ಬರ್ಮಿಂಗ್ಹಮ್‌ : ಕಾಮನ್ವೆಲ್ತ್‌ ಗೇಮ್ಸ್‌ (CWG-2022) ಕ್ರೀಡಾಕೂಟದ ಜುಡೂ ಸ್ಪರ್ಧೆಯಲ್ಲಿ ಭಾರತಕ್ಕೆ ಮತ್ತೊಂದು ಪದಕ ಖಾತರಿಯಾಗಿದೆ. ಈ ಬಾರಿ ಚಿನ್ನ ಅಥವಾ ಬೆಳ್ಳಿ ಪದಕ ದೊರೆಯಬಹುದು. ಮಹಿಳಾ ಜುಡೊ ಪಟು ತುಲಿಕಾ ಶರ್ಮ ೭೮+ ಕೆ.ಜಿ ವಿಭಾಗದಲ್ಲಿ ಫೈನಲ್‌ಗೆ ಪ್ರವೇಶ ಪಡೆದುಕೊಂಡಿದ್ದಾರೆ. ಸೆಮಿಫೈನಲ್ ಹಣಾಹಣಿಯಲ್ಲಿ ಅವರು ನ್ಯೂಜಿಲೆಂಡ್‌ನ ಸಿಡ್ನಿ ಆಂಡ್ರ್ಯೂಸ್‌ ವಿರುದ್ಧ ಜಯ ಸಾಧಿಸಿದ ಭಾರತೀಯ ಜುಡೊ ಸ್ಪರ್ಧಿ ಪ್ರಶಸ್ತಿ ಫೈಟ್‌ಗೆ ಪ್ರವೇಶ ಪಡೆದುಕೊಂಡರು.
ಬುಧವಾರ ನಡೆದ ಸೆಮಿಫೈನಲ್ ಹಣಾಹಣಿಯಲ್ಲಿ ಅವರು ಆಟದ ನಿಯಮಗಳನ್ನು ಮುರಿಯುವ ಮೂಲಕ ಪೆನಾಲ್ಟಿ ಅಂಕಗಳಿಗೆ ಈಡಾದರು. ಆದರೆ, ೫೩ನೇ ಸೆಕೆಂಡ್‌ನಲ್ಲಿ ಎದುರಾಳಿ ಸಂಪೂರ್ಣ ಪಾರಮ್ಯ ಮರೆದ ತುಲಿಕಾ ಏಕಪಕ್ಷೀಯ ಅಂಕಗಳನ್ನು ಸಂಪಾದಿಸುವುದರೊಂದಿಗೆ ಫೈನಲ್‌ಗೆ ಪ್ರವೇಶ ಪಡೆದುಕೊಂಡರು. ಫೈನಲ್‌ನಲ್ಲಿ ಅವರು ಸ್ಕಾಟ್ಲೆಂಡ್‌ನ ಅಡ್ಲಿಂಗ್ಟಾನ್‌ ವಿರುದ್ಧ ಜಯ ಸಾಧಿಸಲಿದ್ದಾರೆ.
ಅದಕ್ಕಿಂತ ಮೊದಲು ನಡೆದ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ತುಲಿಕಾ ಮಾನ್‌, ಮಾರಿಷಸ್‌ನ ಟ್ರೇಸಿ ಡುರ್ಹೋನ್‌ ವಿರುದ್ಧ ಜಯ ಸಾಧಿಸಿದ್ದರು.