ನವ ದೆಹಲಿ: ಯಾವುದೇ ರೀತಿಯ ಕ್ರಿಕೆಟ್ನಲ್ಲಿ (Cricket) ಬೌಲರ್ ಒಬ್ಬರು ಹ್ಯಾಟ್ರಿಕ್ ವಿಕೆಟ್ ಪಡೆಯುವುದು ದೊಡ್ಡ ಸಾಧನೆ. ಆದರೆ, ಸತತವಾಗಿ ಆರು ಎಸೆತಕ್ಕೆ ಆರು ವಿಕೆಟ್ ಪಡೆಯುವುದು ದೊಡ್ಡ ಸಾಧನೆ. ಇದು ಅಷ್ಟು ಸುಲಭವಲ್ಲ. ಯಾವುದೋ ಒಂದು ಗಳಿಗೆಯಲ್ಲಿ ಇಂಥದ್ದೊಂದು ದಾಖಲೆ ಸೃಷ್ಟಿಸಲು ಸಾಧ್ಯವಿದೆ. ಈ ರೀತಿಯದ್ದೊಂದು ಸಾಧನೆ ಮಾಡಿದ್ದಾನೆ 12 ವರ್ಷದ ಬಾಲಕ. ಇದು ನಡೆದಿರುವು ಇಂಗ್ಲೆಂಡ್ನ ಕ್ಲಬ್ ಕ್ರಿಕೆಟ್ನಲ್ಲಿ
ಈ ಹುಡುಗ ಡಬಲ್ ಹ್ಯಾಟ್ರಿಕ್ ಸಾಧನೆ ಮಾಡಿದ ಮೊಟ್ಟ ಮೊದಲ ಕ್ರಿಕೆಟಿಗ ಎಂಬ ಸಾಧನೆ ಮಾಡಿದ್ದಾನೆ. ಆತನ ಹೆಸರು ಅಲಿವರ್ ವೈಟ್ಹೌಸ್. ಬ್ರೋಮ್ಸ್ಗ್ರೊವ್ ಕ್ರಿಕೆಟ್ ಕ್ಲಬ್ ಪರ ಆಡುತ್ತಿರುವ ವೈಟ್ಹೌಸ್ ಕಳೆದ ತಿಂಗಳು ಈ ಸಾಧನೆ ಮಾಡಿದ ಬಾಲಕ. ಕೂಕ್ಹಿಲ್ ಕ್ಲಬ್ ವಿರುದ್ಧದ ಪಂದ್ಯದಲ್ಲಿ ಆರು ಎಸೆತಗಳಲ್ಲಿ ಎದುರಾಳಿ ತಂಡದ ಆರು ವಿಕೆಟ್ ಉರುಳಿಸಿದ ವೈಟ್ಹೌಸ್ ಒಟ್ಟು 2 ಓವರ್ ಎಸೆದು ಒಂದೈ ರನ್ ನೀಡದೆ ಎಂಟು ವಿಕೆಟ್ ಪಡೆದಿದ್ದಾರೆ.
ಅವರು ಮಾಡಿರುವ ಸಾಧನೆಯ ಮಹತ್ವವನ್ನು ನನಗೆ ನಂಬಲು ಸಾಧ್ಯವಾಗುತ್ತಿಲ್ಲ ಎಂದು ಬ್ರೋಮ್ಸ್ಗ್ರೋವ್ ಕ್ರಿಕೆಟ್ ಕ್ಲಬ್ ತಂಡದ ನಾಯಕ ಜೇಡನ್ ಲೆವಿಟ್ ಬಿಬಿಸಿ ಜತೆ ಮಾತನಾಡುತ್ತಾ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಒಂದು ಓವರ್ನಲ್ಲಿ ಡಬಲ್ ಹ್ಯಾಟ್ರಿಕ್ ಸಾಧನೆ ಮಾಡುವುದು ನನ್ನ ಪಾಲಿಗೆ ಸಂಪೂರ್ಣ ಆಶ್ಚರ್ಯಕರ ಸಂಗತಿ. ಇದು ಅದ್ಭುತ ಪ್ರಯತ್ನ. ನನಗೆ ತುಂಬಾ ವಯಸ್ಸಾಗುವವರೆಗೂ ಇದರ ಮಹತ್ವವನ್ನು ಅರಿತುಕೊಳ್ಳಲಾಗುವುದಿಲ್ಲ ಎಂದು ಭಾವಿಸುತ್ತೇನೆ ಎಂದು ವೈಟ್ಹೌಸ್ ಹೇಳಿದ್ದಾರೆ.
ಇದನ್ನೂ ಓದಿ : Sachin Tendulkar: ಗೋವಾದಲ್ಲಿ ‘ದಿಲ್ ಚಾಹ್ತಾ ಹೈ’ ಎಂದ ಸಚಿನ್ ತೆಂಡೂಲ್ಕರ್
ವೈಟ್ಹೌಸ್ ಡಬಲ್ ಹ್ಯಾಟ್ರಿಕ್ ಸಾಧನೆ ಮಾಡಿರುವುದನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಲಕ್ಷಾಂತರ ಮಂದಿ ವೀಕ್ಷಿಸಿದ್ದಾರೆ. ಈ ಮೂಲಕ ಅವರು ಇಂಟರ್ನೆಟ್ ಸೆನ್ಸೇಷನ್ ಎನಿಸಿಕೊಂಡಿದ್ದಾರೆ. ಅಂದ ಹಾಗೆ ಅಲಿವರ್ ವೈಟ್ಹೌಸ್ ಕ್ರೀಡಾಸಕ್ತರ ಕುಟುಂಬದಿಂದ ಬಂದ ಕುಡಿ. ಅವರ ತಾಯಿಯ ತಾಯಿ ಅಂದರೆ ಅಜ್ಜಿ 1969 ರ ವಿಂಬಲ್ಡನ್ ಟೆನಿಸ್ ಚಾಂಪಿಯನ್ ಆನ್ ಜೋನ್ಸ್. ಇದು ಕೂಡ ಅವರ ಕ್ರೀಡಾ ಪರಾಕ್ರಮಕ್ಕೆ ಪ್ರೇರಣೆಯಾಗಿದೆ.