ನವದೆಹಲಿ: ಐಪಿಎಲ್ 2023 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪ್ರಮುಖ ಬೌಲರ್ ಆಗಿದ್ದ ತುಷಾರ್ ದೇಶಪಾಂಡೆ (Tushar Deshpande) ಹೊಸ ದಾಖಲೆಯೊಂದನ್ನು ಸೃಷ್ಟಿಸಿದ್ದಾರೆ. ಅವರು 11ನೇ ಬ್ಯಾಟರ್ ಆಗಿ ಕಣಕ್ಕೆ ಇಳಿದು ಶತಕ ಬಾರಿಸಿ ಮಿಂಚಿದ್ದಾರೆ. ಈ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಿ ಗರಿಷ್ಠ ರನ್ ಮಾಡಿದ ದಾಖಲೆಯನ್ನೂ ತಮ್ಮೆಸರಿಗೆ ಬರೆದುಕೊಂಡಿದ್ದಾರೆ. ಬರೋಡಾ (Baroda Cricket Team) ವಿರುದ್ಧ ನಡೆಯುತ್ತಿರುವ ರಣಜಿ ಟ್ರೋಫಿ (Ranji Trophy) ಕ್ವಾರ್ಟರ್ ಫೈನಲ್ನಲ್ಲಿ ಮುಂಬಯಿ ಪರ ಅವರು ಈ ಸಾಧನೆ ಮಾಡಿದ್ದಾರೆ.
ರಣಜಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ 384 ರನ್ ಗಳಿಸಿತ್ತು. ಇದಕ್ಕೆ ಉತ್ತರವಾಗಿ ಬರೋಡಾ 36 ರನ್ಗಳ ಹಿನ್ನಡೆ ಅನುಭವಿಸಿ ಕೇವಲ 348 ರನ್ಗಳಿಗೆ ಕುಸಿಯಿತು. ಎರಡನೇ ಇನ್ನಿಂಗ್ಸ್ನಲ್ಲಿ ಮುಂಬೈ 9 ವಿಕೆಟ್ ನಷ್ಟಕ್ಕೆ 337 ರನ್ ಗಳಿಸಿತ್ತು. ಹೀಗಾಗಿ ಬರೋಡಾ ಸುಮಾರು 400 ರನ್ಗಳ ಗುರಿ ಪಡೆಯಬಹುದು ಎಂದುಕೊಳ್ಳಲಾಗಿತ್ತು. ಆದರೆ ತುಷಾರ್ ದೇಶಪಾಂಡೆ ಮತ್ತು ತನುಷ್ ಕೋಟ್ಯಾನ್ (Tanush Kotian) ಚಿತ್ರಣವನ್ನೇ ಬದಲಾಯಿಸಿದರು.
Tremendous Tanush 💪
— BCCI Domestic (@BCCIdomestic) February 27, 2024
Mumbai's Tanush Kotian played a brilliant knock of 120* coming in at No.10 against Baroda, stitching the 2nd highest 10th wicket partnership (232) in the history of #RanjiTrophy with Tushar Deshpande 👌
Watch 📽️ his superb knock🔽@IDFCFIRSTBank | #MUMvBDA pic.twitter.com/y3PYWkXrSv
10ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಇಳಿದ ತನುಷ್ ಹಾಗೂ 11ನೇ ಕ್ರಮಾಂಕದಲ್ಲಿ ಆಡಿದ ದೇಶಪಾಂಡೆ ಕೊನೆಯ ವಿಕೆಟ್ಗೆ 232 ರನ್ಗಳ ಜೊತೆಯಾಟವಾಡಿದರು. ತನುಷ್ ಅಜೇಯ 120 (129) ರನ್ ಗಳಿಸಿದರು, ಇದರಲ್ಲಿ 10 ಫೋರ್ಗಳು ಮತ್ತು ನಾಲ್ಕು ಸಿಕ್ಸರ್ ಗಳು ಸೇರಿಕೊಂಡಿವೆ. ತುಷಾರ್ 10 ಬೌಂಡರಿ ಹಾಗೂ 8 ಸಿಕ್ಸರ್ ಸಹಿತ 123 ರನ್ ಸಿಡಿಸಿ ಔಟಾದರು.
ಕೊನೇ ವಿಕೆಟ್ಗೆ ದಾಖಲೆ ಜತೆಯಾಟ
232 ರನ್ಗಳ ಜೊತೆಯಾಟವು ರಣಜಿ ಟ್ರೋಫಿ ಇತಿಹಾಸದಲ್ಲಿ ಕೊನೆಯ ವಿಕೆಟ್ಗೆ 2ನೇ ಅತಿ ಹೆಚ್ಚು ಜೊತೆಯಾಟವಾಗಿದೆ. ಚಂದು ಸರ್ವಟೆ ಮತ್ತು ಶುಟೆ ಬ್ಯಾನರ್ಜಿ ಒಂದೇ ಇನ್ನಿಂಗ್ಸ್ನಲ್ಲಿ 10 ಮತ್ತು 11 ನೇ ಕ್ರಮಾಂಕದಲ್ಲಿ ಪ್ರಥಮ ದರ್ಜೆ ಶತಕಗಳನ್ನು ದಾಖಲಿಸಿದ ಮೊದಲಿಗರಾಗಿದ್ದರು. 1946ರಲ್ಲಿ ಓವಲ್ನಲ್ಲಿ ನಡೆದ ಸರ್ರೆ ಮತ್ತು ಇಂಡಿಯನ್ಸ್ ನಡುವಿನ ಪಂದ್ಯದಲ್ಲಿ ಸರ್ವಾಟೆ ಮತ್ತು ಬ್ಯಾನರ್ಜಿ ಈ ಸಾಧನೆ ಮಾಡಿದ್ದರು.
ಇದನ್ನೂ ಓದಿ : Mohammed Shami : ಆಸ್ಪತ್ರೆಯಲ್ಲಿರುವ ಮೊಹಮ್ಮದ್ ಶಮಿಗೆ ಹಾರೈಕೆ ತಿಳಿಸಿದ ಪ್ರಧಾನಿ ಮೋದಿ
ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ 11ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುವಾಗ ತುಷಾರ್ ಅತಿ ಹೆಚ್ಚು ರನ್ ಗಳಿಸಿದ ಭಾರತೀಯ ಎಂಬ ದಾಖಲೆಯನ್ನು ಮುರಿದರು. ಅವರು 1947 ರಲ್ಲಿ ಸರ್ರೆ ವಿರುದ್ಧ 121 ರನ್ ಗಳಿಸಿದ ಷುಟೆ ಬ್ಯಾನರ್ಜಿ ಅವರ ದಾಖಲೆಯನ್ನು ಮುರಿದರು.
ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಗರಿಷ್ಠ ರನ್ ಬಾರಿಸಿದವರ ದಾಖಲೆ ಪಟ್ಟಿ ಇಲ್ಲಿದೆ
- 123 – ತುಷಾರ್ ದೇಶಪಾಂಡೆ ವಿರುದ್ಧ ಬರೋಡಾ, ಇಂದು
- 121 – ಶುಟೆ ಬ್ಯಾನರ್ಜಿ ವಿರುದ್ಧ ಸರ್ರೆ, 1946
- 115 – ವಿ ಶಿವರಾಮಕೃಷ್ಣನ್ ವಿರುದ್ಧ ದೆಹಲಿ, 2001