ಬೆಂಗಳೂರು: ಅಂಡರ್ 19 ಪುರುಷರ (U-19 World Cup) ಏಕದಿನ ವಿಶ್ವಕಪ್ನಲ್ಲಿ ಭಾರತ ಸತತ ಐದನೇ ಮತ್ತು ಒಟ್ಟಾರೆ 9 ನೇ ಫೈನಲ್ ಆಡುತ್ತಿದೆ. ಆದರೆ, ಭಾರತ ಇದುವರೆಗೆ ಒಂದೇ ಒಂದು ವಿಶ್ವ ಕಪ್ಗೆ ಆತಿಥ್ಯ ವಹಿಸಿಲ್ಲ. ಈ ಬಗ್ಗೆ ಭಾರತದ ಮಾಜಿ ನಾಯಕ ಸೌರವ್ ಗಂಗೂಲಿ (Sourav Ganguly ) ಬಿಸಿಸಿಐ (BCCI) ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ. ಅಚ್ಚರಿ ಎಂದರೆ ಗಂಗೂಲಿ ಹಿಂದಿನ ಅವಧಿಯಲ್ಲಿ ಬಿಸಿಸಿಐ ಅಧ್ಯಕ್ಷರಾಗಿದ್ದವರು.
ಭಾರತವು ಈ ವಿಶ್ವ ಕಪ್ನಲ್ಲಿ ಅತ್ಯಂತ ಯಶಸ್ವಿ ತಂಡ. ಒಟ್ಟು ಐದು ಆವೃತ್ತಿಗಳನ್ನು ಗೆದ್ದಿದೆ. ಆದರೂ ಟೂರ್ನಿಯ ಆತಿಥ್ಯ ವಹಿಸಿಲ್ಲ. ಹಿರಿಯ ಪುರುಷರ ಪಂದ್ಯಾವಳಿಗಳನ್ನು ಹೆಚ್ಚಾಗಿ ಆಯೋಜಿಸದ ವಿಶ್ವದ ನಾನಾ ದೇಶಗಳಲ್ಲಿ ಅಂಡರ್ 19 ವಿಶ್ವಕಪ್ ನಡೆಯುತ್ತದೆ ಎಂದು ಗಂಗೂಲಿ ಹೇಳಿದ್ದಾರೆ.
ಕ್ರಿಕೆಟ್ ಅನ್ನು ಉತ್ತೇಜಿಸಲು ಮತ್ತು ಆಟವನ್ನು ವಿಸ್ತರಿಸಲು ಈ ಪಂದ್ಯಾವಳಿಗಳನ್ನು ವಿಶ್ವದ ವಿವಿಧ ಮೂಲೆಗಳಲ್ಲಿ ನಡೆಸಲಾಗುತ್ತದೆ ಎಂದು ಸೌರವ್ ಗಂಗೂಲಿ ನಂಬಿದ್ದಾರೆ. ರೆವ್ಸ್ಪೋರ್ಟ್ಸ್ನಲ್ಲಿ ಮಾತನಾಡಿದ ಗಂಗೂಲಿ “ಇದಕ್ಕೆ ಯಾವುದೇ ನಿರ್ದಿಷ್ಟ ಕಾರಣವಿಲ್ಲ (ಭಾರತವು ಅಂಡರ್ -19 ವಿಶ್ವಕಪ್ಗೆ ಆತಿಥ್ಯ ವಹಿಸುತ್ತಿಲ್ಲ). ಇತರ ವಿಶ್ವಕಪ್ ಗಳನ್ನು ಭಾರತದಲ್ಲಿ ಆಡಲಾಗುತ್ತದೆ. ಹಿರಿಯರ ವಿಶ್ವಕಪ್ ನಡೆಯದ ಸ್ಥಳಗಳಲ್ಲಿ ಇದನ್ನು ಆಡಿದರೆ ತಪ್ಪೇನು ಎಂದು ಹೇಳಿದ್ದಾರೆ.
ಹಿರಿಯ ಪುರುಷರ ತಂಡಗಳನ್ನು ಒಳಗೊಂಡಿರದ ಯಾವುದೇ ಪಂದ್ಯಾವಳಿಯು ಲಾಭರಹಿತವಾಗಿರುತ್ತದೆ. ಆದಾಗ್ಯೂ ಸ್ಪರ್ಧೆಯನ್ನು ಭಾರತದಲ್ಲಿ ನಡೆಸದಿರಲು ಇದು ಕಾರಣವಲ್ಲ. ಇದು ನಷ್ಟದ ಪಂದ್ಯಾವಳಿ ಎಂದು ನೀವು ಹೇಳಬಹುದು. ಹಿರಿಯ ಪುರುಷರ ತಂಡಗಳನ್ನು ಒಳಗೊಂಡಿರದ ಹೆಚ್ಚಿನ ವಿಶ್ವಕಪ್ ಗಳು ಲಾಭರಹಿತವಾಗಿವೆ. ಆದರೆ ಅಂಡರ್-19 ವಿಶ್ವಕಪ್ ಭಾರತದಲ್ಲಿ ನಡೆಯದಿರಲು ಇದು ಕಾರಣವಲ್ಲ ಎಂದು ನಂಬುತ್ತೇನೆ. ಇದು ಭಾರತದಲ್ಲಿ ನಡೆಯಲಿದೆ ಎಂದು ನಾನು ಆಶಿಸುತ್ತೇನೆ ಅವರು ಹೇಳಿದ್ದಾರೆ.
ಮಲೇಷ್ಯಾ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ ನಂತಹ ಅಸೋಸಿಯೇಟ್ ರಾಷ್ಟ್ರಗಳು ಈಗಾಗಲೇ ಅಂಡರ್ 19 ಏಕದಿನ ವಿಶ್ವಕಪ್ ಗೆ ಆತಿಥ್ಯ ವಹಿಸಿದ್ದರೆ, ಪಂದ್ಯಾವಳಿಯ ಮುಂದಿನ ಆವೃತ್ತಿಯನ್ನು ಜಿಂಬಾಬ್ವೆ ಮತ್ತು ನಮೀಬಿಯಾ ಜಂಟಿಯಾಗಿ ಆತಿಥ್ಯ ವಹಿಸಲಿವೆ.
ಫೆಬ್ರವರಿ 11ರಂದು ಫೈನಲ್
ಉದಯ್ ಸಹರಾನ್ ನೇತೃತ್ವದ ಭಾರತ ತಂಡ ಫೆಬ್ರವರಿ 11ರಂದು ಬೆನೋನಿಯಲ್ಲಿ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಆಡಲಿದೆ. ಟೂರ್ನಿಯ ಫೈನಲ್ನಲ್ಲಿ ಭಾರತವು ಆಸ್ಟ್ರೇಲಿಯಾ ವಿರುದ್ಧ ಎರಡು ಬಾರಿ ಆಡಿದೆ. ಎರಡೂ ಸಂದರ್ಭಗಳಲ್ಲಿ ಅವರನ್ನು ಸೋಲಿಸಿದೆ. 2018ರಲ್ಲಿ ಪೃಥ್ವಿ ಶಾ ನಾಯಕತ್ವದ ಭಾರತ ತಂಡ ಫೈನಲ್ನಲ್ಲಿ ಕೊನೆಯ ಬಾರಿ ಫೈನಲ್ ಪ್ರವೇಶಿಸಿತ್ತು.
2024ರ ಅಂಡರ್-19 ವಿಶ್ವಕಪ್ನಲ್ಲಿ ಭಾರತ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಇದುವರೆಗೂ ಒಂದು ಪಂದ್ಯವನ್ನೂ ಸೋತಿಲ್ಲ. ನಾಯಕ ಉದಯ್ ಸಹರಾನ್ ಮತ್ತು ಬ್ಯಾಟರ್ ಸಚಿನ್ ದಾಸ್ ಅವರ ಮ್ಯಾಚ್ ವಿನ್ನಿಂಗ್ ಇನಿಂಗ್ಸ್ಗಳಲ್ಲಿ ನೆರವಿನಿಂದ ಭಾರತವು ದಕ್ಷಿಣ ಆಫ್ರಿಕಾ ವಿರುದ್ಧದ ಸೆಮಿಫೈನಲ್ಸ್ನಲ್ಲಿ 2 ವಿಕೆಟ್ಗಳಿಂದ ಗೆದ್ದಿತು. ಮತ್ತೊಂದೆಡೆ, ಆಸ್ಟ್ರೇಲಿಯಾವು ಪಾಕಿಸ್ತಾನವನ್ನು 1 ವಿಕೆಟ್ನಿಂದ ಸೋಲಿಸಿತು.
ಇದನ್ನೂ ಓದಿ : Rohit Sharma : ಮುಂಬೈ ಕೋಚ್ ವಿರುದ್ಧ ತಿರುಗಿ ಬಿದ್ರಾ ರೋಹಿತ್ ಶರ್ಮಾ?
ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಬಾಬರ್ ಅಜಮ್, ಸ್ಟೀವ್ ಸ್ಮಿತ್, ಕೇನ್ ವಿಲಿಯಮ್ಸನ್, ಟ್ರೆಂಟ್ ಬೌಲ್ಟ್, ಶುಭ್ಮನ್ ಗಿಲ್ ಮತ್ತು ಯಶಸ್ವಿ ಜೈಸ್ವಾಲ್ ಸೇರಿದಂತೆ ಅನೇಕ ದೊಡ್ಡ ಹೆಸರುಗಳನ್ನು ಅಂಡರ್ 19 ವಿಶ್ವಕಪ್ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನೀಡಿದೆ.
ಪಂದ್ಯಾವಳಿಯ ಇತಿಹಾಸದಲ್ಲಿ ಭಾರತವು ಅತ್ಯಂತ ಯಶಸ್ವಿ ತಂಡವಾಗಿದೆ ಮತ್ತು ಒಟ್ಟು ಐದು ಪ್ರಶಸ್ತಿಗಳನ್ನು ಗೆದ್ದಿದೆ. 3 ಅಂಡರ್-19 ವಿಶ್ವಕಪ್ ಗೆದ್ದಿರುವ ಆಸ್ಟ್ರೇಲಿಯಾ ಎರಡನೇ ಸ್ಥಾನದಲ್ಲಿದೆ. ಪಾಕಿಸ್ತಾನವು ಎರಡು ಬಾರಿ ವಿಜೇತರ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ಸೇರಿಸಿದೆ. ಬಾಂಗ್ಲಾದೇಶ, ದಕ್ಷಿಣ ಆಫ್ರಿಕಾ, ವೆಸ್ಟ್ ಇಂಡೀಸ್ ಮತ್ತು ಇಂಗ್ಲೆಂಡ್ ಒಮ್ಮೆ ಟ್ರೋಫಿಯನ್ನು ಎತ್ತಿಹಿಡಿದಿವೆ.