಆಫ್ರಿಕಾ ಪ್ರವಾಸದ (Ind vs SA) ಟೆಸ್ಟ್ ಸರಣಿಯ ಎರಡನೇ ಪಂದ್ಯದ ಮೊದಲ ದಿನದಾಟದ ಮುಕ್ತಾಯಕ್ಕೆ ಭಾರತ ತಂಡ ಮುನ್ನಡೆ ಪಡೆದುಕೊಂಡಿದೆ ಏತನ್ಮಧ್ಯೆ, ದಿನಾಟದಲ್ಲಿ ಒಟ್ಟು 23 ವಿಕೆಟ್ಗಳು ಉರುಳಿರುವುದು ಬೌನ್ಸಿ ಪಿಚ್ನ ಕರಾಮತ್ತಿಗೆ ಸಾಕ್ಷಿ ಎನಿಸಿತು. ಉಭಯ ತಂಡಗಳ ವೇಗದ ಬೌಲರ್ಗಳು ಮಿಂಚಿದರೆ ಬ್ಯಾಟರ್ಗಳು ಬೌಲರ್ಗಳ ವೇಗ ಮತ್ತು ಆವೇಗಕ್ಕೆ ಬೆಚ್ಚಿ ಬಿದ್ದರು.
ಇಲ್ಲಿನ ನ್ಯೂಲ್ಯಾಂಡ್ಸ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಆತಿಥೇಯ ದಕ್ಷಿಣ ಆಫ್ರಿಕಾ ಮೊದಲ ಇನಿಂಗ್ಸ್ನಲ್ಲಿ 55 ರನ್ಗಳಿಗೆ ಆಲ್ಔಟ್ ಅಯಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಭಾರತ 153 ರನ್ಗಳಿಗೆ ಸರ್ವಪತನ ಕಂಡಿತು. ಎರಡನೇ ಇನಿಂಗ್ಸ್ ಆರಂಭಿಸಿರುವ ದಕ್ಷಿಣ ಆಫ್ರಿಕಾ ತಂಡ 62 ರನ್ಗಳಿಗೆ 3 ವಿಕೆಟ್ ನಷ್ಟ ಮಾಡಿಕೊಂಡಿದ್ದು ಇನ್ನೂ 36 ರನ್ಗಳ ಹಿನ್ನಡೆಯನ್ನು ಹೊಂದಿದೆ.
W W W W W W 🙌🏻
— Star Sports (@StarSportsIndia) January 3, 2024
Wreaking 🔥 ft. Mohammed Siuuuraajjj! Watch all his 6️⃣ scalps 👆🏻
Tune in to #SAvIND 2nd Test
LIVE NOW | Star Sports Network#Cricket pic.twitter.com/t7bT3pCRLl
ಮೊಹಮ್ಮದ್ ಸಿರಾಜ್ ಮಾರಕ ಬೌಲಿಂಗ್
ವೇಗದ ಬೌಲರ್ಗಳಾದ ಜಸ್ಪ್ರೀತ್ ಬುಮ್ರಾ ಮತ್ತು ಮುಖೇಶ್ ಕುಮಾರ್ ಹಾಗೂ ಮೊಹಮ್ಮದ್ ಸಿರಾಜ್ ನೆರವಿನಿಂದ ದಿನದ ಆರಂಭಿಕ ಸೆಷನ್ನಲ್ಲಿ ಕ್ಷಿಣ ಆಫ್ರಿಕಾವನ್ನು ಕೇವಲ 55 ರನ್ಗಳಿಗೆ ಆಲೌಟ್ ಮಾಡಿತು ಭಾರತ. ದಕ್ಷಿಣ ಆಫ್ರಿಕಾದ ನಾಯಕ ಡೀನ್ ಎಲ್ಗರ್ ಮೊದಲು ಬ್ಯಾಟಿಂಗ್ ಮಾಡಲು ಆಯ್ಕೆ ಮಾಡಿದ ಸ್ವಲ್ಪ ಸಮಯದ ನಂತರ, ಸಿರಾಜ್ ಆತಿಥೇಯರ ಅಗ್ರ ಕ್ರಮಾಂಕ ಬ್ಯಾಟರ್ಗಳನ್ನು ಔಟ್ ಮಾಡಿದರು. ಸಿರಾಜ್ 15 ರನ್ಗಳಿಗೆ 6 ವಿಕೆಟ್ ಪಡೆದರು. ಬುಮ್ರಾ ಮತ್ತು ಕುಮಾರ್ ದಕ್ಷಿಣ ಆಫ್ರಿಕಾದ ಉಳಿದ ನಾಲ್ಕು ವಿಕೆಟ್ಗಳನ್ನು ಕಬಳಿಸಿದರು.
Aggression by Burger 💥💥#Wicket #Test #Gill #INDvsSA pic.twitter.com/TtaYmK6q4x
— Cricket Ka Baap (@RajkumarChittor) January 3, 2024
11 ಎಸೆತಗಳಲ್ಲಿ ಗತಿ ಬದಲಿಸಿದ ರಬಾಡ, ಎನ್ಗಿಡಿ
ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ಅವರನ್ನು ಡಕ್ ಔಟ್ ಆದ ನಂತರ ಭಾರತದ ನಾಯಕ ರೋಹಿತ್ ಶರ್ಮಾ ಮೊದಲ 10 ಓವರ್ಗಳಲ್ಲಿ ತಮ್ಮ ಆಕ್ರಮಣಕಾರಿ ಆಟವಾಡಿದರು. ಅವರು 39 ರನ್ ಬಾರಿಸಿದರು. ಅದರಲ್ಲಿ ಏಳು ಬೌಂಡರಿಗಳಿದ್ದವು. ಶುಬ್ಮನ್ ಗಿಲ್ (36) ಮತ್ತು ಬ್ಯಾಟಿಂಗ್ ಅನುಭವಿ ವಿರಾಟ್ ಕೊಹ್ಲಿ (46) ಕೂಡ ಪ್ರವಾಸಿ ತಂಡದ ಪರ ಎಚ್ಚರಿಕೆಯ ರನ್ ಗಳಿಸಿದರು.
ಭಾರತದ ಮಧ್ಯಮ ಕ್ರಮಾಂಕದಲ್ಲಿ ಶ್ರೇಯಸ್ ಅಯ್ಯರ್ ಕೂಡ ಡಕ್ ಔಟಾದರೆ, ಕೆಎಲ್ ರಾಹುಲ್ 33 ಎಸೆತಗಳಲ್ಲಿ ಕೇವಲ ಎಂಟು ರನ್ ಗಳಿಸಿದರು. ಆದಕ್ಕೆ ಮೊದಲು 4 ವಿಕೆಟ್ಗೆ 154 ರನ್ ಬಾರಿಸಿದ್ದ ಭಾರತ ಭರ್ಜರಿ ಮುನ್ನಡೆ ಸಾಧಿಸುವ ಸುಳಿವು ನೀಡಿತು. ಆದರೆ, ನಂತರ 11 ಎಸೆತಗಳ ಅಂತರದಲ್ಲಿ ತಮ್ಮ ಕೊನೆಯ ಆರು ವಿಕೆಟ್ಗಳನ್ನು ಕಳೆದುಕೊಳ್ಳುವ ಮೂಲಕ ಅದೇ ರನ್ಗೆ ಸೀಮಿತಗೊಂಡಿತು.
ಕಗಿಸೊ ರಬಾಡ (3 ವಿಕೆಟ್ 38 ರನ್) ಮತ್ತು ಲುಂಗಿ ಎನ್ಗಿಡಿ (3 ವಿಕೆಟ್ 30 ರನ್) ಭಾರತದ ಬ್ಯಾಟರ್ಗಳ ಕುಸಿತಕ್ಕೆ ಕಾರಣರಾದರು. ನಾಂಡ್ರೆ ಬರ್ಗರ್ ಚಹಾ ವಿರಾಮದ ಮೊದಲು ರೋಹಿತ್ ಶರ್ಮಾ ಮತ್ತು ಶುಭ್ಮನ್ ಗಿಲ್ ಅವರ ಅಮೂಲ್ಯ ವಿಕೆಟ್ ಸೇರಿದಂತೆ ಮೂರು ವಿಕೆಟ್ ಉರುಳಿಸಿದರು.
ಇದನ್ನೂ ಓದಿ : Shubhman Gill : ಕಳಪೆ ರನ್ ಹೊರತಾಗಿಯೂ ವಿಭಿನ್ನ ದಾಖಲೆ ಮಾಡಿದ ಗಿಲ್
ಮುಕೇಶ್ ಕುಮಾರ್ ತಿರುಗೇಟು
ಎರಡನೇ ಇನಿಂಗ್ಸ್ನಲ್ಲಿ ದಕ್ಷಿಣ ಆಫ್ರಿಕಾದ ನಾಯಕ ಡೀನ್ ಎಲ್ಗರ್ ತಮ್ಮ ವಿದಾಯ ಟೆಸ್ಟ್ನಲ್ಲಿ ಮುಖೇಶ್ ಕುಮಾರ್ ಗೆ ವಿಕೆಟ್ ಒಪ್ಪಿಸಿದರು. ಜಸ್ಪ್ರೀತ್ ಬುಮ್ರಾ ಟ್ರಿಸ್ಟಾನ್ ಸ್ಟಬ್ಸ್ ವಿಕೆಟ್ ಪಡೆಯುವ ಮೂಲಕ ಮುಕೇಶ್ ಟೋನಿ ಡಿ ಜೊರ್ಜಿ ಅವರನ್ನು ಔಟ್ ಮಾಡಿದರು. ಐಡೆನ್ ಮಾರ್ಕ್ರಮ್ 36 ರನ್ ಗಳಿಸಿ ಔಟಾಗದೆ ಉಳಿದಿದ್ದು, ಡೇವಿಡ್ ಬೆಡಿಂಗ್ಹ್ಯಾಮ್ ಅವರೊಂದಿಗೆ ಎರಡನೇ ದಿನ ಬ್ಯಾಟಿಂಗ್ ಮುಂದುವರಿಸಲಿದ್ದಾರೆ.