ಚೆನ್ನೈ: ಐಪಿಎಲ್ 16ನೇ ಆವೃತ್ತಿಯ 61ನೇ ಪಂದ್ಯ ಮುಕ್ತಾಯಗೊಂಡ ಬಳಿಕ ಸ್ಟೇಡಿಯಮ್ನಲ್ಲಿ ಹೃದಯಸ್ಪರ್ಶಿ ಘಟನೆಯೊಂದು ನಡೆಯಿತು. ಟೂರ್ನಿಯಲ್ಲಿ ತವರಿನ ಸ್ಟೇಡಿಯಮ್ನಲ್ಲಿ ಕೊನೇ ಪಂದ್ಯವಾಡಿದ ಚೆನ್ನೈ ಸೂಪರ್ ಕಿಂಗ್ಸ್ ನಾಯಕ ಮಹೇಂದ್ರ ಸಿಂಗ್ ಧೋನಿ ಎಲ್ಲರಿಗೂ ಆಟೋಗ್ರಾಫ್ ನೀಡುತ್ತಿದ್ದರು. ಈ ವೇಳೆ ಅಲ್ಲಿಗೆ ಬಂದ ಭಾರತೀಯ ಕ್ರಿಕೆಟ್ ಕ್ಷೇತ್ರದ ಮಾಜಿ ದಿಗ್ಗಜ ಸುನೀಲ್ ಗವಾಸ್ಕರ್ ಅವರು ತಾವೂ ಎದೆ ಮೇಲೆ ಹಸ್ತಾಕ್ಷರ ಪಡೆದುಕೊಂಡರು. ಈ ಕ್ಷಣ ಕ್ರಿಕೆಟ್ ಕ್ಷೇತ್ರದ ಅತ್ಯಂತ ಭಾವಾನಾತ್ಮಕ ಹಾಗೂ ಗೌರವ ಪೂರ್ವಕ ಕ್ಷಣ ಎನಿಸಿಕೊಂಡಿತು.
ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ಪ್ರೇಕ್ಷಕರು ಇಬ್ಬರು ದಂತಕಥೆಗಳನ್ನು ಹುರಿದುಂಬಿಸುತ್ತಿದ್ದಂತೆ ಎಂಎಸ್ ಧೋನಿ ಸುನಿಲ್ ಗವಾಸ್ಕರ್ ಅವರ ಶರ್ಟ್ ಮೇಲೆ ಸಹಿ ಹಾಕಿದರು. ಐಪಿಎಲ್ನ ಅಧಿಕೃತ ನೇರ ಪ್ರಸಾರ ಸಂಸ್ಥೆಯಾಗಿರುವ ಸ್ಟಾರ್ ಸ್ಪೋರ್ಟ್ಸ್ನ ಕರ್ತವ್ಯದಲ್ಲಿದ್ದರು. ಧೋನಿ ಮೈದಾನ ತೊರೆಯುವ ಮೂಲಕ ಸ್ಥಳೀಯ ಪ್ರೇಕ್ಷರಿಗೆ ಅಭಿನಂದನೆ ಸಲ್ಲಿಸಿದರು. ಈ ವೇಳೆ ಬ್ಯಾಟಿಂಗ್ ದಂತಕಥೆ ಗವಾಸ್ಕರ್ ತಮ್ಮ ಎದೆ ಮೇಲೆ ಹಸ್ತಾಕ್ಷರ ಹಾಕುವಂತೆ ಕೋರಿಕೊಂಡರು.
ಕಿಕ್ಕಿರಿದು ತುಂಬಿದ್ದ ಚೆಪಾಕ್ ಆಟಗಾರರು ರೋಮಾಂಚನಗೊಂಡರೆ, ಬ್ಯಾಟಿಂಗ್ ದಂತಕಥೆ ಗವಾಸ್ಕರ್ ಧೋನಿ ಬಳಿ ಬಂದು ವಿಶೇಷ ಆಟೋಗ್ರಾಫ್ ಪಡೆದರು. ಬ್ಯಾಟಿಂಗ್ ದಂತಕಥೆಯ ವಿನಂತಿಯನ್ನು ಒಪ್ಪಿಕೊಂಡ ಧೋನಿ ಅವರು ಗವಾಸ್ಕರ್ ಅವರ ಶರ್ಟ್ಗೆ ಸಹಿ ಹಾಕಿದರು.
ಚೆಪಾಕ್ನ ತವರಿನ ಅಭಿಮಾನಿಗಳಿಗೆ ಕೃತಜ್ಞತೆಯನ್ನು ವ್ಯಕ್ತಪಡಿಸಿದ ಧೋನಿ ಟೆನಿಸ್ ರ್ಯಾಕೆಟ್ ಮೂಲಕ ಪ್ರೇಕ್ಷಕರಿಗೆ ಕೆಲವು ಚೆಂಡುಗಳನ್ನು ಹೊಡೆದರು. ಚೆಪಾಕ್ನಲ್ಲಿ ಜರ್ಸಿಗಳನ್ನು ಎಸೆಯುವುದರಿಂದ ಹಿಡಿದು ಪೊಲೀಸರೊಂದಿಗೆ ಕೈಕುಲುಕಿದರು. ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಗವಾಸ್ಕರ್, ಸಿಎಸ್ಕೆ ತಂಡ ಕೊನೇ ಪಂದ್ಯ ಆಡುತ್ತಿದೆ ಎಂಬ ಕಾರಣಕ್ಕೆ ಮೊದಲೇ ಪೆನ್ ಸಿದ್ಧಪಡಿಸಿಕೊಂಡಿದ್ದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ : IPL 2023 : ಧೋನಿಯ ತಂತ್ರಗಾರಿಕೆಯನ್ನು ಸಿಕ್ಕಾಪಟ್ಟೆ ಹೊಗಳಿದ ಮಹಿಳಾ ಕ್ರಿಕೆಟರ್
ಮಹೇಂದ್ರ ಸಿಂಗ್ ಧೋನಿ ಆಟೋಗ್ರಾಫ್ ಅನ್ನು ಪ್ರದರ್ಶಿಸುತ್ತಿದ್ದಂತೆ ಗವಾಸ್ಕರ್ ಕ್ಯಾಮೆರಾಮನ್ ಗೆ ತಮ್ಮ ಶರ್ಟ್ ಗೆ ಜೂಮ್ ಮಾಡಲು ಅವಕಾಶ ನೀಡಿದರು.
“ಯಾರು ಧೋನಿಯನ್ನು ಪ್ರೀತಿಸುವುದಿಲ್ಲ? ಹಲವು ವರ್ಷಗಳಿಂದ ಅವರು ಭಾರತೀಯ ಕ್ರಿಕೆಟ್ಗೆ ನೀಡಿದ್ದೆಲ್ಲೂ ಅದ್ಭುತ ಕೊಡುಗೆಗಳು. ಎಲ್ಲಕ್ಕಿಂತ ಮುಖ್ಯವಾದುದು ಅವರು ಎಲ್ಲರಿಗೂ ರೋಲ್ ಮಾಡೆಲ್ ಆಗಿದ್ದಾರೆ. ಅನೇಕ ಯುವ ಕ್ರಿಕೆಟಿಗರು ಅವರನ್ನು ನೋಡಿ ಕಲಿಯುತ್ತಿದ್ದಾರೆ ಎಂದು ಗವಾಸ್ಕರ್ ಹೇಳಿದ್ದಾರೆ.
ಕೋಲ್ಕತಾ ನೈಟ್ ರೈಡರ್ಸ್ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್ 6 ವಿಕೆಟ್ಗಳಿಂದ ಸೋಲು ಅನುಭವಿಸಿದರೂ ಧೋನಿ ಹಸ್ತಾಕ್ಷರ ನೀಡಿದ ಕ್ಷಣ ಗಮನ ಸೆಳೆಯಿತು.
ಮಹೇಂದ್ರ ಸಿಂಗ್ ಧೋನಿ ಅವರಿಗೆ ಇದು ಕೊನೆಯ ಐಪಿಎಲ್. ಈ ಸೀಸನ್ ಬಳಿಕ ಧೋನಿ ಕ್ರಿಕೆಟ್ ಲೋಕದಿಂದ ದೂರವಾಗಲಿದ್ದಾರಂತೆ ಸದ್ಯ ಚೆನ್ನೈ ಆಡಿರುವ 13 ಪಂದ್ಯಗಳಲ್ಲಿ 7 ಗೆಲುವು, 5 ಸೋಲು ಕಂಡು 15 ಅಂಕ ಸಂಪಾದಿಸಿ ದ್ವಿತೀಯ ಸ್ಥಾನದಲ್ಲಿದೆ. ಸಿಎಸ್ಕೆ ಇನ್ನೂ ಪ್ಲೇ ಆಫ್ಗೆ ಲಗ್ಗೆಯಿಟ್ಟಿಲ್ಲ. ಒಂದು ವೇಳೆ ಪ್ಲೇ ಆಫ್ ಪ್ರವೇಶಿಸಲು ವಿಫಲವಾದರೆ ಭಾನುವಾರ ನಡೆದ ಪಂದ್ಯ ಚೆಪಾಕ್ನಲ್ಲಿ ಕೊನೆಯ ಮ್ಯಾಚ್ ಆಗಲಿದೆ.