ಜೋಹಾನ್ಸ್ ಬರ್ಗ್ : ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಿನ 3ನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ನಾಯಕ ಸೂರ್ಯಕುಮಾರ್ ಯಾದವ್ ಭರ್ಜರಿ ಶತಕ ಸಿಡಿಸಿದ್ದಾರೆ. 55 ಎಸೆತಗಳಲ್ಲಿ 4ನೇ ಟಿ20 ಶತಕ ಬಾರಿಸಿದ 33ರ ಹರೆಯದ ಸೂರ್ಯಕುಮಾರ್ , ಟಿ20 ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಶತಕಗಳನ್ನು ಬಾರಿಸಿದ ರೋಹಿತ್ ಶರ್ಮಾ ಮತ್ತು ಗ್ಲೆನ್ ಮ್ಯಾಕ್ಸ್ವೆಲ್ ಅವರ ಸಾಲಿಗೆ ಸೇರಿಕೊಂಡರು. ಸೂರ್ಯಕುಮಾರ್ ಯಾದವ್ 7 ಬೌಂಡರಿ ಮತ್ತು 8 ಸಿಕ್ಸರ್ಗಳನ್ನು ಒಳಗೊಂಡ 100 ರನ್ ಗಳಿಸುವ ಮೂಲಕ ಭಾರತವನ್ನು 201 ರನ್ಗಳ ಕಡೆಗೆ ಮುನ್ನಡೆಸಿದರು.
Suryakumar Yadav is a legend in T20I. 🫡
— Johns. (@CricCrazyJohns) December 14, 2023
– 4th hundred from just 57 innings, What a player. pic.twitter.com/ymOSWh8D2z
ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಟಿ 20 ಐ ಸ್ವರೂಪದಲ್ಲಿ ನಾಲ್ಕು ಶತಕಗಳನ್ನು ಗಳಿಸಿದ ಮೊದಲ ಆಟಗಾರ. ಆಸ್ಟ್ರೇಲಿಯಾದ ಸ್ಫೋಟಕ ಆಲ್ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ಕಳೆದ ತಿಂಗಳು ಗುವಾಹಟಿಯಲ್ಲಿ ನಡೆದ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ 3 ನೇ ಟಿ 20 ಪಂದ್ಯದಲ್ಲಿ ಶತಕ ಗಳಿಸುವ ಮೂಲಕ ರೋಹಿತ್ ಶರ್ಮಾ ಅವರ ದಾಖಲೆಯನ್ನು ಸರಿಗಟ್ಟಿದ್ದರು. ಇದೀಗ ಸೂರ್ಯಕುಮಾರ್ ಯಾದವ್ ಅವರ ಪಟ್ಟಿಗೆ ಸೇರ್ಪಡೆಗೊಂಡಿದ್ದಾರೆ.
The evergreen Suryakumar Yadav.pic.twitter.com/c1YZBSWOJ9
— Mufaddal Vohra (@mufaddal_vohra) December 12, 2023
ವಿರಾಟ್ ಕೊಹ್ಲಿಯ ದಾಖಲೆ ಮುರಿದ ಸೂರ್ಯ
ಬೆಂಗಳೂರು: ಟಿ20 ಕ್ರಿಕೆಟ್ನಲ್ಲಿ ಟೀಂ ಇಂಡಿಯಾದ ಮಾಜಿ ನಾಯಕ ವಿರಾಟ್ ಕೊಹ್ಲಿ ದಾಖಲೆಯನ್ನು ಹಂಗಾಮಿ ನಾಯಕ ಸೂರ್ಯಕುಮಾರ್ ಯಾದವ್ ಮುರಿದಿದ್ದಾರೆ. ಅವರು ಬ್ಯಾಟಿಂಗ್ ದಿಗ್ಗಜರನ್ನು ಹಿಂದಿಕ್ಕಿ ಆಟದ ಕಿರು ಸ್ವರೂಪದಲ್ಲಿ ಅತಿ ಹೆಚ್ಚು ಸಿಕ್ಸರ್ ಗಳನ್ನು ಗಳಿಸಿದ ಎರಡನೇ ಭಾರತೀಯ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಮೂರನೇ ಟಿ 20 ಪಂದ್ಯದಲ್ಲಿ ಸೂರ್ಯಕುಮಾರ್ ಯಾದವ್ ಈ ಸಾಧನೆ ಮಾಡಿದ್ದಾರೆ. ಜೋಹಾನ್ಸ್ಬರ್ಗ್ನ ನ್ಯೂ ವಾಂಡರರ್ಸ್ ಸ್ಟೇಡಿಯಂನಲ್ಲಿ ಉಭಯ ತಂಡಗಳ ನಡುವಿನ ಸರಣಿಯ ನಿರ್ಣಾಯಕ ಮೂರನೇ ಪಂದ್ಯ ನಡೆಯಿತು. . ಹಂಗಾಮಿ ನಾಯಕ ಮತ್ತೊಂದು ಬಾರಿ ಭರ್ಜರಿ ಬ್ಯಾಟಿಂಗ್ ಮಾಡಿ ಶತಕ ಬಾರಿಸಿದ್ದಾರೆ. ಈ ವೇಳೆ ಕೊಹ್ಲಿಯ ದಾಖಲೆಯನ್ನು ಮುರಿದಿದ್ದಾರೆ.
ಭಾರತವು ಶುಭ್ಮನ್ ಗಿಲ್ (12) ಮತ್ತು ತಿಲಕ್ ವರ್ಮಾ (0) ಅವರನ್ನು ಬೇಗನೆ ಕಳೆದುಕೊಂಡಾಗ ಸೂರ್ಯಕುಮಾರ್ ಯಾದವ್ ಬ್ಯಾಟಿಂಗ್ಗೆ ಬಂದರು ಅವರು ದಕ್ಷಿಣ ಆಫ್ರಿಕಾದ ಬೌಲರ್ಗ:ಳನ್ನು ಅಣಕಿಸುವ ಮೂಲಕ ಅವರನ್ನು ಒತ್ತಡಕ್ಕೆ ಸಿಲುಕಿಸಿದರು. ಅಲ್ಲದೆ, ವಿಡಿಯೋ ಗೇಮ್ ಮಾದರಿಯ ಇನ್ನಿಂಗ್ಸ್ ಆಡಿದರು.
Suryakumar Yadav joins the most century club in T20 Internationals, standing shoulder to shoulder with the powerhouses Glenn Maxwell and Rohit Sharma. pic.twitter.com/KPW8OovPp5
— CricTracker (@Cricketracker) December 14, 2023
ಔಟ್ ಆಫ್ ಬಾಕ್ಸ್ ಶಾಟ್ಗಳು
ಸೂರ್ಯಕುಮಾರ್ ಯಾದವ್ ತಮ್ಮ ಇನ್ನಿಂಗ್ಸ್ನಲ್ಲಿ ಕೆಲವು ಔಟ್-ಆಫ್-ಬಾಕ್ಸ್ ಶಾಟ್ಗಳನ್ನು ಆಡಿದರು. ತಮ್ಮ ಅಪರೂಪದ ಹೊಡೆಗಳ ಮೂಲಕ ಪ್ರೇಕ್ಷಕರನ್ನು ಆಶ್ಚರ್ಯಚಕಿತರನ್ನಾಗಿ ಮಾಡಿದರು. ಮೊದಲಿಗೆ ಅವರು ಸರಣಿಯ ಸತತ ಎರಡನೇ ಅರ್ಧಶತಕವನ್ನು ದಾಖಲಿಸಿದರು. ಈ ಮೂಲಕ ತಂಡವನ್ನು ಅಗ್ರಸ್ಥಾನದಲ್ಲಿರಿಸಿದರು. ಆರಂಭದಲ್ಲಿ ಎರಡು ವಿಕೆಟ್ ಕಳೆದುಕೊಂಡರೂ, ಅವರು ಎದುರಾಳಿಗಳ ಮೇಲೆ ಒತ್ತಡ ಹೇರುವುದನ್ನು ನಿಲ್ಲಿಸಲಿಲ್ಲ.
ಟಿ20ಐನಲ್ಲಿ 117 ಸಿಕ್ಸರ್ ಬಾರಿಸಿದ ವಿರಾಟ್ ಕೊಹ್ಲಿ ದಾಖಲೆಯನ್ನು ಸೂರ್ಯಕುಮಾರ್ ಯಾದವ್ ಮುರಿದಿದ್ದಾರೆ. ಅವರು ಈಗ ಕೇವಲ 57 ಇನಿಂಗ್ಸ್ಗಳಲ್ಲಿ 123 ಸಿಕ್ಸರ್ಗಳನ್ನು ಹೊಂದಿದ್ದಾರೆ. ಕೊಹ್ಲಿ 107 ಇನ್ನಿಂಗ್ಸ್ಗಳಲ್ಲಿ 117 ಸಿಕ್ಸರ್ ಬಾರಿಸಿದ್ದಾರೆ. ಇದು ಸೂರ್ಯಕುಮಾಋ್ ಯಾದವ್ ಅವರನ್ನು ಪರಿಪೂರ್ಣ ಟಿ 20 ಬ್ಯಾಟರ್ ಎಂಬುದನ್ನು ಖಚಿತಪಡಿಸುತ್ತದೆ.
ಸೂರ್ಯಕುಮಾರ್ ಯಾದವ್ ಅವರಿಗಿಂತ ರೋಹಿತ್ ಶರ್ಮಾ ಮುಂದಿದ್ದಾರೆ. ರೋಹಿತ್ 140 ಇನಿಂಗ್ಸ್ಗಳಲ್ಲಿ 182 ಸಿಕ್ಸರ್ ಬಾರಿಸಿದ್ದಾರೆ. ಆದರೆ, ಸೂರ್ಯ ಸದ್ಯ ಬ್ಯಾಟಿಂಗ್ ಮಾಡುತ್ತಿರುವ ರೀತಿಯನ್ನು ನೋಡಿದರೆ ಅವರು ಹಿರಿಯ ಆರಂಭಿಕ ಆಟಗಾರನನ್ನು ಮೀರಿಸಬಹುದು.
ಟಿ20ಐನಲ್ಲಿ ಭಾರತದ ಪರ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದ ಆಟಗಾರರು
- 182 – ರೋಹಿತ್ ಶರ್ಮಾ
- 123 – ಸೂರ್ಯಕುಮಾರ್ ಯಾದವ್
- 117 – ವಿರಾಟ್ ಕೊಹ್ಲಿ
- 99 – ಕೆಎಲ್ ರಾಹುಲ್
- 74 – ಯುವರಾಜ್ ಸಿಂಗ್