ಬೆಂಗಳೂರು: ದಕ್ಷಿಣ ಆಫ್ರಿಕಾ(south africa) ತಂಡ ಸೆಮಿಫೈನಲ್(south africa semi final) ಪ್ರವೇಶ ಪಡೆಯಬೇಕಿದ್ದರೆ ಭಾನುವಾರ ನಡೆಯುವ ಭಾರತ ವಿರುದ್ಧದ ಪಂದ್ಯದಲ್ಲಿ ಗೆಲುವು ಕಾಣಬೇಕಿತ್ತು. ಆದರೆ ಇದೀಗ ಈ ಪಂದ್ಯವನ್ನು ಆಡುವ ಮುನ್ನವೇ ದಕ್ಷಿಣ ಆಫ್ರಿಕಾ ತಂಡ ಸೆಮಿಫೈನಲ್ ಪ್ರವೇಶಿಸಿದೆ. ಇದಕ್ಕೆ ಕಾರಣ ನ್ಯೂಜಿಲ್ಯಾಂಡ್ ವಿರುದ್ಧ ಪಾಕಿಸ್ತಾನ ಗೆಲುವು ಸಾಧಿಸಿದ್ದು.
ಕಿವೀಸ್ ಸೋಲಿನಿಂದ ಹರಿಣ ಪಡೆ ಸೆಮಿಗೆ
ಹೌದು ದಕ್ಷಿಣ ಆಫ್ರಿಕಾ ತಂಡ 12 ಅಂಕದೊಂದಿಗೆ 2ನೇ ಸ್ಥಾನದಲ್ಲಿತ್ತು. ನ್ಯೂಜಿಲ್ಯಾಂಡ್ ಸೋಲು ಕಂಡ ಕಾರಣ 8 ಅಂಕದಲ್ಲೇ ಉಳಿಯಿತು. ಇನ್ನು ಕಿವೀಸ್ಗೆ ಒಂದು ಪಂದ್ಯ ಮಾತ್ರ ಬಾಕಿ ಉಳಿದಿದೆ. ಇದನ್ನು ಗೆದ್ದರೂ 10 ಅಂಕ ಮಾತ್ರ ಆಗಲಿದೆ. ಅತ್ತ ಪಾಕ್ಗೂ ಇನ್ನೊಂದೆ ಪಂದ್ಯ ಬಾಕಿ ಉಳಿದಿದೆ. ಪಾಕ್ ಕೂಡ ಈ ಪಂದ್ಯ ಗೆದ್ದರೆ 10 ಅಂಕ ಮಾತ್ರ ಸಿಗಲಿದೆ. ಏನೇ ಕಸರತ್ತು ಮಾಡಿದರೂ ಇನ್ನು ದಕ್ಷಿಣ ಆಫ್ರಿಕಾ ತಂಡದ ಅಂಕವನ್ನು ಮೀರಲು ಸಾಧ್ಯವಾಗುದಿಲ್ಲ. ಹೀಗಾಗಿ ದಕ್ಷಿಣ ಆಫ್ರಿಕಾ ತಂಡ ಎಡರನೇ ತಂಡವಾಗಿ ಸೆಮಿಫೈನಲ್ ಪ್ರವೇಶ ಪಡೆದಿದೆ. ಭಾರತ ತಂಡ ಲಂಕಾವನ್ನು ಮಣಿಸಿ ಮೊದಲ ತಂಡವಾಗಿ ಸೆಮಿಗೆ ಲಗ್ಗೆಯಿಟ್ಟಿತ್ತು.
ಇದನ್ನೂ ಓದಿ PAK vs NZ: ಪಾಕಿಸ್ತಾನವನ್ನು ಕಾಪಾಡಿದ ಮಳೆರಾಯ; ಕಿವೀಸ್ ವಿರುದ್ಧ 21 ರನ್ ಗೆಲುವು
Bringing the Protea Fire to the semi-finals 🔥
— ICC Cricket World Cup (@cricketworldcup) November 4, 2023
South Africa are through to the penultimate stage of #CWC23 👏 pic.twitter.com/v83TdskoUr
ಒಂದೊಮ್ಮೆ ನ್ಯೂಜಿಲ್ಯಾಂಡ್ ತಂಡ ಇಂದು ಪಾಕಿಸ್ತಾನ ವಿರುದ್ಧ ಗೆದ್ದಿದ್ದರೆ ದಕ್ಷಿಣ ಆಫ್ರಿಕಾ ತಂಡಕ್ಕೆ ಇನ್ನೊಂದು ಗೆಲುವು ಅತ್ಯಗತ್ಯವಾಗಿತ್ತು. ಸದ್ಯ ಸೆಮಿ ಪ್ರವೇಶಿಸಿರುವ ದಕ್ಷಿಣ ಆಫ್ರಿಕಾ ತಂಡ ಯಾವುದೇ ನಿಶ್ಚಿಂತೆ ಇಲ್ಲದೆ ಭಾನುವಾರ ಭಾರತ ವಿರುದ್ಧ ಕಣಕಿಳಿಯಬಹುದಾಗಿದೆ.
ಆಫ್ಘನ್-ಆಸೀಸ್ಗೆ ಅವಕಾಶ
ಇನ್ನು 12 ಅಂಕ ಸಂಪಾದಿಸಲು ಅವಕಾಶವಿರುವುದು ಅಫಘಾನಿಸ್ತಾನ ಮತ್ತು ಆಸ್ಟ್ರೇಲಿಯಾ ತಂಡಕ್ಕೆ ಮಾತ್ರ. ಆದರೆ ಇಲ್ಲಿ ಅಫಘಾನಿಸ್ತಾನ 2 ಪಂದ್ಯವನ್ನು ಗಲ್ಲಬೇಕು. ಒಂದು ಪಂದ್ಯ ಆಸೀಸ್ ವಿರುದ್ಧವೇ ಇದೆ. ಈ ಪಂದ್ಯದಲ್ಲಿ ಆಸೀಸ್ ಸೋಲು ಕಂಡರೂ ಸದ್ಯ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಗೆಲುವು ಮತ್ತು ಅಂತಿಮ ಪಂದ್ಯದಲ್ಲಿ ಗೆಲುವು ಕಂಡರೆ ಆಸೀಸ್ಗೂ 12 ಅಂಕ ಆಗಲಿದೆ. ಆಗ ಆಫ್ಘನ್ ಮತ್ತು ಆಸೀಸ್ ಸೆಮಿಫೈನಲ್ ಪ್ರವೇಶ ಪಡೆಯಲಿದೆ. ನ್ಯೂಜಿಲ್ಯಾಂಡ್ ಮತ್ತು ಪಾಕಿಸ್ತಾನ ಅಧಿಕೃತವಾಗಿ ಟೂರ್ನಿಯಿಂದ ಹೊರಬೀಳಲಿದೆ.
ಸದ್ಯದ ಅಂಕಪಟ್ಟಿ ಹೀಗಿದೆ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ | ನೆಟ್ ರನ್ರೇಟ್ |
| ಭಾರತ | 7 | 7 | 0 | 14 | +2.102 |
| ದಕ್ಷಿಣ ಆಫ್ರಿಕಾ | 7 | 6 | 1 | 12 | +2.290 |
| ಆಸ್ಟ್ರೇಲಿಯಾ | 6 | 4 | 2 | 8 | +0.970 |
| ನ್ಯೂಜಿಲ್ಯಾಂಡ್ | 8 | 4 | 4 | 8 | +0.398 |
| ಪಾಕಿಸ್ತಾನ | 8 | 4 | 4 | 8 | +0.036 |
| ಅಫಘಾನಿಸ್ತಾನ | 7 | 4 | 3 | 8 | -0.330 |
| ಶ್ರೀಲಂಕಾ | 7 | 2 | 5 | 4 | -1.162 |
| ನೆದರ್ಲ್ಯಾಂಡ್ಸ್ | 7 | 2 | 5 | 4 | -1.398 |
| ಬಾಂಗ್ಲಾದೇಶ | 7 | 1 | 6 | 2 | -1.446 |
| ಇಂಗ್ಲೆಂಡ್ | 6 | 1 | 5 | 2 | -1.652 |