ಗ್ಕೆಬರ್ಹಾ: ದಕ್ಷಿಣ ಆಫ್ರಿಕಾ ನಡುವಿನ ದ್ವಿತೀಯ ಟಿ20 ಪಂದ್ಯದಲ್ಲಿ(South Africa vs India, 2nd T20) ಭಾರತ ತಂಡ ಹಾರ್ಡ್ ಹಿಟ್ಟರ್ ಸೂರ್ಯಕುಮಾರ್ ಯಾದವ್(Suryakumar Yadav) ಅವರು ಕಿಂಗ್ ಖ್ಯಾತಿಯ ವಿರಾಟ್ ಕೊಹ್ಲಿಯ(Virat Kohli) ದಾಖಲೆಯೊಂದನ್ನು ಸರಿಗಟ್ಟಿದ್ದಾರೆ. ಜತೆಗೆ ಕೆ.ಎಲ್ ರಾಹುಲ್(KL Rahul) ಅವರ ದಾಖಲೆಯನ್ನು ಮುರಿದಿದ್ದಾರೆ.
ಇಲ್ಲಿನ ಗ್ಕೆಬರ್ಹಾ ಸೇಂಟ್ ಜಾರ್ಜ್ ಪಾರ್ಕ್ನಲ್ಲಿ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಸೂರ್ಯಕುಮಾರ್ ಅವರು 15 ರನ್ ಗಳಿಸಿದ ವೇಳೆ ಟಿ20 ಕ್ರಿಕೆಟ್ನಲ್ಲಿ 2 ಸಾವಿರ್ ರನ್ ಪೂರೈಸಿದ ದಾಖಲೆ ಬರೆದರು. ಈ ಮೂಲಕ ಭಾರತ ಪರ ವೇಗವಾಗಿ ಈ ಸಾಧನೆ ಮಾಡಿದ ವಿರಾಟ್ ಕೊಹ್ಲಿಯ ದಾಖಲೆಯನ್ನು ಸರಿಗಟ್ಟಿದರು. ಕೊಹ್ಲಿ ಈ 56 ಇನ್ನಿಂಗ್ಸ್ನಲ್ಲಿ ಈ ಮೈಲುಗಲ್ಲು ನಿರ್ಮಿಸಿದ್ದರು. ಇದೀಗ ಸೂರ್ಯ ಕೂಡ 56 ಇನ್ನಿಂಗ್ಸ್ನಲ್ಲಿಯೇ ಈ ದಾಖಲೆಯನ್ನು ನಿರ್ಮಿಸಿ ಜಂಟಿಯಾಗಿ ಕೊಹ್ಲಿ ಜತೆ ಕಾಣಿಸಿಕೊಂಡಿದ್ದಾರೆ.
Milestone 🔓
— BCCI (@BCCI) December 12, 2023
2⃣0⃣0⃣0⃣ T20I runs (and going strong 💪💪) for Suryakumar Yadav! 👏 👏
Follow the Match 👉 https://t.co/4DtSrebAgI #TeamIndia | #SAvIND pic.twitter.com/lK1n7BvpzQ
ರಾಹುಲ್ ದಾಖಲೆ ಪತನ
ಕನ್ನಡಿಗ ಕೆ.ಎಲ್ ರಾಹುಲ್ ಅವರು 58 ಇನಿಂಗ್ಸ್ನಲ್ಲಿ ಈ ದಾಖಲೆ ನಿರ್ಮಿಸಿ 2ನೇ ಸ್ಥಾನದಲ್ಲಿದ್ದರು. ಆದರೆ ಇದೀಗ ಸೂರ್ಯ 56 ಇನ್ನಿಂಗ್ಸ್ನಲ್ಲಿ 2 ಸಾವಿರ ರನ್ ಗಡಿ ದಾಟಿ ಅವರುನ್ನು ಹಿಂದಿಕ್ಕಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಸೂರ್ಯಕುಮಾರ್ ಅವರು ತಮ್ಮ ಎಂದಿನ ಶೈಲಿಯಲ್ಲೇ ಹೊಡಿ ಬಡಿ ಆಟವಾಡಿ ಅರ್ಧಶತಕ ಬಾರಿಸಿದರು.
ಇದನ್ನೂ ಓದಿ IND vs SA: ರಿಂಕು, ಸೂರ್ಯ ಅರ್ಧಶತಕ; ಪಂದ್ಯಕ್ಕೆ ಮಳೆ ಅಡ್ಡಿ
ಒಟ್ಟು 36 ಎಸೆತ ಎದುರಿಸಿದ ಅವರು ಸೊಗಸಾದ 5 ಬೌಂಡರಿ ಮತ್ತು 3 ಸಿಕ್ಸರ್ ನೆರವಿನಿಂದ 56 ರನ್ ಬಾರಿಸಿದರು. ರಿಂಕು ಜತೆಗೂಡಿ 4ನೇ ವಿಕೆಟ್ಗೆ 70 ರನ್ ಒಟ್ಟುಗೂಡಿಸಿದರು. ಅರ್ಧಶತಕ ಬಾರಿಸಿದ ಬಳಿಕ ತಬ್ರೆಜ್ ಶಂಸಿ ಅವರ ಓವರ್ನಲ್ಲಿ ಸಿಕ್ಸರ್ ಬಾರಿಸಲು ಹೋಗಿ ಲಾಂಗ್ ಆನ್ನಲ್ಲಿ ಜಾನ್ಸೆನ್ಗೆ ಕ್ಯಾಚ್ ನೀಡಿ ವಿಕೆಟ್ ಕೈಚೆಲ್ಲಿದರು.
Suryakumar Yadav is the first Indian Men's captain to score fifty in South Africa in T20I. pic.twitter.com/uJbzXehI1v
— Johns. (@CricCrazyJohns) December 12, 2023
ದಾಖಲೆ ಪಾಕ್ ಆಟಗಾರರ ಹೆಸರಿನಲ್ಲಿದೆ
ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ ಅತಿ ವೇಗವಾಗಿ 2 ಸಾವಿರ ರನ್ ಬಾರಿಸಿದ ದಾಖಲೆ ಜಂಟಿಯಾಗಿ ಪಾಕಿಸ್ತಾನ ತಂಡದ ಮಾಜಿ ನಾಯಕ ಬಾಬರ್ ಅಜಂ ಮತ್ತು ಮೊಹಮ್ಮದ್ ರಿಜ್ವಾನ್ ಹಸರಿನಲ್ಲಿದೆ. ಉಭಯ ಆಟಗಾರರು 52 ಇನಿಂಗ್ಸ್ನಲ್ಲಿ ಈ ದಾಖಲೆ ನಿರ್ಮಿಸಿದ್ದಾರೆ.
ವೇಗವಾಗಿ ಟಿ20ಯಲ್ಲಿ 2 ಸಾವಿರ ರನ್ ಬಾರಿಸಿದ ಆಟಗಾರರು
ಬಾಬರ್ ಅಜಂ- 52 ಇನಿಂಗ್ಸ್
ಮೊಹಮ್ಮದ್ ರಿಜ್ವಾನ್-52 ಇನಿಂಗ್ಸ್
ವಿರಾಟ್ ಕೊಹ್ಲಿ-56 ಇನ್ನಿಂಗ್ಸ್
ಸೂರ್ಯಕುಮಾರ್ ಯಾದವ್-56 ಇನಿಂಗ್ಸ್
ಕೆ.ಎಲ್ ರಾಹುಲ್-58 ಇನಿಂಗ್ಸ್