ಪೋರ್ಟ್‌ ಆಫ್‌ ಸ್ಪೇನ್‌: ವೆಸ್ಟ್‌ ಇಂಡೀಸ್‌ ವಿರುದ್ಧದ ಏಕದಿನ ಸರಣಿಯ (Ind vs Eng ODI)ಎರಡನೇ ಪಂದ್ಯದಲ್ಲಿ ಭಾರತ ತಂಡ ಗೆಲುವು ಸಾಧಿಸಿದರೆ ವಿಶ್ವ ದಾಖಲೆಯೊಂದು ನಿರ್ಮಾಣವಾಗಲಿದೆ. ಇದೇ ವೇಳೆ ಪಾಕಿಸ್ತಾನದ ಸಾಧನೆಯ ಅಳಿಸಿ ಹೋಗುತ್ತದೆ.
ಭಾರತ ಹಾಗೂ ವಿಂಡೀಸ್ ನಡುವೆ ಕ್ವೀನ್ಸ್‌ ಪಾರ್ಕ್‌ ಓವಲ್‌ನಲ್ಲಿ ಗುರುವಾರ ರಾತ್ರಿ ಪಂದ್ಯ ನಡೆಯಲಿದೆ. ಈ ಪಂದ್ಯದಲ್ಲಿ ಶಿಖರ್‌ ಧವನ್ ಬಳಗ ಜಯ ಸಾಧಿಸಿದರೆ ಕೆರಿಬಿಯನ್‌ ಬಳಗದ ವಿರುದ್ಧ ಸತತ ೧೨ ಏಕದಿನ ಪಂದ್ಯಗಳ ಸರಣಿ ಗೆದ್ದ ದಾಖಲೆಗೆ ಪಾತ್ರವಾಗಲಿದೆ. ಈ ವೇಳೆ ತಂಡವೊಂದರ ವಿರುದ್ಧ ೧೧ ಸರಣಿ ಗೆದ್ದಿರುವ ನೆರೆಯ ಪಾಕಿಸ್ತಾನದ ದಾಖಲೆ ಅಳಿಸಿ ಹೋಗಲಿದೆ.
ಟೀಮ್‌ ಇಂಡಿಯಾ ವೆಸ್ಟ್‌ ಇಂಡೀಸ್‌ ವಿರುದ್ಧ ಸರಣಿ ಸೋತಿರುವುದು ೨೦೦೬ರಲ್ಲಿ ಕೊನೇ ಬಾರಿ. ಅಂದರೆ ೨೦೦೭ರಿಂದ ಇಲ್ಲಿಯವರೆಗೆ ನಡೆದ ೧೧ ಏಕದಿನ ಪಂದ್ಯಗಳ ಸರಣಿಯಲ್ಲಿ ಭಾರತವೇ ಗೆದ್ದಿದೆ. ಅದರೊಂದಿಗೆ ಜಿಂಬಾಬ್ವೆ ವಿರುದ್ಧ ೧೧ ಸರಣಿ ಗೆದ್ದಿರುವ ಪಾಕಿಸ್ತಾನದ ಜತೆಗೆ ದಾಖಲೆಯನ್ನು ಹಂಚಿಕೊಂಡಿದೆ. ಹೀಗಾಗಿ ಭಾರತ ತಂಡ ಭಾನುವಾರದ ಪಂದ್ಯ ಗೆದ್ದ ಕ್ಷಣವೇ ಹೊಸ ದಾಖಲೆ ಭಾರತದ ಪಾಲಾಗಲಿದೆ.
ಇದನ್ನೂ ಓದಿ | India vs WI ODI| ವೆಸ್ಟ್‌ ಇಂಡೀಸ್‌ ವಿರುದ್ಧ ಭಾರತಕ್ಕೆ 3 ರನ್‌ಗಳ ರೋಚಕ ಗೆಲುವು