ಬೆಂಗಳೂರು: ಇಲ್ಲಿನ ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ವಿಶ್ವ ಕಪ್ 2023ರ 25ನೇ ಪಂದ್ಯದಲ್ಲಿ (ICC World Cup 2023) ಹಾಲಿ ಚಾಂಪಿಯನ್ ಇಂಗ್ಲೆಂಡ್ ವಿರುದ್ಧ ಶ್ರೀಲಂಕಾ ತಂಡ 8 ವಿಕೆಟ್ಗಳ ಸುಲಭ ಜಯ ದಾಖಲಿಸಿದೆ. ಇದು ಲಂಕಾ ತಂಡಕ್ಕೆ ಹಾಲಿ ಟೂರ್ನಿಯಲ್ಲಿ ಲಭಿಸಿದ ಸತತ ಎರಡನೇ ವಿಜಯ. ಇದೇ ವೇಳೆ ವೇಳೆ ಆಂಗ್ಲರ ಪಡೆಗೆ ಸತತ ಮೂರು ಹಾಗೂ ಒಟ್ಟು ನಾಲ್ಕನೇ ಸೋಲಾಗಿದೆ. ಈ ಪಂದ್ಯದ ಬಳಿಕ ವಿಶ್ವ ಕಪ್ ಅಂಕಪಟ್ಟಿಯಲ್ಲಿ ಸಣ್ಣ ಮಾರ್ಪಾಟು ಆಗಿದೆ. ಆದರೆ, ಅಗ್ರ ನಾಲ್ಕರಲ್ಲಿ ಯಾವುದ ಬದಲಾವಣೆ ಉಂಟಾಗಿಲ್ಲ.
ಈ ಸುದ್ದಿಗಳನ್ನೂ ಓದಿ:
Virat kohli : ಕೊಹ್ಲಿ 50ನೇ ಒಡಿಐ ಶತಕ ಬಾರಿಸುವ ದಿನಾಂಕ ತಿಳಿಸಿದ ಗವಾಸ್ಕರ್
IPL 2024 : ಐಪಿಎಲ್ ಆಟಗಾರರ ಹರಾಜು ಪ್ರಕ್ರಿಯೆ ದುಬೈನಲ್ಲಿ? ಬಿಸಿಸಿಐ ಸ್ಪಷ್ಟನೆ
Hardik Pandya : ಹಾರ್ದಿಕ್ ಪಾಂಡ್ಯ ಬದಲಿಗೆ ಗುಜರಾತ್ನ ಆಲ್ರೌಂಡರ್ಗೆ ಚಾನ್ಸ್?
ಈ ಪಂದ್ಯದ ಗೆಲುವಿನ ಬಳಿಕ ಆಡಿರುವ ಐದು ಪಂದ್ಯಗಳಲ್ಲಿ ಮೊದಲ ಮೂರನ್ನು ಸೋತು ನಂತರ ಎರಡು ಹಣಾಹಣಿಯಲ್ಲಿ ವಿಜಯ ಕಂಡಿರುವ ಲಂಕಾ ತಂಡ ಎರಡು ಸ್ಥಾನ ಮೇಲಕ್ಕೇರಿ ಐದನೇ ಕ್ರಮಾಂಕ ಪಡೆದಿದೆ. ಈ ತಂಡದ ಬಳಿ ಇದೀಗ 4 ಅಂಕಗಳಿದ್ದು, -0.205 ನೆಟ್ರನ್ರೇಟ್ ಹೊಂದಿದೆ. ಈ ಸಂದರ್ಭದಲ್ಲಿ ಲಂಕಾ ತಂಡ ಐದನೇ ಸ್ಥಾನದಲ್ಲಿದ್ದ ಪಾಕ್ ತಂಡವನ್ನು ಕೆಳಕ್ಕೆ ತಳ್ಳ ಆ ಸ್ಥಾನದಲ್ಲಿ ಕುಳಿತಿದೆ. ಜತೆಗೆ ಸೆಮಿಫೈನಲ್ ಆಸೆಯವನ್ನು ಜೀವಂತವಾಗಿರಿಸಿದೆ. ಇದೇ ಇಂಗ್ಲೆಂಡ್ ಬಳಗ ಹ್ಯಾಟ್ರಿಕ್ ಸೋಲಿನೊಂದಿಗೆ ಕೇವಲ 2 ಅಂಕಗಳನ್ನು ಹೊಂದಿದೆ. ಹೀಗಾಗಿ 8ರಿಂದ 9ನೇ ಸ್ಥಾನಕ್ಕೆ ಜಾರಿದೆ. ಈ ತಂಡ (-1.634) ಬಾಂಗ್ಲಾದೇಶಕ್ಕಿಂತಲೂ (-1.253) ಕಡಿಮೆ ನೆಟ್ರನ್ರೇಟ್ ಹೊಂದಿದೆ. ಹಾಲಿ ಚಾಂಪಿಯನ್ಗಳಿಗೆ ಇನ್ನು 4 ಪಂದ್ಯಗಳು ಬಾಕಿ ಉಳಿದಿದೆ. ಆದಾಗ್ಯೂ ಸೆಮೀಸ್ ಅವಕಾಶ ಕ್ಷೀಣಿಸಿದೆ.
Sri Lanka stormed to an eight-wicket win over struggling England 👀
— ICC Cricket World Cup (@cricketworldcup) October 26, 2023
Read the full match report 📝⬇️#ENGvSL #CWC23https://t.co/bpoN1VnCQH
ಭಾರತಕ್ಕೆ ಅಗ್ರಸ್ಥಾನ
ಆತಿಥೇಯ ಭಾರತ ತಂಡ ಆಡಿದ ಎಲ್ಲ 5 ಪಂದ್ಯಗಳನ್ನು ಗೆದ್ದು 10 ಅಂಕದೊಂದಿಗೆ ಅಗ್ರಸ್ಥಾನ ಪಡೆದಿದೆ. 5ರಲ್ಲಿ ನಾಲ್ಕು ಪಂದ್ಯ ಗೆದ್ದ ನ್ಯೂಜಿಲ್ಯಾಂಡ್ 8 ಅಂಕದೊಂದಿಗೆ ಮೂರನೇ ಸ್ಥಾನದಲ್ಲಿದೆ. 5ರಲ್ಲಿ ನಾಲ್ಕು ಪಂದ್ಯ ಗೆದ್ದು ಉತ್ತಮ ರನ್ ರೇಟ್ ಹೊಂದಿರುವ ದಕ್ಷಿಣ ಆಫ್ರಿಕಾ ತಂಡ ದ್ವಿತೀಯ ಸ್ಥಾನದಲ್ಲಿದೆ. ದಕ್ಷಿಣ ಆಫ್ರಿಕಾ +2.370 ರನ್ ರೇಟ್ ಹೊಂದಿದೆ. ಭಾರತ ಇನ್ನೊಂದು ಪಂದ್ಯ ಗೆದ್ದರೂ ಸೆಮಿಫೈನಲ್ಗೆ ಅಧಿಕೃತ ಎಂಟ್ರಿ ಕೊಡಲಿದೆ. ಭಾರತದ ಬದ್ಧ ಎದುರಾಳಿ ಹ್ಯಾಟ್ರಿಕ್ ಸೋಲು ಕಂಡ ಪಾಕಿಸ್ತಾನ 4 ಅಂಕದೊಂದಿಗೆ 6ನೇ ಸ್ಥಾನದಲ್ಲಿದೆ.
Points Table for World Cup 2023.
— Johns. (@CricCrazyJohns) October 26, 2023
– India 🇮🇳 is the only unbeaten team so far. pic.twitter.com/CtiOWxhgVT
ನೆದರ್ಲ್ಯಾಂಡ್ಸ್ ತಂಡ ಕೊನೇ ಸ್ಥಾನದಲ್ಲಿದ್ದರೆ ಬಾಂಗ್ಲಾದೇಶಕ್ಕೆ ಎಂಟನೇ ಸ್ಥಾನ. ಅಫಘಾನಿಸ್ತಾನ ತಂಡ 4 ಅಂಕಗಳೊಂದಿಗೆ ಏಳನೇ ಸ್ಥಾನ ಪಡೆದುಕೊಂಡಿದೆ.
2023ರ ಅಂಕಪಟ್ಟಿ ಈ ರೀತಿ ಇದೆ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ | ನೆಟ್ ರನ್ರೇಟ್ |
| ಭಾರತ | 5 | 5 | 0 | 10 | 1.353 |
| ದಕ್ಷಿಣ ಆಫ್ರಿಕಾ | 5 | 4 | 1 | 8 | 2.370 |
| ನ್ಯೂಜಿಲ್ಯಾಂಡ್ | 5 | 4 | 1 | 8 | 1.481 |
| ಆಸ್ಟ್ರೇಲಿಯಾ | 5 | 3 | 2 | 6 | 1.142 |
| ಶ್ರೀಲಂಕಾ | 5 | 2 | 3 | 4 | -0.205 |
| ಪಾಕಿಸ್ತಾನ | 5 | 2 | 3 | 4 | -0.400 |
| ಅಫಘಾನಿಸ್ತಾನ | 5 | 2 | 3 | 4 | -0.969 |
| ಬಾಂಗ್ಲಾದೇಶ | 5 | 1 | 4 | 2 | -1.253 |
| ಇಂಗ್ಲೆಂಡ್ | 5 | 1 | 4 | 2 | -1.634 |
| ನೆದರ್ಲ್ಯಾಂಡ್ಸ್ | 5 | 1 | 4 | 2 | -1.902 |
ಅಕ್ಟೋಬರ್ 27ರಂದು ಪಾಕಿಸ್ತಾನ ಹಾಗೂ ದಕ್ಷಿಣ ಆಫ್ರಿಕಾ ತಂಡಗಳ ನಡುವೆ ಪಂದ್ಯ ನಡೆಯಲಿದೆ. ಚೆನ್ನೈನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಈ ಪಂದ್ಯ ಆಯೋಜನೆಗೊಂಡಿದೆ. ಪಾಕಿಸ್ತಾನ ತಂಡ ಸೆಮಿಫೈನಲ್ಗೇರಬೇಕಾದರೆ ಇನ್ನುಳಿದಿರುವ ನಾಲ್ಕು ಪಂದ್ಯಗಳನ್ನೂ ಗೆಲ್ಲಬೇಕಾಗಿದೆ. ಆದರೆ ದಕ್ಷಿಣ ಆಫ್ರಿಕಾ ತಂಡ ವಿಶ್ವಾಸದಲ್ಲಿ ಮುನ್ನುಗ್ಗುತ್ತಿದೆ.